Baanhof Blummbärg-Zollhuus

Us der alemannische Wikipedia, der freie Dialäkt-Enzyklopedy
Blummbärg-Zollhuus
Stellwärch im Sauschwänzlebaan-Museum im EG vum Baanhof Zollhuus
Stellwärch im Sauschwänzlebaan-Museum im EG vum Baanhof Zollhuus
Stellwärch im Sauschwänzlebaan-Museum im EG vum Baanhof Zollhuus
Daate
Bauform Durchgangsbaanhof
Perron 2
Abchürzig RZS
Eröffnig 1889
Laag
Gmeind Blummbärg
Ort Blummbärger Ortsdeil Zollhuus
Land Baden-Württemberg
Staat Deutschland
Koordinate 47° 50′ 21″ N, 8° 32′ 3″ OKoordinate: 47° 50′ 21″ N, 8° 32′ 3″ O
Höchi 702 m ü. NHN
Iisebahnstreckene
Bahnhööf z Bade-Würtebärg

i7i12i13i15i15i16i17


Baanhof Blummbärg-Zollhuus (Originalnammè vo 1890 bis ca. 1977 isch wiè hüt nò im Volksmund üblich Zollhuus-Blummbärg) isch èn Baanhof im Ortsdeil Zollhuus, wo zuè dè Stadt Blummbärg im Schwarzwald-Baar-Chrais ghört. Er isch dè högschtglégène Baanhof a dè Sauschwänzlebaan un sit dè Start vo dè Museumsbaan annè 1977 näbbèm m Wizämer Baanhof au dè wichtigschte. Hüt hèn dört d Museumszüüg vo dè Sauschwänzlebaan, wo sit 2014 vom EVU Blummbärger Baan (BB) bedribbè wörrèd, irèn Aafang un Ènd. D Museumszüüg vokeerèd nur im Summerhalbjohr un am Wuchèènd, i dè Hauptsaison au zuèsätzlich am Frytig, Dunschtig un evtl. am Mittwuch. Vor 2014 sin d Museumszüüg vom Vorein Museumsbahn Wutachtal e. V. bedribbè worrè. Sit dè Renovyrung vom Nordabschnitt vo dè Sauschwänzlebaan, dè Aitrachdalbaan, faarèd s ganz Johr übber è baar Ringzüüg dè Zollhuuser Baanhof als Èndbaanhof aa. D Adressè vom Baanhof lutèt Bahnhofstraße 1, d Zuèfaart lyt dirèkt südlich vom un èm Ortsdeil Zollhuus a dè B 27.

Infraschtruktur[ändere | Quälltäxt bearbeite]

Hochbautè[ändere | Quälltäxt bearbeite]

Näbbèm Empfangsbau (EG) mit èm Güèterschuppè sowiè Dampflokbehandlungsyrichtunge wiè èn Wasserkran un èm Wasserturm hèt s z Zollhuus au è Remisè für è Draisinè gää.

Gleisaalaag[ändere | Quälltäxt bearbeite]

Urschprünglich sin z Zollhuus drei Gleis für dè Personè- un Güètèrvokeer zur Vofüègung gschtandè:

  • Gleis 1 isch 537 m lang gsi, a dè weschtlichè Hälfti dèvo stòt s EG un dè Huusbaanschteig. Öschtlich vom Güèterschuppè hèt s drei Aaschlüss vom Gleis 3 a s Gleis 1 gää. Am Weschtènd vom Baanhof hèt s Gleis z mitts uff èm vo dè B 27 glègè, öschtlich isch s Gleis 1 bis km 46,415 gangè.
  • Gleis 2 lyt nördlich vom Gleis 1, un isch glychermaßé 537 m lang gsi. S Gleis 2 hèt im Zügchrützè un Übberholé vo Züüg diènt. Vom Weschtänd vom Gleis 2 èwäg isch èn Induschtryaaschluss öppè 300 m lang bis zuè nèm Induschtrygebièt am Stadtrand vo Blummbärg gangè, wa bis 1997 au bruucht worrè isch.
  • Gleis 3 isch für dè Güètervokeer reservyrt gsi, dört isch im mittlerè Deil è Laddemaß un è Bruggèwòòg inschtallyrt gsi. S Gleis 3 hèt weschtlich stumpf uffghört als Rampègleis für dè Güèterschuppè, öschtlich isch è Rampè für dè Holzvolaad am Gleis 3 gschtandè. Nõch dè Vobindung zum Gleis 1 hèt s Gleis 3 stumpf mit dè Zuèfaart zuè dè Draisinèremisè uffghört. Zwǜschèm mittlerè un öschtlichè Deil isch s Gleis 3 mit èrè ufffälligè Chrützungsweichè vosää gsi, um dè Wechsel vom Güètergleis uff s Gleis 1 in beidi Richtungè zuèzlō.

