Abschtellgleis

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Abschtellgleis vo dè Frankfurter U-Baan


Unter nèm Abschtellgleis vostòt mò è Gleis, oft è Stumpfgleis, wo mò Schinnèfaarzüüg abschtellt, wo nit in Bedryb sin. Dõdeby cha s sich um è Abschtellzit von è baar Stundè bis ständigè Abschtellè vo uusgmuschtertè Faarzüüg handlèt. Mèngmòl voschtòt mò dõdrunter au Gleis,wo mè Züüg zämmèschtellt, öfter wörrèd abgschtellti Personèzüüg dõ au suber gmacht[1] odder vorgheizt.[2] Abschtellgleis wörrèd nit für Zugfaartè übber dè Baanhof usè vowendèt un gèltèd dõhèr als Näbbègleis.

Nit als Abschtellgleis gèltèd Baanschteiggleis, wo Züüg zum Y- un Uusschtyg abgschtellt wörrèd, Laddegleis zum Uff- un Abladdè sowiè Uuswych- un Übberholgleis, uff dènnè zwei Züg chrützèd odder ein dè ander übberhollè duèt.

Wörd s Stumpfgleis nit nu zum Abschtellé, sondern zum Faarè vo Züüg, zum Umsetzè für d Rüggfaart uff èm anderè Gleis von èrè zweigleisigè Streggi bruucht, asè wörd sèll Gleis au als Keergleis benamst.

Sinnschprüch[ändere | Quälltäxt bearbeite]

D Metapher „uff s Abschtellgleis schièbè“ wörd hüüfig als Umschriibung dèfür gnõ[3], dass Mänschè für länger us èm Erwärbsläbbè odder us irèm Wǜrkungschrais vodrängt odder uusgschlossè wörrèd. „Uff èm Abschtellgleis stò“ bedütet, dass sich öppèrt in èrè Stellung ooni Wǜrkungsmöglichkeit isch.[4]

Literadur[ändere | Quälltäxt bearbeite]

  • Röll, Freiherr von: Enzyklopädie des Eisenbahnwesens. Bèrlin, Wièn 1912, S. 76

Einzelnõchwys[ändere | Quälltäxt bearbeite]

  1. DB AG Konzernrichtlinie 910
  2. DB AG Konzernrichtlinie 601
  3. Abfrõg im Leepzischer Wortschatz nõch „Abstellgleis“ am 4. April 2008, hüüfigschtè rächtè Nõchbòr: „gschobbè“
  4. Knaur: Das deutsche Wörterbuch, Münchè 1985, Seite 106

Weblingg[ändere | Quälltäxt bearbeite]

Wiktionary Wiktionary: Abstellgleis – Wortherkunft, Synonym und Übersetzige

Information icon.svg Dä Artikel basiert uff ere fräie Übersetzig vu dere Version vum Artikel „Abstellgleis“ vu de dütsche Wikipedia.

E Liste vu de Autore un Versione isch do z finde.