Haltepungt Beringerfäld

Hp Beringerfäld
	Dè Hp Beringerfäld mit Unterfüürig vo dè Haaldèsitè hèr aagluègèt
	Dè Hp Beringerfäld mit Unterfüürig vo dè Haaldèsitè hèr aagluègèt
Daate
Bauform	Haltepungt
Perron	2
Abchürzig	RBEF
Eröffnig	Dezember 2013: Offizièlli Inbedrybnaam
Laag
Gmeind	Beringè
Kanton	Schaffuuse
Staat	Schweiz
Koordinate	686611 / 283389Koordinate: 47° 41′ 43″ N, 8° 35′ 33″ O; CH1903: 686611 / 283389
Höchi	438 m
Iisebahnstreckene
	Hochrhybaan;
Lischte vo de Bahnhööf in dr Schwiz

i7 i12 i13 i15 i15 i16 i17

Haltepungt Beringerfäld (amtlich Hp Beringerfeld) isch èn Haltepungt vo dè Gmaand Beringè im Bezirk Obberchläggi vum Kanton Schaffuusè. Bi dè Inbedrybnaam vo dè S-Baan Schaffuusè uff èm Hochrhybaan-Abschnitt Ärzingè (Baddè)–Schaffuusè isch dè Hp Beringerfäld als einzigschti Station im Chläggi neu dèzuè gmacht worrè. ^[3]

Laag[ändere | Quälltäxt bearbeite]

E Portrait vum Haltepungt Beringerfäld a dè Hochrhybaan

Dè Haltepungt lyt näbbè dè H 14, wo dè Chläggi übber diè sognennti Beringer Ängi mit èm Schaffuuser Hochrhybeggi vobindèt. D Station lyt am Oschtrand vum Dorf Beringè un öppè 300 m weschtlich vum Woonblatz Beringer Ängi.

Gschichtè[ändere | Quälltäxt bearbeite]

Am 5. Oktobèr 2013 isch dè Uusbau vo dè Baanschtrèggi zwüschè Ärzingè un Schaffhuusè fèrtig gsi un im Bedryb übbergää worrè: D Strèggi isch zwǜschè Ärzingè un Schaffuusè elegtrifizyrt worrè. Sitdèm vokeerèd zwǜschè Schaffuusè un Ärzingè d Züüg vo dè Schaffuuser S-Baan im Halbschtundètagt mit Halt an alle Stationè^[4]. D Yfüürig vo dè S-Baan hèt zum Neubau vom Haltepungt Beringerfäld gfüürt. S nötige Potential an Passagyr hèt mò im Neubaugebièt gsää, wo sich zwüschèm früènèrè öschtlichè Dorfrand vo Beringè un èm Woonblatz Beringer Ängi etablyrt hèt un sich übber öppè 650 m a dè Südhaaldè vum Beringer Randè hyyzièt. S Induschtryareal vu Beringè bringt mit sini Beruèfspendler im Hp zuèsätzlichs Potential aa Passagyr.

Infraschtruktur[ändere | Quälltäxt bearbeite]

Dè Hp Beringerfäld isch mit folgendè Komponäntè baut worrè:

2 Sitèperron, gegèübber vonènand am Gleis 1 un 2
2 Wartehüsli, je eins uff beidè Perron
1 Personèunterfüürig für s Perron am Gleis 2
1 Baanunterfüürig
1 Veloabschtellblatz.

Gleisaalaag[ändere | Quälltäxt bearbeite]

Am Gleis 1 lyt dè Huusperron uff dè Haaldèsitè, gègèübber lyt dè Perron am Gleis 2 uff dè Fäldsitè. Dè Hp Beringerfäld wörd übber s Beringer Stellwärch fèrngschtüèrèt. Am Weschtänd vo dè Perrons stän diè öschtlichè Yfaarts-Vorsignaal vum Beringer Baanhof nõch DB-Bauart in Form vo Ks-Signaal. Dè Strèggèabschnitt zwüschè Schaffuusè un Beringè isch für dè Gleiswèchslbedryb ygrichtet, dõrum sin a beidè Gleis bim Beringerfäld Vorsignaal inschtallyrt. Baanübbergäng hèts im Beringerfäld keini, dè Zuègang zum Gleis 2 wörd übber d Unterfüürig gwôrleischtet.