Signaal[ändere | Quälltäxt bearbeite]

Wiè bi allnè Baanhööf uff dè Sauschwänzlebann sin z Zollhuus Flügelsignaal vo dè baddischè Bauart inschtallyrt gsi. Vomuètlich zuè DB-Zitè sin diè baddischè Flügelsignaal mit dütschè Standard-Flügelsignaal vosää worrè. Au nõch dè Reaktivyrung vo dè Aitrachdalbaan sin d Signaal a dè Oschtyfaart nit mit Lichtsignaal ersetzt worrè. Ebbèso im Gegèsatz zuè dè reschtlichè Baanhööf sin d Flügelsignaal nõch èm Übbergang zuè nèrè Museumsbaan nit für ungültig erklärt un schu gar nit abbaut worrè. Um d Signaal abber stellè z chönnè, hèt mò sèllèwäg s Stellwärch in Bedryb glõ.

Yfaarsignaal[ändere | Quälltäxt bearbeite]

Bhf. Zollhuus Weschtliches Yfaarsignaal mit Uusfaarvorsignaal un Schachbrèttdaflè

S weschtliche Yfaarsignaal isch è zweiflügligs Flügelhauptsignaal, wo by km 45,55 stòt. Dè Durchrutschwäg a dè weschtlichè Yfaart bedrait also 310 m, well d Yfaartsweichè bi km 45,86 lyt. Dè relatyv churze Durchrutschwäg isch einèwäg lang gnuèg gsi, well d Züüg bi Yfaart vo Weschtè uff èm letschtè Räscht vo dè Bärgschtreggi dèhèr chömmèd un dõrum rächt langsam sin. S Streggègleis vor èm weschtliché Gränz vom Baanhof volauft in èm Vyrtelchrais-Rächtsbogè mit èm flachè Höger uff dè Innèsitè, wa zuè nèrè Bsunderheit bim Yfaarsignaal gfüürt hèt: S weschtliche Yfaarsignaal stòt links vom Streggègleis, wa (korrekterwys) mit èrè Schachbrèttdaflè Ne4 aazeigt wörd. Uumittelbar vor èm Yfaarthauptsignaal stòt s Uusfaartsvorsignaal, wo ebbèfalls als Formsignaal uusgfüürt isch. I dè Mitti vom Chraisbogè un in èm Abschtand vo 360 m vor èm Hauptsignaal stòt s Yfaarvorsignaal, wo us ènèm Formvorsignal bschtòt. Sèll Vorsignaal stòt rächts vom Gleis, well s vom Lokfüürer guèt gsää wörrè cha. Bsunders a sèllèm Vorsignaal isch è Holzbodeschtli am Signalfuèß. S Vorsignaal stòt in èm Drainagegräbele, bi Unterhaltsbüèz am Signaal würd s Personal suscht nassi Füèß chriègè. S öschtliche Yfaarsignaal stòt bi km 46,85 un hèt dõdemit èn Durchrutschwäg vo 410 m bis zuè dè öschtlichè Yfaarweichè.

Stellwärch[ändere | Quälltäxt bearbeite]

Wiè bi allnè Baanhöf uff dè Sauschwänzlebaan vofuègt d Station z Zollhuus übber è Stellwärch, wo i dè Mitti vom EG uff dè Gleissitè stationyrt isch. Wié für è Näbbèbaan-Station generèll üblich, handlèt sich s dõdeby um è mechanischs Stellwärch, wo wèg dè Museumsbaan bis hüt (Stand: 2018) dört isch un no in Bedryb isch.

