Ärzinger Baanhof

Ärzingè (Baddè) (amtlich: Erzingen (Baden))
Bahnhof Erzingen (Baden) (Baden-Württemberg)
Daate
Kategorii	4
Bauform	Durchgangsbaanhof
Perron	3
Abchürzig	RERZ RQER (Erzingen Grenze)
Eröffnig	15. Juni 1863
Laag
Gmeind	Chleggau
Ort	Ärzingè
Land	Baden-Württemberg
Staat	Deutschland
Koordinate	47° 39′ 41″ N, 8° 25′ 13″ O47.6614198.420357
Höchi	401 m ü. NHN
Iisebahnstreckene
Hochrhybaan (km 345,6) (KBS 730)
Bahnhööf z Bade-Würtebärg

i7i13i15i15i16i17

Dè Baanhof Ärzingè isch ein vo zwei Baanschtationè i dè südbaddischè Gmeind Chleggau, wo im Gmeindshauptort Ärzingè a dè Hochrhybaan uff èm Abschnitt Waldshuèt-Schaffuusè lyt. Sit èm Dezèmber 2013 isch dè Ärzinger Baanhof weschtlichè Endpungt vo dè Schaffuuser S-Baan, ußerdèm isch d Streggi bis Schaffuusè zweigleisig un elegtrifizyrt.

Laag

Dè Baanhof Ärzingè lyt im Dalboddè vom Chleggaudal sowiè am Fuèß un am Rand vom Wyybaudorf Ärzingè nur 200 Meter vo dè dütsch-schwizer Gränz èwäg un isch èn Gränzbaanhof. Nõchbòrbaanhöf vo Ärzingè sin dè Grièßemer Baanhof, wo 4,5 km südweschtlich positionyrt isch, un dè Bf. Traadingè, wo nu 600 m èwäg isch, well er uumittelbar ènnèt dè Gränz uff Schwizer Territorium lyt. Beidi Stationè ligèd au a dè Hochrhybaan.

Barallel zuè dè Baanschtreggi un dōdemit au barallel zum Ärzinger Baanhof volauft d B 34, a wellèrè au in uumittelbarer Nôchi dè Gränzübbergang Ärzingè-Traadingè in Kanton Schaffuusè lyt. Im Chläggi, wiè-s Dal vo Traadingè obsi benamst wörd, gòt d B 34 als H 13 bis Schaffuusè un drübber usè witter.

Gschichtè

Dè Bau vo dè Bahnlinnie Basel–Konschdanz als Schlussstugg vo dè Baddischè Hauptbaan isch im 19. Johrhundert für d Ywooner vom Chleggau è technischi Sensation gsi. Nõch langè kommunalè Strittereiè um d Linnièfüürung vo dè Ysèbaa hèn d Baumaßnaamè a dè Baanschtreggi, wiè au dè Neubau vom Ärzinger Baanhof, schliéßlich im Johr 1863 irèn Abschluss gfundè.

d Elegtrifizyrung vo dè Hochrhybaan findèt è Ènd 200 m südweschtlich vom Bhf. Ärzingè

Von Novembèr 2012 bis Oktober 2013 isch dè Streggèabschnitt zwüschè Ärzingè un Schaffuusè zweigleisig uusbaut un elegtrifizyrt worrè. Dõdruffhy sin Ragionalbaanè un S-Baan-Züüg zum Ysatz chò. Sèll isch au è Sensation gsi, well d Bediènung vo dè Unterwägsbaanhof zwüschè Ärzingè un Neuhuusè übber Johrzehntè uff Schinnèersatzvokeer umgschtellt gsi isch, wa bi dè Dütschè Baan normalerwys im Dotèglöggli für dè Baanvokeer glych chunnt.

Übber diè ganz Zit durrè isch dè Ärzinger Baanhof Eilzughalt (hüt: IRE-Halt) un vo dènnè Yschränkungè im Baanbedryb nit betroffè gsi.

Bedryb

Als Gränzbaanhof isch dè Baanhof Ärzingè sowoll i dè Schwizer Taryfvobund Oschtwind wiè au i dè dütschè Waldshuèter Taryfvobund (WTV) ygliderèt.

