Brugg über s Versamer Tobel

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Bou vo dr neue Brugg näbe dr alte, Foti vo 2012

D Brugg über s Versamer Tobel isch e Brugg i dr Nöchi vom Dorf Versam, wo zu dr Gmaind Safietaal im Bündnerland ghört.

Am Ändi vom Safietaal louft d Rabiusa dur nes töifs Tobel, bevor si i dr Schlucht Ruinaulta in Vorderrhy mündet. Früener isch der Wääg vo Bonaduz uf Versam schwirig über d Syte vom Tobel bis zum Fluss abe ggange. Do gits aber bi Versam e bsunders schmali Stell vom Tobel, wo me im 19. Joorhundert die erscht höchi Brugg über s Taal het chönne boue.

Die erschti isch e Holzbrugg gsi. Die isch ane 1828 bout worde und het e Lengi vo 66 Meter gha. Im Joor 1896 isch si zämegheit.

Die zwöiti isch e Brugg us Yse, wo ane 1897 gmacht worden isch. Si het 70 Meter Spannwyti. Hüt isch si als Bouzüüge vo der alte Ysebruggetechnik konserviert.

Vo 2010 bis 2012 isch die modärni Brugg us Beton entstande. Si isch 112 Meter lang.

Weblink[ändere | Quälltäxt bearbeite]

Weblink[ändere | Quälltäxt bearbeite]

 Commons: Versamer Tobelbrücke – Sammlig vo Multimediadateie

46.7953299.340546Koordinaten: 46° 47′ 43″ N, 9° 20′ 26″ O; CH1903: 745191 / 184444