Museumsbaanumbautè[ändere | Quälltäxt bearbeite]

Sit 1977 hèt dè Zollhuuser sin dritté Früèling erläbbt, idèmm er als Baanhof am obberè Ènd vo dè Bärgschtreggi, d Sauschwänzlebaan, zum zèntralè Baanhof vo dè Museumsbaan Sauschwänzlebaan worrè isch. Zuè sèllèrè Zit hèt schu sit zee Johr kein Personèvokeer mee gää un au dè Güètervokeer hèt nu no uss Üg für zwei Blummbärger Unternämmè bschtandè. Well dè Stüggguètvokeer, dōdemit au dè Güèterschuppè schu längscht kei Roll mee gschpillt hèt. isch dè Güèterschuppè genau so wiè s Rampèschtugg vom Gleis 3 fungtionslos gsi. Gleis 1 isch für dè Museumsvokeer zämmè mit èm Huusbaanschteig bruucht worrè. Gleis 2 isch als Uuswychgleis un Umfaargleis sowoll für d Museumsbaan wiè au für d Güèterbaan bruucht worrè. Ab 1995 isch dè Güètervokeer zämmè mit dè Bediènung vo dè beidè Unternämmè uffgää worrè, jetzt hèt sich d Museumsbaan so richtig im Bhf. Zollhuus-Blummbärg breit gmacht. Bim Umbau zum Museumsbaanhof hèt s umfangrychi Änderungè gää:

S Baanlädeli stòt näbb dè Lonza-Lok 105 vor èm Baanmuseum/Güèterschuppè

S Gleis 3 isch am Aafang vo dè Rampè zum Güèterschuppè kappt worrè, uff èm Gleisschtugg a dè sitlichè Rampè vom Güèterschuppè stòt è dreiachsigi Tenderlok als Museumsobjèkt, sèll isch diè ehemòligi Wärchslok 105 vo dè Lonza z Waldshuèt. Dèvor isch è Dunderbüchsè uffgschtellt, wo als Bahnshop, also als Baanlädeli, ygrichtèt isch. Am Fuèß vo dè Rampè hèt mò èn Zuègang übber s Gleis 3 zum Gleis 1 für d Passagyr gschaffè, dõdeby hèt s d Weichèvobindung vom Gleis 3 zum Gleis 1 koschtet, wo gu Epfèhoffè zeigt hèt. S Laddemaß un d Bruggèwòòg sin abbaut worrè. A dè Stell vom Laddèmaß isch im Johr 1998 s Ritterschtellwärch uffgschtellt worrè, wo übber m Gleis 3 stòt. Öschtlich vom Ritterschtellwärch isch s Gleis 3 anno 2004 mit èm Ußèbaanschteig für d Passagyr vom Ringzug vosää worrè. Uss èm früènèrè Güètervokeersgleis isch dõdemit è Personèvokeersgleis worrè. Um dè öschtlichè Abschnitt vom Gleis 3 als Abschtellgleis bruuchè z chönnè, hèt a dè Stell vo dè Chrützungsweichè è Weichèvobindung vo Gleis 3 uff Gleis 1 gää, demit d Ringzüüg vom mittlerè Abschnitt vom Gleis 3 dirèkt uff d Aitrachdalbaan uusfaarè chönnèd.

