Bülach
| Bülach | |
|---|---|
 |
|
| Basisdate | |
| Staat: | Schwiiz |
| Kanton: | Züri (ZH) |
| Bezirk: | Büüli |
| BFS-Nr.: | 0053 |
| Poschtleitzahl: | 8180 |
| UN/LOCODE: | CH BUA |
| Koordinate: | 683122 / 26371247.5188898.542229428Koordinate: 47° 31′ 8″ N, 8° 32′ 32″ O; CH1903: 683122 / 263712 |
| Höchi: | 428 m ü. M. |
| Flächi: | 16.09 km² |
| Iiwohner: | 17'503 (31. Dezämber 2011)[1] |
| Website: | www.buelach.ch |
 Büüli |
|
| Karte | |
 |
|
Büüli (amtlich Bülach) isch e Politischi Gmäind im Bezirk Büüli im Kanton Züri, Schwiiz.
Inhaltsverzeichnis |
Geografi[ändere]
Büüli isch e Stadt im Zürcher Unterland. Zue de Gmäind ghööred au na s Doorff Niderflachs (Niederflachs) im untere Glatttaal und d Wiiler Häimgarte (Heimgarten) am Rinschbèèrg, Eschemose (Eschenmosen) und Nussbaume (Nussbaumen) am Tättebèèrg. S Piet vo de Gmäind umfasst 30,7 % Landwirtschaftlichi Flechi, 39,1 % Wald, 20,8 % Sidligsflechi, 9,1 % Vercheersflechi und 0,2 % Gwässerflechi.
Gschicht[ändere]
Büüli isch zum eschte Mal gnamset worde im Jaar 811 als Pulacha. Bis im Jaar 1849 isch d Naachbergmäind Bachebüüli Täil vo Büüli gsi. Eschemose het bis 1919 zue Winkel ghöört.
Bevölkerigsentwicklig[ändere]
| Jaar | 1850 | 1860 | 1870 | 1880 | 1888 | 1900 | 1910 | 1920 |
| Iiwooner | 1545 | 1570 | 1655 | 1876 | 1748 | 2175 | 2719 | 3239 |
| Jaar | 1930 | 1941 | 1950 | 1960 | 1970 | 1980 | 1990 | 2000 |
| Iiwooner | 3569 | 3877 | 4634 | 8188 | 11043 | 12292 | 13472 | 13999 |
De Uusländeraatäil liit bi 24 % (Stand 2011).
Religion[ändere]
33,6% vo de Iiwooner sind evangelisch-reformiert, 27,2% sind römisch-katholisch (Stand 2011).
Politik[ändere]
Bi de Kantonsraatswaale 2011 hät s das Ergebnis ggee: BDP 3,1 %, CVP 2,8 %, EDU 4,7 %, EVP 6,6 %, FDP 14,0 %. GLP 8,0 %, GP 9,2 %, SP 16,4 %, SVP 32,7 %, Suschtigi 2,6 %.
Gmäindspresidänt isch de Walter Bosshard (Stand 2012).
Wirtschaft[ändere]
Büüli sich s wirtschaftlich Zäntrum vom Zürcherunterland. D Arbetslosigkäit isch im Jaar 2010 bi 4,4 % gläge.
Tieläkt[ändere]
De züritüütsch Tieläkt vo Büüli ghört zue de Unterländer Mundarte.
Fuessnote[ändere]
Weblink[ändere]
Allmänd (Commons): Bülach – Sammlig vo witere Multimediadateie
S dütschsprochig Wikisource hät Originaltegscht zum Thema „Bulach in der Topographia Helvetiae, Rhaetiae et Valesiae (Matthäus Merian)“.
