Lischte vo Schwiizer Persönlichkeite

Die Lischte vo Schwiizer Persönlichkeite goot nach ere ungefähre gschichtlich-chronologische Reihefolg:

• Tello († öpe 765): Bischof vo Chuur und Herr z Chuurräzie
• Hildegard (828–859): di eerscht Äptissi vom Fraumöischter z Züri
• Ulrich vo Länzbrg († um 1050): Gründer vo dr mächtige Adelsfamilie vo de Länzbrger
• Heinrich vo Thun († 1238): Bischof vo Basel, wo di erschti middelalterlechi Brugg übere Rhy het lo boue
• D Habsburger-Dynaschtie stammt im Mittelalter uus em nachmalige Kanton Aargau (Habsburg)
• Dr Niklaus von Flüe (1417–1487) het mit em Stanser Verkommnis Friide zwische de städtische und de ländliche eidgenössische Orte gstiftet.
• Dr Walliser Kardinal Matthäus Schiner (1465–1522) isch Berater vom Kaiser Karl V. gsii und denn no fascht Papscht worde
• Dr Huldrych Zwingli (1484–1531) isch e Leitfigur von dr Schwiizer Reformation gsii
• Paracelsus (1493–1541): Arzt, Alchemischt und Filosoof
• Heinrich Bullinger (1504–1575): Zürcher Refermatoor
• Jean Calvin (1509–1564): Gämfer Refermatoor
• Conrad Gessner (1516–1565): Zürcher Arzt, Naturforscher und Altphiloloog
• Domenico Fontana (1543–1607): Tessiner Baukünschtler z Rom under de Renaissance-Päpscht
• Francesco Borromini (1599–1667): Tessiner Architekt vom Barock z Rom, u. a. am Petersdom tätig
• Leonhard Euler (1707–1783): renomierte Mathematiker
• Dr Jean-Jacques Rousseau (1712–1778) isch eini vo de Leitfigure vo dr Uufklärig gsii
• Anna Göldi (1734–1782): letschti Frau, wo z Europa als «Häx» verurteilt und higrichtet worden isch
• Horace-Bénédict de Saussure (1740–1799): Gämfer Naturforscher, eine vo de Pionier vo de Alpeforschig
• Johann Heinrich Pestalozzi (1746–1827): Pädagog und Sozialreformer
• Frédéric-César de la Harpe (1754–1838): Dr einzig churzfrischtig Diktator vo dr Schwiiz nach eme Staatsschtreich während dr Helvetik
• Johann Martin Usteri (1763–1827): Zürcher Mundartdichter
• Jean-Charles-Léonard Simonde de Sismondi (1773–1842): renommierte Gämfer Ökonom
• Guillaume-Henri Dufour (1787–1875): General vo de Bundestruppe im Sonderbundschrieg
• Jeremias Gotthelf (1797–1875): Pfaarer und Schriftschteller, wo Romään übers Puureläbe im Ämmital gschribe het
• Jonas Furrer (1805–1861): ane 1848 dr erscht Bundespresidänt vo dr Schwiiz
• Louis Agassiz (1807–1873): Naturforscher, wo e Pionier vo de Glaziologie gsi isch, aber au e Gägner vo de Evoluzioonstheorie
• Gottfried Keller (1819–1890): renomierte Schriftschteller und en Liberale
• Alfred Escher (1819–1882): Liberale Politiker und Pionier vo dr Induschtrialisierig vo dr Schwiiz
• Niklaus Riggenbach (1817–1899): Erfinder vo dr Zaanradbaan
• Louis Favre (1826–1879): Ingenieur, wo für de Bau vom Gotthardtunnel verantwortlech gsi isch
• Johanna Spyri (1827–1901): Schriftschtelleri, wo d Heidi-Büecher gschribe het
• Henry Dunant (1828–1910): Gründer vom Roote Chrüüz
• César Ritz (1850–1918): Hotelier
• Ferdinand Hodler (1853–1918): Mooler
• Henri Guisan (1874–1960): General vo dr Schwiizer Armee während em Zweite Wältchrieg
• Carl Gustav Jung (1875–1961): Psychoanalytiker
• Louis Chevrolet (1878–1941): Autorännfahrer und Gründer von ere Autofirma z Detroit
• Arthur Honegger (1892–1955): Komponischt
• Grock (1880–1959): Gloon
• Auguste Piccard (1884–1962): Balloonfahrer und Meeresforscher
• Karl Barth (1886–1968): Theoloog und eine vo de füehrende Manne im Widerstand gege ne Schwiizer Aapassig an Hitler-Düütschland
• Le Corbusier (1887–1965): Architäkt
• Gottlieb Duttweiler (1888–1962): Undernähmer und Politiker, Gründer vom Migros-Gnosseschaftsbund
• Arthur Honegger (1892–1952): Komponischt
• Albert Hofmann (1906–2008): Entdecker vom LSD
• Alberto Giacometti (1901–1966): Bildhauer
• Jean Piaget (1896–1980): Entwickligspsycholoog
• Jean-Rodolphe von Salis (1901–1996): Historiker
• Hans Erni (1909–2015): Mooler, Grafiker und Bildhauer
• Max Frisch (1911–1991): Schriftschteller
• Friedrich Dürrenmatt (1921–1990): Schriftschteller
• Willy Ritschard (1918–1983): Eine von de wenige Arbeiter, wo Bundesroot worden isch
• Walther Hofer (1920–2013): Historiker und Nationalsozialismus-Forscher
• Jean Tinguely (1925–1991): Mooler und Bildhauer, wo au maschineartegi Skulpture gmacht het
• Liselotte Pulver (* 1925): Schauschpilleri, bekannt us Schwiizer und düütsche Film vo de 50er- und 60er Jahr
• Hans Küng (* 1928): Theoloog, wo sich für Reforme i de römisch-katholische Chile igsetzt het
• Emil Steinberger (* 1933): Kabarettischt und Schauschpiler
• Jean Ziegler (* 1934): Politiker und Sozioloog, wo d Schwiizer Wirtschaft kritisiert het
• Dimitri (1935–2016): bekannte Gloon und Chlikünschtler
• Ursula Andress (* 1936): Schauspileri, bekannt us em erschte James-Bond-Film
• Elisabeth Kopp (* 1936): erschti Bundesröötin
• Christoph Blocher (* 1940): Undernähmer und Politiker, wo d Schwiizer Politik ab 1992 prägt het
• Bruno Ganz (1941–2019): Theater- und Filmschauspiler
• Claude Nicollier (* 1944): Aschtronaut und erschte Schwiizer im Wältruum
• Dr Joseph Deiss (* 1946) Bundesroot, het nach em Rücktritt d UNO-Vollversammlig es Ziitli präsidiert
• Rolf Zinkernagel (* 1944): Mediziner und Immunoloog, Nobelpriisträger 1996
• Bertrand Piccard (* 1958): Abentüürer und Solarpionier ("Solar Impulse")
• Helen Keller (* 1964): Richterin am Europäische Grichtshof für Mänscherächt
• Roger Federer (* 1981): langjöörige Wältklasse-Tennisspiiler mit 20 Sieg a Gränd-Släm-Turniär