È no nit renovyrti 52er uff èm weschtlichè Abschtellgleis 2

Parallel dõdèzuè isch è Weichèvobindung vo Gleis 1 uff Gleis 2 gmacht worrè, um dört drübber ràngyrè z chönnè. S Zuéfaartsgleis für s Draisinè-Depot am öschtlichè Zipfel vom Gleis 3 isch zwar uusbaut worrè (un s Depot abgrissé worrè), dõdefür isch abber in Gegèrichtung è witteres Abschtellgleis, s Gleis 4, hèrrèbaut worrè. S Gleis 4 lyt uff èm Glände, wo früèner d èbbèfalls abgrissene Rampè für dè Holzvolaad gsi isch. Witterhy isch am Oschtänd vom Gleis 2 è Stumpfgleis aabrocht worrè sowiè nõch 1997 am Weschtänd vom Gleis 2 dè Induschtryaaschluss kappt un in è Stumpfgleis gänderèt worrè, um witteres, museales Rollmatriaal abschtellè z chönnè. Schlièßlich bliibt z erwäänè, daß d Weichèvobindung Gleis 2 uff Gleis 1 am Weschtchopf vom Baanhof è baar Meter nõch Weschtè volait worrè isch, well dè BÜ a dè B 27 urschprünglich genau uff bi dè Weichèvobindung durrè gangè isch. Extra für d Museumsbaan hèt mò au widder è akustischi Warnung in Form von èrè Schällè am BÜ aabrocht. Im früènèrè Güèterschuppè hèt s sit èm 1. Mai 1992 è Ysèbaamuseum sin Blatz gfundè. S EG vom Zollhuuser Baanhof isch vollschtändig erhaaltè blibbè, allerdings è bitzeli umfungtionyrt worrè. Grund dõdefür isch s aalte Aborthüsli gsi, wo mò wiè fascht übberall abgrissè hèt. Für d Faargäscht vo dè Museumsbaan hèt s denn abber widder èn Abort bruucht, dèsèll isch im Èrdgschoß vom EG bim Weschtgibbel ygrichtet worrè. I dè Mitti vom EG, èbbèfalls im Èrdgschoß, isch s Stellwärch für sèllèn Baanhof nit nu erhaaltè blibbè, sondern widder in Bedryb gnõ worrè, d. h. d Weichè, d Signaal un dè BÜ wörrèd übber s Stellwärch gschtüèrèt.

Wasserkran am Gleis 1 bi km 46,0

Südlich vom Gleis 1 isch bi km 46,0, also hundert Meter vom BÜ èwäg, für d Museumdampfloks èn Wasserkran widder uffgschtellt worrè. D Bosition hèt sich druuss ergää, daß d Dampfloks mit èm Tender voruus vom Gleis 1 uus uff d Dalfaart gän.

Bsunderi Infraschtruktur[ändere | Quälltäxt bearbeite]

Baanübbergang a dè B 27[ändere | Quälltäxt bearbeite]

Als bsunderi Infraschtruktur z Zollhuus git s èn beschrankté bi km 45,878 hinter dè weschtlichè Uusfaarsignaal. Dèsèll BÜ isch bis hüt in Bedryb, um d B 27 vom dütsch-schwizer Gränzübbergang Neuhuus-Bargè bis zum Autobaanzuèbringer a d A 81 bi Eschingè odder z Geisingè z füürè. Wiè unter Umbautè für d Museumsbaan schu erwäänt, isch dèsèll BÜ mòl volait worrè. Well vill Vokeer übber dèsèll BÜ rollt, isch er nit nu mit doppeltè Halbschrankè, sondern au mit èrè Lichtzeichèaalaag uusgrüschtet. Ußerdèmm git s a sèllèm BÜ, wiè èbbèfalls schu erwäänt, è Schällè, um dè Strõßèvokeersdeilnämmer au akustisch z warnè.

Ysèbaanmuseum[ändere | Quälltäxt bearbeite]

Güèterschuppè anno 1993 mit frischèm Baanmuseum dinnè, abber ooni Lonza-Lok un ooni Baanshop

Dè rasch stygende Güèterumschlag hèt dezuè gfüürt, dass am Oschtgybel vom EG dè Güèterschuppè aabaut worrè isch. Sèllè Aabau isch è Steilvorlaag gsi, um dört drin è Ysèbaamuseum vo dè Sauschwänzlebaan unterzbringè, s asè daufte Museum der Wutachtalbahn[2] isch im Güèterschuppè unterbrocht worrè. S Baanmuseum isch vo zwei Blummbärger Lehrer ygrichtet worrè, un enthaltet èn Huufè historischi Fotos vom Bau un Bedryb vo dè Sauschwänzlebaan un diversi Gegèschtänd us èm Bäänleralldaag. Ußerdèm git s no è nõchbauts Diènschtbüro von èm Baanhofsvorschteher un è Modèllaalaag vo dè Sauschwänzlebaan. Multimediales chunnt au nit z churz, è spezièlles Video mit èm Hagè vo Ortloff als Moderator wörd dört zeigt (Stand: 2018).

