Boudevilliers
| Boudevilliers | |
|---|---|
 |
|
| Basisdate | |
| Staat: | Schwiiz |
| Kanton: | Nöieburg (NE) |
| Bezirk: | Val-de-Ruz |
| BFS-Nr.: | 6471 |
| Poschtleitzahl: | 2043 |
| Koordinate: | 558318 / 20882747.0291716.890285753Koordinate: 47° 1′ 45″ N, 6° 53′ 25″ O; CH1903: 558318 / 208827 |
| Höchi: | 753 m ü. M. |
| Flächi: | 12.57 km² |
| Iiwohner: | 754 (31. Dezämber 2011)[1] |
| Website: | boudevilliers.ne.ch |
| Karte | |
 |
|
Boudevilliers (frankoprovenzalisch [a bydəvliː]) isch e Bolitischi Gmai im Bezirk Val-de-Ruz im Kanton Nöueburg, Schwyz.
Inhaltsverzeichnis |
Geografi [ändere]
Boudevilliers umfasst s glychnamig Dorf un d Wyler Malvilliers, La Jonchère un Landeyeux. Dr Bann bstoht us 24,2 % Landwirtschaftligi Flechi, 63,5 % Wald, 10,7 % Sidligsflechi un 1,6 % sunschtigi Flechi. Nochbergmaine vu Boudevilliers sin Valangin, Coffrane, Les Geneveys-sur-Coffrane, La Sagne, Les Hauts-Geneveys un Fontaines.
Gschicht [ändere]
Boudevilliers isch zum erschte Mol gnännt wore anne 1144 as Boldiwiler (1195 Boudeviler, 1195 Boudeviler, 1202 Boldeviler, 1413 Budevilliers, 1453 Budewillier).
Syt 1648 isch Nöueburg Firschtetum un ab 1707 dur Personalunion mit em Chenigrych Preuße verbunde gsii. Anne 1806 isch s Biet an Frankrych unter em Napoleon I. abdrätte wore. Im Zug vum Wiener Kongress isch s anne 1815 an d Schwyz chuu, doderby sin d Chenig vu Preuße aber bis zum Nöueburgerhandel 1857 au Firschte vu Nöueburg blibe.
Bevelkerig [ändere]
| Johr | 1850 | 1860 | 1870 | 1880 | 1888 | 1900 | 1910 | 1920 |
| Yywohner | 578 | 643 | 658 | 635 | 566 | 513 | 554 | 567 |
| Johr | 1930 | 1941 | 1950 | 1960 | 1970 | 1980 | 1990 | 2000 |
| Yywohner | 509 | 491 | 524 | 522 | 583 | 556 | 618 | 718 |
Dr Uusländeraadail isch 2010 bi 22,5 % gläge.
Religion [ändere]
42,5 % vo dr Yywooner sin evangelisch-reformiert, 31,3 % sin römisch-katholisch (Stand 2000).
Bolitik [ändere]
Bi dr Nationalrootswahle 2011 het s des Ergebnis gee: BDP 2,2 %, CVP 4,2 %, FDP 28,6 %, GP 11,3 %, POP 0,1 %, SP 26,2 %, SVP 20,4 %.
Dr Gmaindsbresidänt isch dr Raymond Huguenin (Stand 2012).
Wirtschaft [ändere]
D Arbetslosigkait isch anne 2011 bi 4,1 % gläge.
Sproch un Dialäkt [ändere]
Bi dr Volkszellig 2000 hän vu dr 718 Yywohner 86,5 % Franzesisch as Hauptsproch aagee, 4,2 % Dytsch, 3 % Italienisch un 6,3 % anderi Sproche.
Dr alt frankoprovenzalisch Patois isch wahrschyns Ändi 19./Aafangs 20. Jh. uusgstorbe. Ergebnis us dr Volkszellige vu 1990 un 2000, wu zum Dail Lyt Patois as Sproch aagchryzlet hän, gälte in dr Sprochwisseschaft as Artefakt un hän ihre Ursprung ender in statistische Fähler oder ass d Lyt unter „Patois“ ihr Regionalfranzesisch verstehn[2][3]
Fueßnote [ändere]
- ↑ www.pxweb.bfs.admin.ch
- ↑ Andres Kristol: Que reste-t-il des dialectes gallo-romans de Suisse romande?. In: Jean-Michel Eloy (Hg.).: Evaluer la vitalité. Variétés d’oïl et autres langues. Université de Picardie / Centre d’Etudes Picardes, Amiens 1998, S. 101–114
- ↑ Pierre Knecht: Die französischsprachige Schweiz. In: Hans Bickel, Robert Schläpfer (Hg.): Die viersprachige Schweiz. Sauerländer, Aarau/Frankfurt/Salzburg 2000, S. 139–176
Weblink [ändere]
Allmänd (Commons): Boudevilliers – Sammlig vo witere Multimediadateie
