Claudia Schmid

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

D Claudia Schmid (* 21. April 1985 z Züri) isch e Schwyzer Sprochwisseschaftleri.

Lääbe[ändere | Quälltäxt bearbeite]

D Schmid isch z Stääfe ufgwachse. No dr Matura het si an dr Universitet Züri aafange Anglischtik un Nordischtik studiere, isch aber bal uf Verglychendi germanischi Sprochwisseschaft gwächslet un het Allgmaini Gschicht un Gschicht vum Mittelalter as Näbefächer gmacht. Noch em Bachelor 2010 het si 2014 dr Master gmacht.

Ab 2010 het si am Schwyzerische Idiotikon as wisseschaftligi Hilfschraft gschafft, 2011 bis 2014 au bim Projäkt ortsnamen.ch un 2012 bis 2013 bim Projäkt „Verbwortschatz des Gurinerdeutschen“. Zum 1. Merz 2014 isch d Schmid Redaktori am Idiotikon wore as Noofolgeri vum pänsionierte Niklaus Bigler.[1] Im März 2018 isch si us dr Idiotikon-Redaktion uusgschide. Si het dr Artikel «Ziger» un e Dail vum Artikel «Zêh» verfasst. Ire Noofolger isch de Matthias Friedli.

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. Claudia Schmid tritt Stelle als neue Redaktorin an, idiotikon.ch