Schwarzer Stein (Randen)

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Schaffhuuser Sitè vom Schwarzè Schtein
Infodaflè bim Schwarzè Schtei

Uff èm Hochè Randè, unwit vom Übbergang vom Schwizer Jura zu dè Baar, lyt dè nördlichschte Gränzpunkt vo dè Schwiz, wo Schwarzè Schtei odder Gatterschtei heissè duèt. Dè Schwarze Schtei befindet sich uff dè dirèkte Vobindigslinniè zwûschèm badischè Randè Dorf un èm schaffhuusischè Bargè.

Gschichtè[ändere | Quälltäxt bearbeite]

Dè Schwarze Schtei isch sit annèdubaki dè nördlichschte Gränzpunkt vom schaffhuusischè Hoheitsgebièt. Mit èm Bydritt vo dè Stadt Schaffhuusè zu dè Eidgenossèschaft im Johr 1501 hèt au d Karrierè vom Schwarzè Schtei als zuèkümpftigè Gränzschtei von èrè Staatsgränz aagfangè. Uff dè andèrè Sitè vom Schwarzè Schtei hèt sich s Hoheitsgebièt vo dè Fürschtebärger befundè. Sowoll geo- bzw. topographisch hèt sich dè uss dè Sicht vo dè Schaffhuuser un dè Fürschtèbärger zimli entlègene Punkt uff èm Randè obbè als Gränz vom Herrschaftsgebièt durchuus aabotè. D Hoheitsaaschprüch zwischè dennè beidè isch bis 1806, un mit èm Land Baddè ab 1806 nit immer subber definyrt gsi. Drum hèt mò 1839 d Hoheitsaaschprüch z Faddè gsschlagè un bis hüt (Stand: 2014) gültig feschtglait. D Schaffhuuser hèn diè Hoche Juschtiz un dè Wildbann übber Epfèhofè abgää. Dõmit isch s Gebièt umittelbar weschtlich vom Schwarzè Schtei a s Land Baddè gangè, un d Gränz uff èm Randè isch als spitzigs Dreiegg voloffè. Nõch èm Bydritt vom Großherzogdum Baddè zum Dütschè Rych isch dè Schwarze Schtei èndgültig vo dè Land- zuè nèrè Staatgränz uffgschtigè.

Fungtion[ändere | Quälltäxt bearbeite]

Nebbè sinèrè Fungtion als Gatterschtei, d.h. Gränzmarkyrig, hèn d Schaffhuuser sellèn Ort bruucht, um Vobannti un vourteilti Vobrecher devò z jagè bzw. uuszwisè.

Infodaflè[ändere | Quälltäxt bearbeite]

Als Ersatz für dè urschrüngliche schwarze odder Gatter-Schtei, wo bi dè Gränzkorrektur 1839 durch èn normalè Gränzschtei ersetzt worrè isch, hèn d Blummbärger è Infodaflè uffgschtellt, wo èn churzè Abriss übber d Hischtory git, un d Legendè vo dè Gränzschteibeschriftig beinhaaltet.

Weblink[ändere | Quälltäxt bearbeite]

 Commons: Schwarze Schtei – Sammlig vo Multimediadateie

47.8084478.568026500Koordinaten: 47° 48′ 30,4″ N, 8° 34′ 4,9″ O; CH1903: 684602 / 295933