Hochbautè[ändere | Quälltäxt bearbeite]

S git im Hp Beringerfäld nu zwei Bautè un sèll sin diè beidè Wartehüsli.

Vokeer[ändere | Quälltäxt bearbeite]

Baanvokeer[ändere | Quälltäxt bearbeite]

Sit èm Dezèmber 2013 vokeert d Schaffuuser S-Baan zwǜschè Schaffuusè un Ärzingè mit Halt im Beringerfäld im Halbschtundètagt. Durch è zuèsätzlichi S-Baan-Linniè Bf Schaffuusè - Bf Beringè Baddischè Baanhof isch dè Service im Hp Beringerfäld uff èn Vyrtelschtundètagt vodichtet worrè.

RB Schaffuusè – Hp Beringerfäld – Ärzingè (SBB GmbH/Thurbo) halbschtündlich

RB Schaffuusè – Hp Beringerfäld – Beringer Baanhof (SBB GmbH/Thurbo) halbschtündlich

D Züüg vom Interregio-Exprèss Basl Bad Bf-Bhf. Friddrichshaffè uff dè DB-Linniè IRE 3 passyrèd dè Hp im Beringerfäld ooni Halt.

Autobusvokeer[ändere | Quälltäxt bearbeite]

A dè H 14 git s è Bushalteschtell vo dè Buslinniè 21 vo dè Vokeersbedryb Schaffuusè^[5].

Literadur[ändere | Quälltäxt bearbeite]

Schienennetz Schweiz. Usègää 1980 vum Generalsekretariat SBB. Bèrn 1980.
Hans G. Wägli: Schienennetz Schweiz und Bahnprofil Schweiz CH+. AS Volaag, Züri 2010, ISBN 978-3-909111-74-9.
Jürg Zimmermann: 125 Jahre deutsche Bahn auf Schaffhauser Boden. Volaag Peter Meili, Schaffuusè 1988, ISBN 3-85805-143-8.
Rainer Gerber: 125 Jahre Basel–Waldshut: Jubiläum der Eisenbahn am Hochrhein. Ysèbaa-Kuryr Volaag, Fryburg 1981, ISBN 3-88255-789-3
Hans Wolfgang Scharf: Die Eisenbahn am Hochrhein. Band 1: Von Basel zum Bodensee 1840–1939 (= Südweschtdütschi Ysèbaagschichtè, Band 4). Ysèbaa-Kuryr Volaag, Fryburg 1993, ISBN 3-88255-755-9.
Hans Wolfgang Scharf: Die Eisenbahn am Hochrhein. Band 2: Von Basel zum Bodensee 1939–1992 (= Südweschtdütschi Ysèbaagschichtè, Band 5). Ysèbaa-Kuryr Volaag, Fryburg 1993, ISBN 3-88255-756-7.

Weblinggs[ändere | Quälltäxt bearbeite]

Commons: Hp Beringerfäld – Sammlig vo Multimediadateie

Einzelnõchwyys[ändere | Quälltäxt bearbeite]

↑ Abkürzung
↑ https://sh.ch/CMS/Webseite/Kanton-Schaffhausen/Beh-rde/Verwaltung/Baudepartement/Koordinationsstelle--ffentlicher-Verkehr-K-V/S-Bahn-Schaffhausen-1251846-DE.html
↑ luèg dõdèzuè: Gränzübberschrittèndi Schwyzer Sträggè
↑ SBB: S-Bahn Schaffhausen. In: sbb.ch. Archiviert vom Original am 15. Dezember 2014; abgruefen am 23. Dezember 2014.
↑ Haltestellen-Fahrpläne 2023. Abgruefen am 26. Juni 2023.

[1] Abkürzung

[2] ttps://sh.ch/CMS/Webseite/Kanton-Schaffhausen/Beh-rde/Verwaltung/Baudepartement/Koordinationsstelle--ffentlicher-Verkehr-K-V/S-Bahn-Schaffhausen-1251846-DE.html

[3] uèg dõdèzuè: Gränzübberschrittèndi Schwyzer Sträggè

[4] SBB: S-Bahn Schaffhausen. In: sbb.ch. Archiviert vom Original am 15. Dezember 2014; abgruefen am 23. Dezember 2014.

[5] Haltestellen-Fahrpläne 2023. Abgruefen am 26. Juni 2023.

[1]

[2]

[3]

[4]

[5]