Kengga

Us der alemannische Wikipedia, der freie Dialäkt-Enzyklopedy


Wappa Deitschlandkart
Wappa vo de Gmoed Köngen
Köngen
Deutschlandkarte, Position vo de Gmoed Köngen hervorghobe
Koordinate: 48° 41′ N, 9° 22′ O
Basisdata
Bundesland: Bade-Wirttebärg
Regierongsbezirk: Stuegert
Landkroes: Esslenga
Heh: 281 m i. NHN
Fläch: 12,5 km²
Eiwohner:

9831 (31. Dez. 2021)[1]

Bevelkerongsdicht: 785 Eiwohner je km²
Boschtloetzahl: 73257
Vorwahl: 07024
Kfz-Kennzoeche: ES
Gmoedsschlissel: 08 1 16 035
Adress vo dr
Gmoedsverwaltong:
Stöfflerplatz 1
73257 Köngen
Webpräsenz: www.koengen.de
Schuldes: Otto Ruppaner
Lag vo de Gmoed Köngen em Landkroes Esslenga
KarteAlb-Donau-KreisLandkreis BöblingenLandkreis GöppingenLandkreis LudwigsburgLandkreis ReutlingenLandkreis TübingenRems-Murr-KreisStuttgartAichtalAichwaldAltbachAltdorf (Landkreis Esslingen)AltenrietAltenrietBaltmannsweilerBempflingenBeuren (bei Nürtingen)Bissingen an der TeckDeizisauDenkendorf (Württemberg)Dettingen unter TeckErkenbrechtsweilerEsslingen am NeckarFilderstadtFrickenhausen (Württemberg)GroßbettlingenHochdorf (bei Plochingen)HolzmadenKirchheim unter TeckKöngenKohlberg (Württemberg)Kohlberg (Württemberg)Leinfelden-EchterdingenLenningenLichtenwaldNeckartailfingenNeckartenzlingenNeidlingenNeuffenNeuhausen auf den FildernNotzingenNürtingenOberboihingenOhmdenOstfildernOwenPlochingenReichenbach an der FilsSchlaitdorfUnterensingenWeilheim an der TeckWendlingen am NeckarWernau (Neckar)Wolfschlugen
Karte
Dialäkt: Schwäbisch

Kengga (schwäb. Kengga ['keŋgɐ], adjektivisch Kenggamor (mit m, weil dor Nãma aus Kenkhaem endsdanda isch), dt. Köngen ['køŋgn̩], wäaga dor Schreibong ao falsch als ['køŋən] ausgsbrocha) isch a Gmaende em Landgraes Esslenga en Bada-Wirttabärg.

Kenga (onda) ond Wendleng [oba). En dor Midde d B 313 ond dor Näggor, rächds oba d Audobã A 8
D hisdorischa Ulrichsbrugg
Rekonsdruirdor Turm vom Kasdell Grinario

Geografi[ändere | Quälltäxt bearbeite]

Kengga leid uff dor lengga Seid vom Näggor, am wäschdlicha Hang vom Daal. Nåchborgmaendena send Deizisao em Norda, Wärnao em Nordoschda, Wendleng em Sidoschda, Ondorẽseng em Sida ond Denggadårf em Wäschda (älle Landgraes Esslenge).

D Gmarkong sezzd sich zsẽma aus 32,8 % landwirdschafdlichor Fleche, 5,9 % Wald, 13,6 % Sidlongsfleche ond 0,7 % sonschdichor Fleche.

Gmaendeglidorong[ändere | Quälltäxt bearbeite]

Zo Kengga ghaerd dor Flägga Kengga ond a graesora Ãzahl vo Aussidlorheef: d Birkeheef, d Buachaheef, d Erlaheef, d Kempflorheef, dor Lerchahoof, d Riedhef, d Rotheef, dor Seehof, dor Daalhoof ond d Wangaheef; dorzua kommd no dor Wohnblazz Aldabärg.

Aus dor Gschiichd[ändere | Quälltäxt bearbeite]

Kengga isch zomm aerschda Mål anna 1075 erweend wårda. Ibor saene Grenza naus isch Kengga bekannd wäaga saem remischa Kaschdäll Grinario. D aerschde Ausgrabonga hend schao anna 1783 ondorm Oboramdmã Rosor schdaddgfonda. Zwischa Kengga ond Wendleng gåd d Ulrichsbrugg ibor dor Näggor. Baud hådd dui 1602-1604 dor bedeidende wirddabärgische Hofbaumåeschdor Heinrich Schickhardt. Bis 1975 isch dor ganze Vorkehr ibor dui Brugg ganga. Jetzt isch-se fir Radfahror ond Fuasgengor resärvird ond mor kã se en ällor Rua ãgugga.

Verwaldong[ändere | Quälltäxt bearbeite]

Kengga hådd sich mit dor Stadt Wendleng zomm Gmaendevorwaldongsvorband Wendleng mit Sitz en Wendleng zsẽmagschlossa.

Birgermåesdor isch dor Otto Ruppaner.

Wahla[ändere | Quälltäxt bearbeite]

Ergebnis vo de Landdaagswahla seid 2006:

Jahr CDU Greane SPD FDP Lenke1 AfD Sonschtiche
2016 28,8 % 31 % 12,9 % 8,3 % 1,3 % 13,3 % 4,4 %
2011 52,3 % 16,4 % 18,5 % 4,4 % 2,2 % 6,2 %
2006 48,6 % 7,5 % 23,1 % 11,9 % 1,6 % 7,3 %

1 2006: WASG, seid 2011: Die Linke

Vorãsdaldonga[ändere | Quälltäxt bearbeite]

D graesda Vorãsdaldong z Kengga isch äll Jår dor Bfengsdmärgd. Är fangd am Samsdich vårr Bfengsda ã ond gåd bis Bfengsdmẽdich. Bsuachd wird där Märgd jedesmål vo an de 30.000 Leid aus dor ganza Omgäbong. Nåch zwåe Jår Zwangspaus wäaga Corona hådd-or 2022 widor mid-m gleicha Ãdrang sdaddgfonda.

Dialekt[ändere | Quälltäxt bearbeite]

Dor Dialekt vo Kengga ghaert zom Middlschwäbischa.

Fuasnood[ändere | Quälltäxt bearbeite]

  1. Statistisches Landesamt Baden-Württemberg – Bevölkerung nach Nationalität und Geschlecht am 31. Dezember 2021 (CSV-Datei).

Weblink[ändere | Quälltäxt bearbeite]

 Commons: Köngen – Sammlig vo Multimediadateie