Ritterstellwärch[ändere | Quälltäxt bearbeite]

S Ritterschtellwärch im Baanhof Zollhuus-Blummbärg mit wartendem Ringzug uff Gleis 3 un zrugg setzender BB 262 uff Gleis 2

S Ritterschtellwärch isch au è bsunderi Infraschtruktur, wenn s au nǜmmi in Bedryb isch. Sèll Stellwärch isch in baddischer Bauart uusgfüürt un im Original in èm bruunè Holzdòn dehèr chu. Zuè DB-Zitè isch s Stellwärch denn grau gsi. S Stellwärch isch sit 1886 langi Zit als mittleres Stellwärch im Konschdanzer Baanhof in Bedryb gsi. Nõch dè Ablösung durch s Zentralschtellwärch im Johr 1988 isch es dört abbaut worrè. Dènõch isch diè "graui Muus" im DB-Museum z Nürnbärch 10 Johr yglagèrèt gsi, un 1998 widder i dè bruunè Originalfarb im mittlèrè Deil vom Gleis 3 widder uffbaut worrè. Sèll Stèllwärch zeichnèt sich vor allem durch diè ußèligendè Spannhebèl un Umlänkrollè uus. Ußerdèmm stòt s Stellwärch hüt unter Denkmòlschutz.

Suschtiges[ändere | Quälltäxt bearbeite]

Wiè früèner üblich, isch dè Abort uss hǜgiènischè un olfaktorischè Gründ EG è separats Hüsli mit è baar Meter Abschtand zum EG gsi. Mit dè Yschtellung vom Personèvokeer uff dè Aitrachdalbaan ab 1967 hèt abber au für s Aborthüsli im Baanhof Zollhuus s letscht Stündle gschlagè. Näbb èm Aborthüsli hèt s annèdubaki au èn Sauèschtall gää, wo für s Sèlbschtvosorgè vom Baanpersonal diènt hèt. Uff èm Blatz vom Aborthüsli un èm Sauéschtall stòt hüt èn Kiosk für d Faargäscht.

Gschichtè[ändere | Quälltäxt bearbeite]

Dè Baanhof Zollhuus-Blummbärg isch im Johr 1889 baut worrè un isch znägschst nur übber diè weschtichi Yfaart uss Richtung Füètzè/Wizä, also vo dè Bärgschtreggi vo dè Sauschwänzlebaan erreichbar gsi. È Jahr spôter isch diè Strategischi Umgehungsbaan vo Zollhuss bis Hintschingè witter gfüürt un dört a d Schwarzwaldbaan un Donaudalbaan aagschlossè un dõdemit fèrtig gschtellt worrè.[3] Well dè Baanhof bis hüt uff ènèm Hochmoor mit èm Nammè Blummbärger Rièd stòt, isch er uff 224 Fichtèstäckè druff uè baut worrè. Sèlli hèn 25 cm Durchmesser un 4 m düèf i dè Torfboddè iègrammt worrè.[4]

Dè dägliche Personèvokeer uff èm Mittelabschnitt vo dè Kanönlebaan isch schlièßlich uss Rentabilidätsgründ ab èm 1. Dezèmbèr 1955 uff Schinnèersatzvokeer umgschtellt un am 1. Januar 1976 (uff dè Schinnè) formèll ygschtellt worrè. Dèvor hèt mò wôrènd èm Summerfaarblaan vom 22. Mai 1955 bis äbbè sèbbèm 1. Dezèmbèr dè Schi-Schtrõ-Bus uff dè gsamtè Streggi Obberlauchringè-Immèdingè ygsetzt. Dè Schi-Schtrõ-Bus isch dõdeby vo Obberlauchringè bis Luussä-Blomegg uff dè Schinnè, vo Luussä-Blomegg bis Zollhuus-Blummbärg uff dè Schtrõß un schlièßlich vo Zollhuus-Blummbärg bis Immèdingè widder uff dè Schinnè vokeert. Sèllè Bedrybsablauf hèt abber zweimòliges Umrüschtè erforderèt, eimòl im Wyler un eimòl z Zollhuus. Z Zollhuus isch ergo immer én längèrè Bedrybshalt im Summer 1955 nötig gsi, s Umsetzè hèt normalerwys 3-4 Minutè duèrèt.

