Wikinger

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Wikinger.jpg

D Wikingier (au Nordmänner, Waräger odr Rus gnannt) si kei gschlosseni, ethnischi Gruppe xi, sondern händ in verschidene Stämm und Völkern ursprünglich ir Küstenööchi als Buure in Skandinavie gläbt.

Raub-, Handels- und Eroberigszüg[ändere | Quälltäxt bearbeite]

Als d Wikingerzit wird meistens di Zyt zwüsched 517 und 1066 ahgsehe, i dere Wikinger oftmals Küste-, Flussgebiete und Inselne z'Europa plündert händ, aber au teilwiis au gsidlet und es witreichendes Handelsnetz errichtet händ. Uf Grund vu überlegeni Fähigkeite im Schiffsbou si di Wikingerschiff gfürchtet worde, will si schnell und wendig xi sind, und somit ideal, um uf Raubzüüg Angscht und Schrecke zverbreite.

Hüt wird im Allgemeine drvoo usgange, dass d'Wikinger uf Grund vu widrige Lebensumständ ihri Heimat verlooh händ, um im wohlhabene und klimatische angnehemere Mitteleuropa z'sidle händ chönne. So hai si sich in Nordfrankriich niiderglo un dr Region ihre Name gä: Normandie. Z Ängland hai si Gebiet im Oschde eroberet, d Königriich Northumbria und East Anglia und d Gebiet vo de Schdedt Leicester, Nottingham, Derby, Stamford und Lincoln. Dr Region, wo si gherrscht hai, sait mä Dane Law , d.h. s Gebiet vo de Gsetz vo de Däne, wobii mit Däne alli Skandinavier gmeint si.

D Wikinger si aber au im Oschde noch Russland greist für zum Handel driibe, si uf de russische Flüss südwärts gseglet und si bis zum Schwarze und em Kaspische Meer cho,[1] Si hai z Novgorod au es Königsriich gründet.[2] Im Weschde hai si vili vo de Insle im Atlantik enddeggt und deilwiis au besiidlet, under ihne Island (vo öbbe 870 aa) und Grönland (vom Johr 984 aa bis ins 15. Johrhundert). D Landnaam vo Island isch voralem dur Norweger erfolgt, wo sich gege d Königsmacht vom Harald Schööhoor und sinene Nochkome gwehrt hend. Dr Leif Erikson isch öbbe um s Johr 1000 uf em nordamerikanische Feschdland acho[3] und mä het Überräschd von erä Wikingersiidlig z Neufundland gfunde.[4]

Ruef[ändere | Quälltäxt bearbeite]

Wenn mer ghört, Wikinger stellt mer sich Fleisch fressendi, eroberndi und bärtigi Mensche vor. Wikinger aber, hend gar ned so gern Fleisch gha. Meistens hend d Fraue müsse Pökelfleisch mache, wells vo dem vill gha hend. D Wikinger hend vill lieber Fisch und bie Feschter sogar Gmües gha. Ihres Lieblings Gmües isch warschinlich Zwyble gsii. Sie hend sie gern gha mege ihrere Würzi und sind froh gsi, das sie ned immer mönd Im Salz tröchnets Pöckelfleisch esse.

D Wikinger sind gern uuf de See gsii. Egal das deete immer vill Lüüt ersoffe sind, oder das d Hungersnot d Chrieger gschwecht hett.

Volk[ändere | Quälltäxt bearbeite]

D Wikinger si keis Volk gsi. Als Wikinger werdet Mensche bezeichnet, wo im allgemeine us Skandinavie cho si und wo sich zum handle, raube, för de Chrieg und d Seefahrt uf Schiff zemmä ta hend und gmeinsam unterwegs gsi sind.

Weblink[ändere | Quälltäxt bearbeite]

 Allmänd (Commons): Wikinger – Sammlig vo witere Multimediadateie

Fuessnote[ändere | Quälltäxt bearbeite]

  1. T. D. Kendrick, A History of the Vikings, Dover 2004, S.143
  2. F. Donald Logan, The Vikings in History, Routledge 1992, S.185
  3. Paul Butel, The Atlantic, Routledge 1999, S.27
  4. Geoffrey Ashe, The Quest for America, Praeger Publishers 1971, S.175