Dr Gsamtdütschi Block/Bund vo de Häimetverdriibene und Enträchtete

Dr Gsamtdütschi Block/Bund vo de Häimetverdriibene und Enträchtete (kurz GB/BHE) isch e [[politische Partei<politischi Bardei]] in dr Bundesrepublik Dütschland gsi, wo vo 1950 bis 1961 aktiv gsi isch. Si het isch an die Dütsche grichdet, wo noch em Zwäite Wältchrieg us iirer Häimet verdriibe worde si. Dr Block vo de Häimetverdriibene und Enträchtete (BHE) isch im Januar 1950 vom Waldemar Kraft as politischi Bardei in Schleswig-Holstäi gründet worde, im Bundesland, wo die Gflüchdete dr höggst Bevölkerigsadäil gha häi. 1956 si e Däil vo de Bardeimitgliider dr CDU biidrätte und vo denn aa het dr GB/BHE mee und mee Weeler verloore. Vor dr Bundesdaagswaal 1961 het d Bardei uf dr Bundeseebeni mit dr rächtsgrichdete Dütsche Bardei (DP) fusioniert, wo aber no im gliiche Joor uf dr Bundeseebeni ufglööst worde isch.

Dr BHE isch en Inträssebardei in dr politische Middi gsi, wo sich vor allem um d Inträsse vo de Verdriibene kümmeret het. Si het d Widerhäärstellig vo de dütsche Gränze vo 1937 uf eme friidlige Wääg gforderet. Er het e zentraali Rolle gspiilt bi dr Beändigung vo dr Entnazifizierig und dr brueflige Wideriigliiderig vo ehemoolige Nazionaalsozialiste, wo wäge iirer Vergangehäit Brobleem gha häi.

Kwelle

• Dr Ardikel «Gesamtdeutscher Block/Bund der Heimatvertriebenen und Entrechteten» uf dr dütsche Wikipedia

Liddratuur

• Frank Bösch: Die politische Integration der Flüchtlinge und Vertriebenen und ihre Einbindung in die CDU. In: Rainer Schulze (Uusegääber): Zwischen Heimat und Zuhause. Deutsche Flüchtlinge und Vertriebene in (West-)Deutschland 1945–2000. Secolo-Verlag, Osnabrück 2001, ISBN 3-929979-62-4, S. 107–125. (Zur Integration des GB/BHE in die Unionsparteien.)
• Franz Neumann: Der Block der Heimatvertriebenen und Entrechteten 1950–1960. Ein Beitrag zur Geschichte und Struktur einer politischen Interessenpartei (Marburger Abhandlungen zur politischen Wissenschaft, Bd. 5). Hain-Verlag, Meisenheim am Glan 1968 (zugl. Dissertation, Universität Marburg 1966).
• Matthias Stickler: „Ostdeutsch heißt Gesamtdeutsch“. Organisation, Selbstverständnis und heimatpolitische Zielsetzungen der deutschen Vertriebenenverbände 1949–1972 (Forschungen und Quellen zur Zeitgeschichte; Bd. 46). Droste-Verlag, Düsseldorf 2004, ISBN 3-7700-1896-6, S. 280 ff.
• Richard Stöss: Der Gesamtdeutsche Block/BHE. In: Derselbe (Uusegääber): Parteien-Handbuch. Die Parteien der Bundesrepublik Deutschland 1945–1980. Bd. 3. Westdeutscher Verlag, Opladen 1986, ISBN 3-531-11838-2, S. 1424–1459.
• Martin Virchow: Der GB/BHE, ein neuer Parteientyp? In: Max Gustav Lange, Gerhard Schulz, Klaus Schütz (Uusegääber): Parteien in der Bundesrepublik (Schriften des Instituts für Politische Wissenschaft, Bd. 6). Ring-Verlag, Stuttgart 1955, S. 450–467.
• York R. Winkler: Flüchtlingsorganisationen in Hessen 1945-1954. BHE – Flüchtlingsverbände – Landsmannschaften. Historische Kommission für Nassau, Wiesbaden 1998, ISBN 978-3-930221-04-2.

Weblingg

• Daniel Schönwald: Block der Heimatvertriebenen und Entrechteten (BHE). In: Historisches Lexikon Bayerns