Dè Nordabschnitt vo dè Strategischè Umgehungsbaan, diè sog. Aitrachdalbaan, isch am 28. Mai 1967 für dè Personèvokeer stillglait un uff Schinnèrsatzvokeer umgschtellt worrè. Ab 1967 bis 1977 mit dè Eröffnung vo dè Museumsbaan Sauschwänzlebaan hèt dèmnõch kein fahrblaanmäßigè Personèvokeer im Zollhuuser Baanhof gää. Bim Güètervokeer isch ab sèllèm 28. Mai au uff dè Sauschwänzlebaan nüt mee gangè, wôrend d Aitrachdalbaan bis i s Johr 1995 mit èrè Üg, zogè von èrè DB 211er, bediènt worrè isch. Es hèt zaalrychi Protescht un Bemüèungè z Blummbärg un Umgebig gää, um dè Personèvokeer widder z reaktivyrè, wa bis 2004 au uusnaamswys èmòl glungè isch.

Annè 1977, zee Johr nõch dè Yschtellung vom regulärè Personèvokeer, isch uff dè Sauschwänzlebaan Wizä–Zollhuus-Blummbärg è Museumsbaan eröffnèt worrè, wo inzwǜschen nit nu unter Baanfans übberregional bekannt isch. D Museumsbaan hèt bis 2006 übber zwei Millionè Faargäscht bförderèt.

Abfaarbereitè Ringzug gu Immèdingè uff Gleis 3

Zum Fahrplanwechsel 2004/2005 am 11. Dezember 2004 isch uff dè Aitrachdalbaan Blumberg-Zollhuus bis Immèdingè dè so gnannte „3er-Ringzug“, è S-Bahn-äänlichs Aagebot i dè Landchrais Duttlingè, Rottwyl un Villingè-Schwenningè, in Bedryb gangè. Sitdèm wörd dè Bhf. Zollhuus widder im Tagtfaarblaan mit Schinnèpersonènòòvokeer aagfaarè. Im Summerhalbjohr samschtigs un sunntigs wörd dè Bhf. Zollhuus-Blummbärg sit 2014 vo beidè Sitè mit Personèzüüg aagfaarè, wan è Umschtygè möglich macht. Zitglych isch dè Baanhof Zollhius-Blumbärg wèg dè bessèrè Orièntyrung in Blummbärg-Zollhuus umbenamst worrè.[5]

Vokeer[ändere | Quälltäxt bearbeite]

D Laag vo Zollhuus a dè Strategischè Umgehungsbaan

Blummbärg isch i dè Vokeersvobund Schwarzwald-Baar (VSB) ygliedèrèt.

Baanvokeer[ändere | Quälltäxt bearbeite]

Regèlvokeer[ändere | Quälltäxt bearbeite]

Dè Ringzug bim Yfaarè, Uusfaarè un Wartè uff dè Museumszug im Bhf. Zollhuus

Mit èm Schittèrè vom Schi-Schtrõ-Bus isch dè Baanhof am Scheitelpungt nümmi vo dè Sauschwänzlebaan hèr mit Personezüüg aagfaarè worrè. Bis zum 28. Mai 1967 hét s witterhy faarblaanmäßigi Personèzüüg uff dè Aitrachtalbahn un im Bhf. Zollhuus-Blummbärg gää. Ab 31. Dezèmbèr 1975 hèt s formèll keini reguläri Personèzüüg im Bhf. Zollhuus-Blummbärg gää.

