Schengener Abchomme

d Länder vom Schengener Abchomme

S Schengener Abchomme isch en internazionale Vertrag, wo für Weschteuropa der Vercheer zwüsche de einzelne Länder eifacher macht. Er het sin Name nach dr luxeburgische Ortschaft Schengen.

Es goot drum, ass me im Normalfall keine Vercheerskontrolle a de Landesgränze me macht. Und d Polizeidienscht chönne internazional Informazione über Persone und Sache ustuusche.

Das gilt für die Länder, wo Mitglider vo der Europäischen Union sind; aber Grossbritannien und Irland mache nid mit.

Mit witere Verträg sind au Island, Liechteschtei, Norweege und d Schwiiz drzuecho.

Literatur

• Alberto Achermann, Roland Bieber, Astrid Epiney, Ruth Wehner: Schengen und die Folgen. Der Abbau der Grenzkontrollen in Europa. Stämpfli, Bern / Beck, München / Manz, Wien 1995, ISBN 3-7272-9030-7 (Stämpfli) / ISBN 3-406-39637-2 (Beck) / ISBN 3-214-00220-1 (Manz).
• Stephan Breitenmoser, Sabine Gless, Otto Lagodny (Hrsg.): Schengen in der Praxis. Erfahrungen und Ausblicke. Dike, Zürich, St. Gallen / Manz, Wien / Nomos, Baden-Baden 2009, ISBN 978-3-03751-213-5 (Dike) / ISBN 978-3-214-09078-4 (Manz) / ISBN 978-3-8329-5021-7 (Nomos).

Weblink

 Commons: Schengener Abchomme – Sammlig vo Multimediadateie