Gabriela Bart

Dialäkt: Markgreflerisch (Obfige)

D Gabriela Bart (* 1979 z Baar ZG) isch e Schwyzer Sproochwisseschaftleri. Syter anne 2019 schafft si as Redakteeri am Schwyzerische Idiotikon.

Lääbe

Vo 1995 bis 2000 het d Bart im Staatsarchiv vum Kanton Zug gschafft. In däre Zyt het si an Kantonsschuel Zug d Matura gmacht. Ab em Johr 2000 het si an dr Universiteet Züri Dytschi Sprooch- un Literaturwisseschaft, Allgmaini Gschiicht un Kriminology studiert. Anne 2006 het si s Studium mit em Lic. phil. I / Master of Arts abgschlosse. Scho as Studänti het si am Dytsche Seminar gschafft. Vu 2006 bis 2008 un wider vu 2010 bis 2017 het si am Dytsche Seminar an dr Universiteet Züri as Wisseschaftligi Mitarbaiteri gschafft. Deert het si am Projäkt «Syntaktischer Atlas der deutschen Schweiz» mitgfoorscht. 2019 het si bi dr Elvira Glaser iber «Possessivkonstruktionen im Schweizerdeutschen mit besonderer Berücksichtigung des possessiven Genitivs im Lötschental» promoviert.

Syt em 1. Augschte 2019 schafft d Bart as Redakteeri am Schwyzerische Idiotikon.

Vu Jänner bis Dezämber 2009 het d Bart e Uusbildig an dr Ringier Schurnalischteschuel gmacht un e Volontariat bim SonntagsBlick Magazin, wu si derno au no sibe Monet lang derfiir as freii Schurnalischti gschriibe het. In dr Johr 2011 bis 2014 het si dernääbe au an dr Zuger Kantonsschuel as Stellverdrättigsleereri Dytsch unterriichtet. Ab Meerz 2015 het si as Täxteri un Lektoori fir d Texteria Gianella gschafft.

Zwelf Joor lang, vu 2000 bis 2012, isch si as Matroosi uf Schiff vu dr Zugersee Schifffahrt mitgfaare.

Schrifte

• Elvira Glaser, Gabriela Gabriela (2021): Syntaktischer Atlas der deutschen Schweiz. Band 1: Einleitung und Kommentare. Herausgegeben von Elvira Glaser, bearbeitet von Elvira Glaser und Gabriela Bart, sowie Claudia Bucheli Berger, Guido Seiler, Sandro Bachmann und Anja Hasse, unter Mithilfe von Matthias Friedli und Janine Steiner. Tübingen: Narr. Online-Version.
• Sandro Bachmann, Gabriela Bart, Elvira Glaser (2021): Syntaktischer Atlas der deutschen Schweiz. Band 2: Karten. Herausgegeben von Elvira Glaser, bearbeitet von Sandro Bachmann, Gabriela Bart und Elvira Glaser, sowie Claudia Bucheli Berger und Guido Seiler. Tübingen: Narr. Online-Version.
• Gabriela Bart (2020): Possessivkonstruktionen im Schweizerdeutschen mit besonderer Berücksichtigung des possessiven Genitivs im Lötschental VS. Diss. Universität Zürich, Online-Publikation.
• Elvira Glaser, Gabriela Bart (2015): Dialektsyntax des Schweizerdeutschen. In: Kehrein Roland, Alfred Lameli, Stefan Rabanus, (Hrsg.): Regionale Variation des Deutschen. Projekte und Perspektiven. Berlin: De Gruyter, S. 79–105.
• Gabriela Bart, Elvira Glaser, Pius Sibler, Robert Weibel (2013): Analysis of Swiss German Syntactic Variants Using Spatial Statistics. In: Carrilho Ernestina, Catarina Magro & Xosé Álvarez (Hrsg.): Current Approaches to Limits and Areas in Dialectology. Newcastle upon Tyne: Cambridge Scholars Publishing, S. 143–169.
• Elvira Glaser, Gabriela Bart, Pius Sibler, Robert Weibel (2012): Discovering and mapping syntactic areas: old and new methods. In: Álvarez Pérez, Xosé Afonso, Ernestina Carrilho & Catarina Magro (Hrsg.): Proceedings of the International Symposium on Limits and Areas in Dialectology (LimiAr), Lisboa 2011: Universidade de Lisboa.
• Pius Sibler, Robert Weibel, Elvira Glaser, Gabriela Bart (2012): Methods for Cartographic Visualization of Linguistic Data in Support of Area Formation in Dialectology. In: Proceedings Auto Carto 2012, Columbus (OH, USA), 16.–18. September 2012.
• Gabriela Bart (2012): Summersprosse oder Merzefläcke, schneie oder schniie? Die Zuger Mundart(en) – gestern, heute, morgen. In: Zuger Neujahrsblatt 2013, S. 38-47.

Weblink

• d Gabriela Bart uf dr Websyte vum Schwyzerische Idiotikon
• d Gabriela Bart uf LinkedIn