Urdorf

Urdorf
	Wappe vo Urdorf
Basisdate
Staat:	Schwiiz
Kanton:	Züri (ZH)
Bezirk:	Dietike
BFS-Nr.:	0250
Poschtleitzahl:	8902
UN/LOCODE:	CH URD
Koordinate:	674687 / 248928Koordinate: 47° 23′ 13″ N, 8° 25′ 40″ O; CH1903: 674687 / 248928
Höchi:	416 m ü. M.
Flächi:	7,62 km²
Iiwohner:	10'332 (31. Dezämber 2022)
Website:	www.urdorf.ch
	Reformierti Chile Reformierti Chile
Charte
	Charte vo Urdorf

Urdorf isch e politischi Gmai im Bezirk Dietike vùm Kanton Züri in der Schwyz.

Urdorf isch es Dorf, wo früäner mal us 4 chlinere Dörfli zämegschlosse worde isch. Dazmal hets Oberurdorf, Niederurdorf und no es paar wiiteri wyler-ähnlichi Dörfli gä. Drum gits au no hüt d Bezeichnig Niiderurdorf, für alles, was eher richtig Schliere, Dietike gaht und Oberurdorf, für de Teil Richtig Üdikä, Birmensdorf.

Wappe

Blasonierig: In Silber, e schwaarze Mùùnichobf, wù häärluegd.

D Urdorfer-Flage isch in Schwarzwiss ghalte und s letscht mal 1991 oder 92 überarbeitet worde.

Geografii

Urdorf lyd am weschdlige Rand vù dr Schdad Züri in eme Daal, wù dùr dr Reussglätscher gfoormd wooren isch. S hed Findlig us reedligem Gschdai, wäge däm mues es au ne Arm vùm Linthglätscher in dr Geegnig gee haa. Hinder em Hohneret ùn dr Egg lyd s Reppischtal, wù dùr d Mörääne good.

Vù dr Gmaiflächi sin 32 % landwirschafdligi Nùzflächi, 32.7 % sin Wald, 25.9 % sin Siidligsflächi ùn 8.8 % sin Verchèèrsflächi. 0.4 % sin Gwäser.^[2]

Gschiichd

S èèrschd Mool gnänd wird Urdorf dùr dr Konrad vù Sellebüre in ere Schdifdigsuurchùnd vùm Chlooschder Engelberg us em Joor 1179 als predium Urdorf.

Bevölkerigsentwicklig

Quälle: Bundesamt für Statistik 2005^[3]

Jaar	1850	1860	1870	1880	1888	1900	1910	1920
Iiwooner	770	784	768	726	672	711	837	976
Jaar	1930	1941	1950	1960	1970	1980	1990	2000
Iiwooner	1215	1335	1929	3809	7960	8589	8339	9417

De Uusländeraatäil liit bi 20,7 % (Stand 2011).^[2]

Religion

33,3% vo de Iiwooner sind evangelisch-reformiert, 35,4% sind römisch-katholisch (Stand 2011).^[2]

Politik

Bi de Kantonsraatswaale 2011 hät s das Ergebnis ggee:^[2] BDP 2,8 %, CVP 7,1 %, EDU 0,7 %, EVP 4,3 %, FDP 14,3 %. GLP 7,6 %, GP 7,7 %, SP 20,9 %, SVP 32,5 %, Suschtigi 2,2 %.

Gmäindspresidäntin isch d Sandra Rottensteiner (Stand 2012).

Wirtschaft

D Arbetslosigkäit isch im Jaar 2010 bi 3,2 % gläge.^[2]

Tieläkt

De züritüütsch Tieläkt vo Uurdoorf ghört zue de Ämtler Mundarte.

Sùschdigs

Syder ane 1996 gid s e Hilfsyyriichdig fir Droogeabhängigi, s "Urdörfli", wù vùm Bfaarer Sieber grinded wooren isch.

Urdorf het e eigeti Badi, es Halläbad, e Kunschtiisbahn, es Curlingcenter, en wintertaugliche Tennisplatz, en Lokalsender (Teletext-Stil) und e eigeti Kantonsschuel.

Es git zwei Bahnhöf: "Urdorf" und "Weihermatt".

Bilder

Schaefliwise a de Bachstrass [2008]
Müliguet im Winter 2006
Alti Müli Urdorf - renoviert 2008 - Aasicht vo Oschte [2008]
Schaefliwise - Aasicht vo Oschte [2008]

Literatur

Elisabeth Lüchinger-Grob: Urdorf in alten Ansichten. Europäische Bibliothek 2002, ISBN 978-90-288-6701-7
Karl Grunder: Die Kunstdenkmäler des Kanton Zürich Band 9: Der Bezirk Dietikon. Hrsg. von der Gesellschaft für Schweizerische Kunstgeschichte GSK. Bern 1997 (Kunstdenkmäler der Schweiz Band 88). ISBN 3-909164-57-9. S. 338–366.
Maximilian Georg Kroiß: Hl. Bruder Klaus Urdorf ZH in 2013. Eine junge Pfarrei von 1960 mit alten Wurzeln aus 1173. Urdorf 2013.