Baanvokeer

Dè Ärzinger Baanhof wörd hüt vo IRE-Züüg mit èm Laufwäg Basel Bad Bf–Singè (Hohentwiyl) un Basel Bad Bf–Ulm Hbf bediènt. Sit 2015 vokeert im Netz vo dè Schaffuuser S-Baan è stündlichi RB vo dè DB Regio Südbaddè zwüschè Ärzingè un Schaffuusè. Halbschtündlich vosetzt vokeert uff dè glychè Relation è S-Baan vo dè SBB GmbH. Dõdèzuè chömmèd einzelni Züüg zwüschè Waldshuèt un Ärzingè, wo in èrschter Linnie für dè Schülervokeer denkt sin un au dè Haltepungt z Grièßè bediènèd.

Zuggattung	Streggi	Tagtfrequènz
IRE	Basel Bad Bf – Rhyfäldè (Baddè) – Säckingè – Waldshuèt – Ärzingè (Baddé) – Schaffuusè – Singè am Hohentwyl – Radolfzèll – Fridrichshaffè Stadt – Ulm Hbf	60-Minutè-Tagt 120-Minutè-Tagt uff Ulm
RB	Schaffuuser S-Baan Ärzingè (Baddè) – Wilchingè-Hallau – Nüüchilch – Beringè Bad Bf – Neuhuusè Bad Bf – Bf. Schaffuusè	60-Minuten-Tagt (im Wechsel mit dè SBB)
S	Schaffuuser S-Baan Ärzingè (Baddè) – Wilchingè-Hallau – Nüüchilch – Beringè Bad Bf – Neuhuusè Bad Bf – Schaffuusè	60-Minuten-Tagt (im Wechsel mit dè DB) zwüschè Beringè un Schaffuusè im 30-Minuten-Tagt
RB	Waldshuèt – Düèngè – Lauchringè – Grièßè – Ärzingè (Baddè)	einzelni Züüg morgens/mittags

Busvokeer

Im südweschtlichè Eggè vom Baanhof uumittelbar am Huusbaanschteig gegèübber vom Gleis 1 ligèd d Bushalteschtellè Ärzingè Baanhof. Vo dört uus faarèd Regionalbus i diè umligendè Dörfer un Gmeindè. Im spezièllè wörrèd diè entlegendè Dörfer im Obberè Schwarzbachdal un im Jeschtettemer Zipfel wörrèd übber Buslinniè an Ärzinger Baanhof aabundè, well wedder d Hochrhybaan nò d Baanschtreggi übber s Rafzer Fäld è dirèkti Aabindung vom sèllè Gebièt erlaubt. Bruucht wörrèd sèlli Buslinniè vo allèm im Schülervokeer.

Zuèkumpft

Im März 2016 sin sich s Land Baddè-Württèbärg, d Landchrais Waldshuèt un Lerrach, dè Regionalvoband Hochrhy-Boddèsee, s Schwizer Bundesamt für Vokeer sowiè d Kantön Basel-Stadt un Schaffuusè in èm gmeinsamè Memorandum of Understanding übber d Finanzyrung vo dè vollschtändigè Elegtrifizyrung vo dè Hochrhybahn zwüschè Basel un Ärzingè voschtändigt. Dè Uusbau wörd mit 160 Millionè Euro voaaschlaat.

Literadur

• Rainer Gerber: 125 Jahre Basel–Waldshut: Jubiläum der Eisenbahn am Hochrhein. Eisenbahn-Kurier Verlag, Freiburg 1981, ISBN 3-88255-789-3
• Hans Wolfgang Scharf: Die Eisenbahn am Hochrhein. Band 1: Von Basel zum Bodensee 1840–1939. (= Südwestdeutsche Eisenbahngeschichte, Band 4). Eisenbahn-Kurier Verlag, Freiburg 1993, ISBN 3-88255-755-9
• Hans Wolfgang Scharf: Die Eisenbahn am Hochrhein. Band 2: Von Basel zum Bodensee 1939–1992. (= Südwestdeutsche Eisenbahngeschichte, Band 5). Eisenbahn-Kurier Verlag, Freiburg 1993, ISBN 3-88255-756-7
• Dietmund Schwarz: Eine Dorfgemeinde und ihre Bahngeschichte – 150 Jahre Eisenbahn in Lauchringen und am Hochrhein von Waldshut nach Konstanz 1863–2013, Lauchringen 2013, ISBN 978-3-00-040605-8

Weblingg

• Vorlage:Gleise in Serviceeinrichtungen

Einzelnõchwys

Dä Artikel basiert uff ere fräie Übersetzig vum Artikel „Erzingen_(Baden)“ vu de dütsche Wikipedia. E Liste vu de Autore un Versione isch do z finde.