Bempfleng

Us der alemannische Wikipedia, der freie Dialäkt-Enzyklopedy


Wappa Deitschlandkart
Wappa vo de Gmoed Bempflingen
Bempflingen
Deutschlandkarte, Position vo de Gmoed Bempflingen hervorghobe
Koordinate: 48° 34′ N, 9° 16′ O
Basisdata
Bundesland: Bade-Wirttebärg
Regierongsbezirk: Stuegert
Landkroes: Esslenga
Heh: 336 m i. NHN
Fläch: 6,27 km²
Eiwohner:

3507 (31. Dez. 2021)[1]

Bevelkerongsdicht: 559 Eiwohner je km²
Boschtloetzahl: 72658
Vorwahl: 07123
Kfz-Kennzoeche: ES
Gmoedsschlissel: 08 1 16 008
Adress vo dr
Gmoedsverwaltong:
Metzinger Straße 3
72658 Bempflingen
Webpräsenz: www.bempflingen.de
Schuldes: Bernd Welser
Lag vo de Gmoed Bempflingen em Landkroes Esslenga
KarteAlb-Donau-KreisLandkreis BöblingenLandkreis GöppingenLandkreis LudwigsburgLandkreis ReutlingenLandkreis TübingenRems-Murr-KreisStuttgartAichtalAichwaldAltbachAltdorf (Landkreis Esslingen)AltenrietAltenrietBaltmannsweilerBempflingenBeuren (bei Nürtingen)Bissingen an der TeckDeizisauDenkendorf (Württemberg)Dettingen unter TeckErkenbrechtsweilerEsslingen am NeckarFilderstadtFrickenhausen (Württemberg)GroßbettlingenHochdorf (bei Plochingen)HolzmadenKirchheim unter TeckKöngenKohlberg (Württemberg)Kohlberg (Württemberg)Leinfelden-EchterdingenLenningenLichtenwaldNeckartailfingenNeckartenzlingenNeidlingenNeuffenNeuhausen auf den FildernNotzingenNürtingenOberboihingenOhmdenOstfildernOwenPlochingenReichenbach an der FilsSchlaitdorfUnterensingenWeilheim an der TeckWendlingen am NeckarWernau (Neckar)Wolfschlugen
Karte
Dialäkt: Schwäbisch

Bempfleng (dt. Bempflingen), lokal ao Bẽpfleng isch a Gmaende em Landgraes Essleng en Bada-Wirddabärg mid därzeid äbbes ibor 3200 Aewonor. d measde Aewonor pendled zom Schaffa aus-m Flägga naus Richdong Metzeng, Reidleng ond Niirdeng. Zo Bempfleng ghaered d Ortsdåel Bempfleng ond Gloebeddleng.

Bempfleng leid an dor Graesgrenz zom Graes Reidleng ond isch gschichdlich, schualisch, wirdschafdlich ond kuldurell deidlich nåch Metzeng em Graes Reidleng orientird.

D Ordsmidde vo Bempfleng, Turm vo dor evangelischa Stephanskirch mid (rächds dorvo) ehemalichem Pfarrhaus, jezzd evangelischs Gmaendehaus
Bligg vo Bempfleng nåch Gloebeddleng, em Hendorgrond dor Gråfabärg

Geografi[ändere | Quälltäxt bearbeite]

Bempfleng leid zwisch-m Erms- ond-m Autmutdaal, em Vorland vo dor Schwäbischa Alb. Nåchbergmandena send Näggordenzleng em Nordwäsda, Altdorf em Norda, (Graos-)Beddleng em Nordosda (älle Landgraes Essleng) ond Gråfabärg ond Riadorich em Sida (båede Landgraes Reidleng).

D Gmarkong sezzd sich zsẽma aus 15,5 % landwirdschafdlichor Fleche, 4,4 % Wald, 6,3 % Sidlongsfleche ond 0,3 % sonsdichor Fleche.