Sit 2004 isch Blummbärg-Zollhuus a s Ringzug-Sischteem aaghängt, dõdemit isch Blummbärg u. a. widder mit Immèdingè, Duttlingè, Rottwyl, Villingè-Schwenningè un Eschingè vobundè. Dè Ringzug wörd vo dè Hohenzollerischè Landesbaan AG (HzL) bedribbè.

Ußerdèmm isch dè Baanhof Zollhuus-Blummbärg Aafangs- bezièungswys Èndpungt vom Naturpark-Èxprèss, wo im Summerhalbjohr übber d Aitrachdalbaan vokeert un au vo dè HzL bedribbè wörd. Dè Faarblaan vom Naturpark-Èxprèss isch uff d Vokeerszitè vo dè Museumsbaan abgschtimmt.

Zuggattung Streggi Tagtfrequènz
HzL 3er-Ringzug:
Briilingè BaanhofEschingèVillingèSchwenningè (Neggar)DrossingèRottwylSpaichingèDuttlingèImmendingèGeisingen-LipferdingèBlummbärg-Zollhuus
060 min (Mo–Fr)
120 min (Sa+So)
HzL Naturpark-Èxprèss:
Blummbärg-Zollhuus – Geisingè-Lipferdingè – Immèdingè – Duttlingè – FridingèSigmaringè
ei Zugpärli im Summerhalbjohr

Museumsbaanvokeer[ändere | Quälltäxt bearbeite]

Im Summerhalbjohr vokeert sit èm Jahr 2014 zwǜschè Blummbärg-Zollhuus un Wizä d Blummbärger Baan (BB) als eigèschtändiges EVU. D BB fungyrt au als Ysèbaainfraschtrukturunternämmè (EIU) für diè gsamti Wuètèdal- un Sauschwänzlebaan.[6]

Zuggattung Strèggi Tagtfrequènz
ab 2014 BB ; vor 2014 WTB Sauschwänzlebaan:
Wizä – Füètzè – Zollhuus-Blummbärg
ein bis zwei Umläuf pro Faardaag im Summerhalbjohr

Güètervokeer[ändere | Quälltäxt bearbeite]

Bis 1934 isch dè Güètervokeer z Zollhuus übberschaubar gsi un hèt uss Stüggguètvokeer un Volaad vo landwǜrtschaftlichè Brodukt bschtandè. Sèllèwäg hèt s a dè Strōßèsitè vom Güèterschuppè ganzi Reiè vo Ring gää, um d Vycher aazbindè. Ab 1934 hèt mò dè induschtrièlle Abbau vo Doggerärz a dè gegèübberligendè Haaldè vom Aitrachdal bedribbè. S Doggerärz isch zum Volaad mit èrè Matriaalseilbaan quer übber s Aitrachdal transportyrt worrè un am Ostchopf vom Zollhuuser Baanhof voladdè worrè. Durch sèllèn Bärgbau, wo 1942 uffgää worrè isch, hèt nit nu s ehemòlige Buèrèdorf Blummbärg brofityrt, sondern au dè Baanhof Zollhuus-Blummbärg sèlber, zmòl sich näbb èm Baanhof i dè Nõchchriègszit èn stattlichè Induschtrybedryb mit moderatem Güètervokeer z Zollhuus etablyrt hèt. Am Weschtänd, geg Blummbärg zuè, hèt s èn Induschtryaaschluss gää, wo vum Gleis 2 uus witter bis zuè nèm chlynè Induschtrygebièt am Stadtrand gfüürt hèt. Nõchdèm mò sèllèn Aaschluss usè grissè hèt, isch bis hüt nò s Abschtellgleis 2 Wescht übbrig blibbè. Am 31. Oktobèr 1995 isch zwǜschè Immèdingè un Zollhuus-Blummbärg dè Güètervokeer uff dè Aitrachdalbaan ygschtellt worrè. Sitdèm git s z Zollhaus-Blummbärg kein Güètervokeer mee.

