Bielersee
Kirche vo Ligerz am Bielersee
Daten
Name:	Bielersee Lac de Bienne
Lage:	Espace Mittuland, oder Seeland
Flächi	39,3 km²
maximali Tiefi:	74 m
Zueflüss:	Zihlkanal, Aare-Hagneck-Kanal, Twannbach, La Suze, Schüss
Abflüss:	Nidau-Büren-Kanal, Zihl
Höchi über NN:	429 m
Grösseri Stedt am Ufer:	Biu
Bsungerheite:	St. Petersinsle
Charte
Bielersee

Dr Bielersee (fr. Lac de Bienne) isch zäme mit dem Murtesee u dem Nöiäburgersee eine vo de drü grosse Jurasee ir Schwyz. Dr See isch 15 km lang u max. 4,1 km breit. Syni Flächi betreit 39,3 km², die maximali Tiefi isch 74 m. Dr Inhaut isch rund 1,12 km³. By Normauwasserstand isch dr Seespiegu uf 429 m ü. M..

Dr Bielersee het es Ynzugsgebiet vo 8'305 km². Dr mittleri Abfluss isch by 244 m³/s. Die theoretischi Ufenthautszyt vom Wasser im See betreit nume 58 Tag. Die wichtigscht Zueflüss sy d Aare, die 1878 byr erschte Juragewässerkorrektion i de See umgleitet worde sy, dr us em Nöiänburgersee kommendo Zihlkanal, dr Twannbach und d Schüss.

Uferortä

Dr bedütendschti Uferort vom Bielersee isch d Stadt Biel/Bienne. Da sech dr Bielersee uf dr Sprachgränze zu dütsch u französisch befindet, hei verschiedeni Ortschafte rund ume See ou zwöisprachigi Näme. Nied aui sy no im Gebruuch. Zu denä ghörä:

Bipschal-Bévesier
Erlach-Cerlier
Gaicht-Jugy
Ins-Anet
Landern-Le Landeron
Ligerz-Gléresse
Lüscherz-Locras
Mörigen-Morenges
Neuenstadt-La Neuveville
Nos-Nods
Prägelz-Prèles
Schafis-Chavanne
Schernelz-Cernaux
Tüscherz-Daucher
Twann-Douanne
Vinelz-Fénil
Vingelz-Vigneulles
Wingreis-Vingra
Sankt Petersinsel-Ile Saint-Pierre

Ir Mitti vom Biälär See ligt d'St. Petersinslä wo früächär ä ächti Inslä isch gsi u jetzä dürnä Verbindig mit Erlach zurä Haubinsu isch wordä. Di ursprünglächi Insu ghört aber zur Gmeind Twann-Tüscherz u isch im Bsitz vor Burgergmeind Bärn. Uf dr Insu het sech unger angerem dr Jean-Jacques Rousseau es paar Woche uufghaute.