Aus dor Gschiichd[ändere | Quälltäxt bearbeite]

S aersde Mål wird Bempfleng ănna 1090 als Biemphelingin em "Bempflinger Vertrag" erweend, iborliifored en dor "Zwiefalter Chronik". 1465 isch-s an Wirddabärg komma ond hådd vo då ãzom Ondoramd Metzeng em Oboramd Urach ghaerd. Dor Ordsdåel Gleobeddleng hådd scho frijor, seid 1301 zo Wirddabärd ghaerd ond då zom Ondoramd Neiffa em Oboramd Niirdeng.

Aersd em Jår 1938 isch Bempfleng zom Graes Niirdeng omgliidored wårda. Am 1.1.1972 håd sich Gleobeddleng mit Bempfleng zsẽmagschlossa. Bei dor Graesreform ănna 1973 hådd sich dor Haobdord Bembfleng zwar mid-ra leichda Mehrhaed firr on Wäggsl en dor Graes Reidleng ausgsbrocha, weil se aegendlich scho emmor då nomm ghaerd hend. Abor weil dor gloenore Dåelord Gloebeddleng sich mid graosor Mehrhead firr dor Landgraes Essleng ausbrocha hådd, hådd ganz Bempflenga dåmåls em nuia Graes Essleng bleiba miasa.

Vorkehr[ändere | Quälltäxt bearbeite]

Bempfleng leid an dor Eisabãsdregge Sduagord-Dibeng ond hådd on åegena Bãhof. Mor kã vo dord aus mid-m VVS (Vorkehrsvorbund Sduagord) Richdong Niirdeng/Sduagord faara ond mid-m Naldo (Vorkehrsvorbund Näggor-Alb-Donao) nåch Metzeng/Reidleng.

Liddorarisches[ändere | Quälltäxt bearbeite]

Dor Gerhard Raff hådd en saem Biachle Herr, schmeiß Hirn ra! d Figur vom Bempflengor Beggor Johann C. Tung ärfonda (*1.4.1735), on Auswandoror nåch China. Vo demm sdammd dui legendära chinesischa Tung-Dynasdi, zo där als graesdor dor Mao Tse Tung ghaerd. Dor Johann C. Tung isch wäaga saene "Zswä-tsh-gen-ku-chen", "Shnä-ken-nu-dlen" ond "He-fe-Tsepf" en China beriimd wårda ond isch dor 1. Vors. vom "Xang-fe-rai 1759 Shang-hai e. V." gwäa.[2]

Verwaltong[ändere | Quälltäxt bearbeite]

Bempfleng hådd sich mit de Gmaendena Alddorf, Alderiet, (Näggor-)Dåelfeng, Näggordenzleng ond Schlåeddorf zom Gmaendevorwaltungsvorband Näggordenzleng mit Sitz en Neggerdenzleng zsẽmagschlossa.

Birgormåsdor isch dor Bernd Welser.

Wahla[ändere | Quälltäxt bearbeite]

Ergäbnis vo de Landdagswahla seid 2006:

Jahr CDU Greane SPD FDP Lenke1 AfD Sonschtiche
2016 23,9 % 35,4 % 13 % 8,7 % 1,9 % 13,6 % 3,5 %
2011 40,2 21,4 27,8 3,4 1,8 5,4
2006 38,5 11,8 28,5 11,9 2,6 6,7

1 2006: WASG, seid 2011: Die Linke

Dialäggd[ändere | Quälltäxt bearbeite]

Dor Dialäggd vo Bempfleng ghaerd zom Schwäbischa, gnao gsaed zom Middl-Nidorschwäbischa.

Fuaßnoda[ändere | Quälltäxt bearbeite]

  1. Statistisches Landesamt Baden-Württemberg – Bevölkerung nach Nationalität und Geschlecht am 31. Dezember 2021 (CSV-Datei).
  2. Gerhard Raff, Herr schmeiß Hirn ra!, 20. Auflage 1997 Stutgart, ISBN 3-421-06257-9, S. 31ff.

Weblink[ändere | Quälltäxt bearbeite]

 Commons: Bempflingen – Sammlig vo Multimediadateie