Wirttebärg-Bade
| Land Württemberg-Baden | |||
|---|---|---|---|
|
| ||
| |||
| Basisdate | |||
| Schbrooch: | Dytsch | ||
| Landeshauptstadt: | Stuegert | ||
| Staatsform: | barlemäntarischi Republik, dailsouveräne Glidstaat vun eme Bundesstaat | ||
| Flechi: | 15.703 km² | ||
| Gründig: | 19. Septämber 1945 | ||
| Bevölkerig | |||
| Iiwohnerzahl: | 3,908 Mio. (13. September 1950)[1] | ||
| Bevölkerigsdichti: | 249 Iiwohner pro km² | ||
| Wirtschaft | |||
| Politik | |||
| Regierungschef: | Reinhold Maier (DVP) | ||
| Regierendi Parteie: | DVP un SPD (bis 1951 au CDU un KPD) | ||
| Sitzverteilig im Landesparlament: | SPD 34 | ||
| Letschti Wahl: | 19. Novämber 1950 | ||
| Neggschti Wahl: | – | ||
| Stimme im Bundesrat: | 4 | ||
 Di boode sidlige Länder hän zue dr franzesische, s nerdli zur amerikanische Bsatzigszone ghert. | |||
S Land Wirttebärg-Bade (amtli Württemberg-Baden) isch anne 1945 vu dr US-amerikanische Militerregierig grindet wore un isch ab 1949 e Land vu dr Bundesrepublik Dytschland gsii. S Land het dr nerdli Dail vu dr ehmolige Republik Bade un dr nerdli Dail vum ehmolige Volksstaat Wirttebärg umfasst. S isch anne 1952 im neigschaffene Land Bade-Wirttebärg ufgange.
Gschicht
[ändere | Quälltäxt bearbeite]Noch em Änd vum Zweete Wältchrieg sin di nerdlige Dail vu dr ehmolige Länder vu dr Weimarer Republik Bade un Wirttebärg Dail vu dr US-amerikanische Bsatzigszone wore. D Sidgränze vu dr amerikanische Bsatzigszone uf däm Biet isch eso zoge wore, ass d Autobahn Kallsruh-Minga, di hitig A 8, uf dr ganze Strecki innerhalb vu dr amerikanische Bsatzigszone glägen isch. D Gränze im Detail sin d Gränze vu dr jewylige Landkrais gsii. Di US-amerikanisch Militerregierig het am 19. Septämber 1945 d Grindig vu Groß-Hesses, Wirttebärg-Bade un Bayern verchindet[2] un het fir Wirttebärg-Bade am 21. Dezämber 1945 e Vorlaifigi Volksverdrättig mit Mitglider us dr Barteie, dr Landret un Oberburgermaischter un au Verdrätter vu dr Beruefsständ, Hochschuele un Chilche yygruefe.
Hauptstadt vum Land isch Stuegert gsii. S het sällzyt iber 3,5 Millione Yywohner un e Greßi vu 15.700 km² ghaa. Di Verfassiggebend Landesversammlig isch am 30. Juni 1946 gwehlt wore. D Verfassig isch vu däm Barlemänt bis Oktober 1946 uusgschafft wore; si isch am 24. Novämber 1946 dur e Volksabstimmig bstetigt wore, zytglych isch au dr erscht Landdag gwehlt wore.[3]
Di wirttebärgische un badische Landesdail sin innerhalb vum Land as sognännti „Landesbezirk“ gfiert wore. Dr Landesbezirk Bade het sy Sitz z Kallsruh ghaa un isch nume halb so groß gsii wie dr wirttebärgisch Landesbezirk.
