Dieter Wiesmann

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Dr Dieter Wiesmann (* 5. Mai 1939 z Schaffuuse; † 23. Septämber 2015 ebedert) isch e Schwyzer Liedermacher un Apeteeker gsii.

Lääbe[ändere | Quälltäxt bearbeite]

Dr Dieter Wiesmann isch Pfadfinder gsii un isch no dr Matura Apeteeker wore. Scho in syre Studiezyt het er bim Schwyzer Färnseh as Moderator un Redakteur gschafft. Unter anderem het er Gschichte fir s Chinderfärnsehprogramm synchronisiert un iberschafft. Derzue het er bim Radio gschafft. Anne 1983 isch er Mitgrinder vum Schaffuuser Lokalradiosänder Radio Munot gsii.

Zwische 1974 un 1999 het dr Dieter Wiesmann iber 2000 Kunzärt gee un het elf Albe uusebrocht. Anne 1980 het er e Tournee im erschte Yysebahntheater vu dr Wält gmacht. 1989 het er e Guldeni Schallplatte fir s Chinderlieder-Album Matthias iberchuu. Produziert woren isch s vum Reinhard Mey.

Sy Karriere as Chansonnier het dr Wiesmann scho anne 1999 ufgee. Sy baide letschte Kunzärt het er aber zue sym 65. Geburtsdag am 5. un 12. Mai 2004 im Stadttheater Schaffuuse gee.

Im Hauptbruef isch er Mitinhaber vu dr Zäntralapethek z Nöühuuse gsii. Zämme mit sym Gscheftspartner Patrick Gschwend het er 15 Mitarbeiterinne bscheftigt. Dr Dieter Wiesmann het z Züri gwohnt un isch z Nüüfere haimetbrächtigt gsii.

Wärch[ändere | Quälltäxt bearbeite]

Dr Wiesmann het iber hundert Lieder gschribe, fascht alli im Schaffuuser Dieläkt. Byschpel fir Lieder in dr Standardsproch sin d Lovestory zwischen der Geig' und der Flöten un s Höhlenopus (Immer nur Gras).

Dr Wiesmann het si in sym Schaffen as exakte Beobachter uuszaichnet. Är het versuecht, sy Umfäld uf en amisanti un zum Dail nutzlosi Art z bschrybe. Bi dr Yystellig vum Schaffuuser Trambedrib het er zem Byschpel wie ne Chunschtexpert driber brichtet, ass d Haizigsabdeckig s nämlig altmedig Muschter heb wie ne Dail vu dr Yygangsstäge un s aim schon elai wäge däm mießt duure.

Syni Lieder, wu dytligi Yyfliss vum Reinhard Mey zaige, hän si um s individuäll empfunden un formuliert Uubehagen in der Gsellschaft drillt.

Liebeslieder[ändere | Quälltäxt bearbeite]

In e Huffe Lieder vum Wiesmann goht s um d Liebi. Är bschrybt s Elterwäre vu dr Liebi (Aus Stunden werden Jahre, Mehr als 20 Jahre – hoffentlich nochmals 20 Jahre), di gchauft Liebi (Eine Verzweiflungsliebe), Summerliebi oder s Ainsamsyy (Manchmal streichelt sie sich selbst).

Di wichtigschte Lieder[ändere | Quälltäxt bearbeite]

Sy Lied Blos e chlini Stadt[1] isch zue dr Hymne vu syre Haimetstadt Schaffuuse wore. S Lied isch Ändi 1960er-Johr fir e Cabaret entstande. S wird alliwyl zum Uusklang vum Dag uf Radio Munot gspiilt. Au seli bekannt – zmindescht in dr Oschtschweiz – isch s Lied De Tuusigfüessler Balthasar, wu uf syre ainzige Chinderplatte Matthias erschinen isch.

Diskografy[ändere | Quälltäxt bearbeite]

Solo[ändere | Quälltäxt bearbeite]

  • Momoll, 1970
  • Und überhaupt
  • Matthias, 1977
  • Live im Schützenstübli, 1978
  • Unterwegs
  • Danke, uusgezeichnet, 1982
  • Nomoll, 1986
  • Gesammelte Werklein („Best of“), 1990
  • Roti Socke (beglaitet vum Georg Della Pietra), 1990
  • Gäge de Strom, unplugged (beglaitet vum Georg Della Pietra), 1994
  • Schluss-Akkord (beglaitet vum Georg Della Pietra), 1998

Mit dr Dachkammersängern[ändere | Quälltäxt bearbeite]

  • Dachbudenplausch
  • Landstrassenplausch
  • Plausch Nr. 3

Liederbiecher[ändere | Quälltäxt bearbeite]

  • De Tuusigfüessler Balthasar. Ein Bilderliederbuch, illustriert von Gret Kuhn. Zytglogge Verlag, Gümligen 1998, ISBN 3-7296-0561-5.
  • Momoll. Liederbuch, enthält d Lieder vo "Momoll" und "Und überhaupt". Voggenreiter Verlag, 1977, ISBN 3-8024-0051-8.
  • Gäge de Strom. Liederbuch, enthält d Lieder vo "Gäge de Strom".

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. Blos e chlini Stadt uf Tagblatt.ch, abgruefen am 30. Septämber 2015
Information icon.svg Dä Artikel basiert uff ere fräie Übersetzig vu dere Version vum Artikel „Dieter_Wiesmann“ vu de dütsche Wikipedia.

E Liste vu de Autore un Versione isch do z finde.