Sesia
 Dr Oberlauf der Tseschru |
|
| Date | |
| Laag | Nord-Italie |
| Längi | 138 |
| Quelle | Monte-Rosa-Massiv |
| Mündig | öschtlich vo Casale Monferrato in dr Po |
| Abflussmängi | rund 70 m³/s |
| Yzugsgebiet | 2920 |
| Mittelstedt | Vercelli |
| Gleistedt | Varallo Sesia, Borgosesia |
| Schiffbar | für Kajakmanna |
| Dialäkt: Laindertitzschu |
D’ Tseschra (wailschu: Sesia) ist a’ fluss im Piemont (Italiu). Si unterrind van da’ gletschre ds Gourners (Monte Rosa i’ wailschu) im oubre Tseschrutol (Valsesia) in dar g’mai van Im Land (Alagna Valsesia).
Im oubre tail häd der fluss d’ cklore aigenschafte as wildbochs. Er geid ds wasser van etliche ljikkre bäche, di foul van da’ gletschre ds Valgrande tols chemind. In sinem lauf triffd er on vile inbäche: rachter hand sind d’ bäche Olen, Olter, Vejin, Artogna, Sorba und Egna; latzer hand ist der boch Sermenza.
Der fluss ist als samd 138 km länge und rinnd durch ds ganz Tseschrutol (Valsesia) und d’ebendi va' Vercelli, ebi er im Po usrinnd. Im letschte tail bilded er d’ grenzu inzwischund Piemont und Lombardiu.
D’ Tseschra häd lang d’aswennigi grenza inzwischund dam herzogtum van Savoy und dam chaisertum (bis 1707) g’bilt. Zar zit ds Napoleons häd der fluss Italiu van Franckrich g’schaidt.
D’ Tseschra ist van da’ kajakmanne g’liabt. Im jor 2001 sind d’Europaspiljzite im Kanuwettsport hia g’scheit.