Busverkehr[ändere | Quälltäxt bearbeite]

D SBG bedrybt s Busvokeersnetz in un um Blummbärg ummè.[7][8]

Dirèkt gegèübber vo dè Strõßèfront vom Baanhof lyt è Buswendeschleifè. I sèllèrè dinnè isch s Bushalteschtell Zollhuus Baanhof (Bus). Dört vokeerèd abber nu è baar Bus. D Halteschtell, wo a dè B 27 lyt, heißt Zollhuus B27, un wörd vo allnè Buslinniè bediènt, wo durch Zollhuus durrè füürèd.

Wanderungè[ändere | Quälltäxt bearbeite]

Dè Baanhof Zollhuus-Blummbärg isch Uusgangspungt vo dè beidè Wanderwäg Sauschwänzle-Wäg un Sauschwänzle-Entdeckungstour, wo beidi a dè Sauschwänzlebaan nõch füürèd.

Witteri Haltepüngt z Blummbärg[ändere | Quälltäxt bearbeite]

Dè Baanhof Blummbärg-Zollhuus isch dè wichtigschte Baanhof z Blummbärg. Näbbè sèllèm git s no dè Ringzug-Haltepungt Blummbärg-Rièdöschingè è baar Kilometer aitrachabsi vo Zollhuus. Dè Hp Blummbärg-Rièdöschingè isch bi dè Streggèrenovyrung 2004 uugfäär 200 m unterhalb vom ehemòligè Baanhof Rièdöschingé aaglait worrè.

A dè Sauschwänzlebaan ligèd die Halt im Bhf. Epfèhoffè, Bhf. Füètzè un èm Haltepungt (Hp) Wuètèbligg. Bi dè èrschté beidè Stationè hèt s zweigleisigi Baanhööf un dé letschte isch èn eifachè eingleisigè Haltepungt. D Züüg vo dè BB haaltéd gmääß èm aktuèllè Faarblaan (Stand: 2018) nu uff dè Talfaart (Richtung Füètzè), nit abber uff dè Bärgfaart (Richtung Epfèhoffè) am Hp Wutachbligg. Uusnaamè sin diè im Johr 2018 ygfüürtè Wanderzüüg vo dè BB, wo uff Volangé au uff dè Bärgfahrt im Hp Wutachbligg haaltèd. Grund für dè nõchdrägliche Bau vom Haltepungts Wuètèbligg isch dè dirèkte Zuègang zuè dè Wuètèflüè bzw. zum Obbère un Mittlèrè Flüéwäg.

Literadur[ändere | Quälltäxt bearbeite]

  • Peter-Michael Mihailescu; Matthias Michalke: Vergessene Bahnen in Baden-Württemberg. Stuègètt 1985
  • Hans-Wolfgang Scharf: Die Eisenbahn am Hochrhein. Fryburg 1993

Weblinggs[ändere | Quälltäxt bearbeite]

Einzelnõchwys[ändere | Quälltäxt bearbeite]

  1. luèg au bi: Blummbärger Museè
  2. Scharf: Die Eisenbahn am Hochrhein. Band 3: Die Strategischen Bahnen in Südbaden. Fryburg 1993, S. 59
  3. Scharf: Die Eisenbahn am Hochrhein. Band 3: Die Strategischen Bahnen in Südbaden. Fryburg 1993
  4. Impressum der Bahnbetriebe Blumberg. 2014, abgruefen am 11. Mai 2014.
  5. Eisenbahninfrastrukturunternehmen in der BRD. (Excel-Dokumènt, 90 kB) (Nicht mehr online verfügbar.) Ysèbaa-Bundesamt, 6. Juli 2012, ehemals im Original; abgruefen am 12. Juli 2012. (Site cha nüme abgrüeft wärde; Suche im Webarchiv)[1] [2] Vorlage:Toter Link/www.eba.bund.de
  6. Internetsitè vo dè Dütschè Baan AG
  7. Internetsitè vo dè SBG
Dä Artikel basiert uff ere fräie Übersetzig vum Artikel „Bahnhof_Blumberg-Zollhaus“ vu de dütsche Wikipedia. E Liste vu de Autore un Versione isch do z finde.