11. Jahrhundert

Us der alemannische Wikipedia, der freie Dialäkt-Enzyklopedy

alle Jahrhunderte | andere Zeitskalen 10. Jahrhundert | << 11. Jahrhundert >> | 12. Jahrhundert 1000er | 1010er | 1020er | 1030er | 1040er 1050er | 1060er | 1070er | 1080er | 1090er 1001 1002 1003 1004 1005 1006 1007 1008 1009 1010 1011 1012 1013 1014 1015 1016 1017 1018 1019 1020 1021 1022 1023 1024 1025 1026 1027 1028 1029 1030 1031 1032 1033 1034 1035 1036 1037 1038 1039 1040 1041 1042 1043 1044 1045 1046 1047 1048 1049 1050 1051 1052 1053 1054 1055 1056 1057 1058 1059 1060 1061 1062 1063 1064 1065 1066 1067 1068 1069 1070 1071 1072 1073 1074 1075 1076 1077 1078 1079 1080 1081 1082 1083 1084 1085 1086 1087 1088 1089 1090 1091 1092 1093 1094 1095 1096 1097 1098 1099 1100

S 11. Jahrhundert hät am 1. Januar 1001 aagfange und am 31. Dezember 1100 uufghört.
Die erscht Jahrhunderthälfti isch d Übergangsphase vom Früehmittelalter zum Hochmittelalter in Europa gsii.

[ändere] Ereigniss / Entwicklige

• D Wikinger, gefüehrt vom Leif Erikson, händ ums Jahr 1000 einigi chliini Siedlige in Nordamerika errichtet, wo kei 50 Jahr überlebt händ.
• Um 1008 laat sich de Olof Skötkonung, dr schwedisch König, taufe und förderet d Errichtig vom Bistum vo Skara. Aafang vo dr langwiirige Chrischtianisierig vo Schwede.
• Dr Kalif Al-Hakim laat 1009 d Grabeschile in Jerusalem zerschtöre.
• Gründig vom Kamaldulenser-Orde um 1012.
• Undergang vom jüdische Chasareriich um 1016.
• Knut de Gross, König über Dänemark, wird 1016 König vo England.
• Um 1022: Synode von Pavia. Verbot vo dr Prieschterehe, Amtsenthebig vo verhüratete Prieschter und Bschluss über d Erbunfähigkeit vo Prieschterchinde.
• Aafang vo dr Salierherrschaft im Heilige Römische Riich dur d Wahl vom Konrad II. zum düütsche König im September vom Jahr 1024.
• Um 1031 fangt in Schpanien d Reconquista aa.
• Konrad II. leit 1037 d Erblichkeit vo Lehen per Gsetz fescht.
• Um 1051 erobered d Seldschuke Isfahan.
• Am 16. Juli 1054 chunnts zum Morgeländische Schisma, dr Spaltung vom Chrischtetum in orthodoxi und katholischi Chile.
• D Normanne erobered 1066 England.
• I dr Schlacht vo Manzikert im weschtliche Armenie besieged 1071 d Seldschuke s Heer vom Byzantinische Riich und gründed s Sultanat Ikonion.
• Mit der Gründig vom Chloschter Sakyapa ("Graui Erde") im Jahr 1073 dur de Khön Könchog Gyalpo fangt d Sakya-Schueltradition vom tibetische Buddhismus aa.
• Papst Gregor VII. verfasst 1075 s Dictatus Papae womit dr Inveschtiturschtriit aafangt.
• Am 25. Mai 1085 eroberet de Alfons VI. Toledo in Schpanie vo de Muure zrugg.
• Schaffig vom Domesday Book im Jahr 1086. Es erfasst d Grundbsitzverhältniss in England.
• S Königreich Kroatie fallt 1091 a Ungarn.
• El Cid eroberet 1094 Valencia.
• Papst Urban II. rüeft 1096 zum erschte Chrüzzug uuf.
• Dr erscht Chrüzzug eroberet 1099 Jerusalem.
• vom Marpa em Übersetzer und dem sine Schüeler Milarepa gaat de Kagyü-Schuel vom tibetische Buddhismus uus.
• In (Mittel-) Europa gits chuum Häuser us Schtei. Dr Adel lebt in Burge us Holz, so gnännte "Motten". Um 1050 ume fangt dr Burgebau uf Höherugge aa. Mit Seilwindene wird Material det ufe transportiert.
• Ab ungefähr em Jahr 1000 werded neui Chile als Schteibaute errichtet.
• D Wartburg wird 1067 uf Gebiet baut wo s Chloschter Hersfeld für sich beansprucht hät.

[ändere] Persönlichkeite

• Wilhelm der Eroberer, englische König
• Macbeth, König vo Schottland
• Alp Arslan, seldschukische Herrscher
• Heinrich IV., düütsche Kaiser
• Papst Gregor VII. (Hildebrand)
• Khön Könchog Gyalpo, Gründer vo dr Sakya-Schuel vom tibetische Buddhismus
• Marpa, buddhistische Meischter und Vorvater vo dr Kagyü-Schuel vom tibetische Buddhismus
• Milarepa, buddhistische Meischter und Vorvater vo dr Kagyü-Schuel vom tibetische Buddhismus

[ändere] Erfindige und Entdeckige

• Erfindig vo dr Rakete in China
• Dr in China sit em 8. Jahrhundert aagwandti Buechdruck wird um beweglichi Letteri us Holz erwiiteret.