Baarge SH

Us der alemannische Wikipedia, der freie Dialäkt-Enzyklopedy
Hops zue: Navigation, Suech
S SH im Lemma isch s offiziell Chürzel vom Kanton Schaffuuse und wird bruucht, zum Verwächslige mit Yträäg vom Name Bargen vermyde, wo öppis anders meined.
Bargen
Wappe vo Bargen
Basisdate
Staat: Schwiiz
Kanton: Schaffuuse (SH)
Bezirk: Schafuusew
BFS-Nr.: 2931i1f3f4
Poschtleitzahl: 8233
UN/LOCODE: CH BGN
Koordinate: 687038 / 29317647.7833368.599998605Koordinaten: 47° 47′ 0″ N, 8° 36′ 0″ O; CH1903: 687038 / 293176
Höchi: 605 m ü. M.
Flächi: 8,27 km²
Iiwohner: 291 (31. Dezämber 2015)[1]
Website: www.bargen.ch
Luftufnahm vu Baarge

Luftufnahm vu Baarge

Charte
Dütschland Dütschland Dütschland Kanton Thurgau Kanton Züri Oberchleggi Bezirk Reiat Bezirk Schlaate Underchleggi Baarge Beringe Buechbärg Buechbärg Buchberg SH Merishuuse Neuhuuse am Rhiifall Rüedlinge SchaffuuseCharte vo Bargen
Iber des Bild
w

Baarge (amtlich Bargen) isch e politischi Gmeind im Bezirk Schafuuse vom Kanton Schafuuse. Si isch di nördlichscht Gmeind vo de Schwiiz.

De Gränzstei mit de Nummere 593, wo dä am wytischte im Norde isch vo de ganze Schwiiz

Geografi[ändere | Quälltäxt bearbeite]

Baarge isch e Buuredorf im obere Deil vom Durachtaal, wo bi de Höchi vo Neuhuuse am Rande uf dütschem Piet afoot. Uf de Weschtsyte vom Tal hets Wald a de Häng vom Ättebärg, vom Mannshopt, vom Hohhengscht und em Niderhengscht und a der Flangge vom Bargemer Rande. Zwei Sytetäler sind uf em Gmeindpiet, s Hauetaal und Mülitaal. D Gmeindsflächi umfasst 29,2 % landwirtschaftlichi Flächi, 65,8 % Wald, 4,8 % Sidligsflächi und 0,2 % sustigi Flächi. Uf em Gmeindsgebiet vo Baarge lit de «Schwarzi Stei» oder de «Gatterstei», wo nid nu de nördlichsti Punkt vom Kanton Schafuuse, sondern au vo de ganze Schwiz markiere tuet.

Nochbergmeinde vo Baarge sind im Weste und Norde Bluembärg, im Oste Tenge (beidi Dütschland) und im Süde d Schwizer Gmeind Merishuuse.

Gschicht[ändere | Quälltäxt bearbeite]

Baarge isch zum erschte Mol gnennt worde im Johr 884 als Paragen. S Dorf het de Nälleburger und spöter em Chloschter Allerhäilige ghört und denn sid em 15. Johrhundert de Stadt Schaffhuuse.

Wappe[ändere | Quälltäxt bearbeite]

S Gmeindswappe vo Baarge zeigt es Sänkblei und de Freiheitshuet.

Sproch und Dialekt[ändere | Quälltäxt bearbeite]

Bi de Volkszellig 2000 hend vo de 248 Iiwohner 96 % Dütsch als Hauptsproch aagee und 1,6 % Italienisch.

De hochalemannisch Dialekt vo Baarge ghört zue de Nordoschtschwizer Dialekt.

Der Chansonier Dieter Wiesmann het vo Barge es Lied i der Schaffhuser Mundart gmacht: Paar Hüser, paar Gärte, chli Wald und chli Land - es chlises Dorf am Rand ….

Bevölkerig[ändere | Quälltäxt bearbeite]

Johr 1850 1860 1870 1880 1888 1900 1910 1920
Iiwohner 327 327 319 277 274 226 221 215
Johr 1930 1941 1950 1960 1970 1980 1990 2000
Iiwohner 207 227 203 215 249 237 214 248

De Uusländeraateil isch 2010 bi 18,5 % gläge.

Religion[ändere | Quälltäxt bearbeite]

61,7 % vo de Iiwooner sind evangelisch-reformiert, 20,6 % sind römisch-katholisch (Stand 2000).

Politik[ändere | Quälltäxt bearbeite]

Bi de Nationalrootswaale 2011 het s da Ergebnis gee: CVP 4,4 %, FDP 3,5 %, SP 19,7 %, SVP 70,2 %, Sustigi 2,2 %.

Gmeindspresident isch de Erich Graf (Stand 2012).

Wirtschaft[ändere | Quälltäxt bearbeite]

Z Barge isch de Zoll a der Landstrooss, wo d Kantonsstroos 4 vo Schaffhuuse här uf Rande und Blumbärg goot. Es git dai Tankstelle, s Reschtorant Chroone, wo i de Wärbig seit, es sig dä Gaschthof, wo am wytischte im Norde vo de Schwiiz liit,[2] und es Büro vo de Transbortfirma Gondrand.

Weblink[ändere | Quälltäxt bearbeite]

 Commons: Bargen SH – Sammlig vo Multimediadateie

Fuessnote[ändere | Quälltäxt bearbeite]

  1. Statistik Schweiz – STAT-TAB: Ständige und Nichtständige Wohnbevölkerung nach Region, Geschlecht, Nationalität und Alter (Ständige Wohnbevölkerung)
  2. Chroone vo Baarge uf resto.ch