Bi ire Grindig am 23. Mai 1949 isch Wirttebärg-Bade Dail vu dr Bundesrepublik Dytschland wore. S Grundgsetz het in Art. 29 GG d Megligkait fir e Neigliderig vum Bundesbiet ghaa, „um zu gewährleisten, dass die Länder nach Größe und Leistungsfähigkeit die ihnen obliegenden Aufgaben wirksam erfüllen können“ (Art. 29 Abs. 1 GG). Go ne Reglig dur dr Bund vermyde, hän d Länder Wirttebärg-Bade, Bade un Wirttebärg-Hauezollre am 24. Septämber 1950 e Probabstimmig un am 16. Dezämber 1951 e Volksabstimmig zur Verainigung duregfiert. In boode Abstimmig hän d Wehler*ne vu Wirttebärg-Bade mit ere aidytige Meehait fir e Länderfusion gstimmt. S Land Bade-Wirttebärg isch deno am 25. April 1952 grindet wore.
Im verainte Land sin no uf em bishärige Biet vu Wirttebärg-Bade di beede Regierigsbezirk Nordbade un Nordwirttebärg bildet wore, wu 1973 mit andere Bietszueschnitt in d Regierigsbezirk Kallsruh un Stuegert, iberfiert wore sin.
Bolitik
[ändere | Quälltäxt bearbeite]Minischterbresidänt
[ändere | Quälltäxt bearbeite]Vu 1945 bis 1952 isch dr Reinhold Maier (DVP) Minschterbresidänt vu Wirttebärg-Bade gsii.
Landtag
[ändere | Quälltäxt bearbeite]Dr Landdag vu Wirttebärg-Bade isch zwaimol gwehlt wore, d CDU het doderby 1946, d SPD 1950 e relativ Mee iberchuu. Dodervor isch im Juni 1946 di Verfassiggebend Landesversammlig gwehlt wore, do isch d CDU as sterkschti Chraft drus firi gange.
Woobe un Landesfarbe
[ändere | Quälltäxt bearbeite]Dr Woobe vu Wirttebärg-Bade isch us Elemänt vu dr Woobe vu Wirttebärg un Bade zämegsetzt gsii. Fir Wirttebärg sin d Hirschstange uf guldinem Grund un s schwarz-rot Straifebaar gstande, fir Bade dr rot Schregbalke uf guldinem Grund. D Landesfarbe sin Schwarz-Rot-Gold gsii.
Verwaltigsgliderig
[ändere | Quälltäxt bearbeite]Landesbezirk Bade
[ändere | Quälltäxt bearbeite]Stadtkrais
[ändere | Quälltäxt bearbeite]Landkrais
[ändere | Quälltäxt bearbeite]Landesbezirk Wirttebärg
[ändere | Quälltäxt bearbeite]Stadtkrais
[ändere | Quälltäxt bearbeite]Landkrais
[ändere | Quälltäxt bearbeite]Literatur
[ändere | Quälltäxt bearbeite]- Berthold Kamm, Wolfgang Mayer: Der Befreiungsminister – Gottlob Kamm und die Entnazifizierung in Württemberg-Baden. Silberburg-Verlag, Tübingen 2005, ISBN 3-87407-655-5.
- Paul Sauer: Demokratischer Neubeginn in Not und Elend. Das Land Württemberg-Baden von 1945 bis 1952. Vaas Verlag, Ulm 1978, ISBN 3-88360-003-2.
Weblink
[ändere | Quälltäxt bearbeite]- Proklamation vu dr Militerregierig vum 19. Septämber 1945
- Täxt vu dr Landesverfassig vum 28. Novämber 1946
Fueßnote
[ändere | Quälltäxt bearbeite]- ↑ Statistisches Jahrbuch für die Bundesrepublik Deutschland 1952
- ↑ Proklamation Nr. 2 – Amtsblatt der Militärregierung Deutschland, Amerikanische Zone, Ausgabe A (1. Juni 1946), S. 2
- ↑ S Wahlergebnis findet mer uf www.wahlrecht.de
|
Dä Artikel basiert uff ere fräie Übersetzig vu dere Version vum Artikel „Württemberg-Baden“ vu de dütsche Wikipedia. E Liste vu de Autore un Versione isch do z finde. |