Guillaume Henri Dufour
.png)
Dr Guillaume Henri Dufour (* 15. Septämber 1787 z Konstanz; † 14. Juli 1875 z Les Eaux-Vives, hüt e Deil vo Gämf) isch e Schwiizer Humanist, General, Politiker, Kartograf und Ingenieur gsi.
Dr Dufour het zu de erste Generäl in dr Gschicht vo dr Schwiizer Armee ghört und het die eigenössische Druppe im Sonderebundschrieg aagfüehrt. As Kartograf het er die ersti detaillierti topographischi Charte vo dr Schwiiz härgstellt. Er isch Mitgliid vom Komitee vo de Fümf gsi, wo 1863 z Gämf sich zsämmegfunde het und s Internationale Komitee vom Rote Chrüz grundet het und vo 1863 bis 1864 däm si erst Presidänt.
Gedänke
[ändere | Quälltäxt bearbeite]Dr Dufour isch ufgrund vo siim vilsiitige Wirke scho zu Läbziite usserordentlig populär gsi und het as eine vo de bekanntiste und iiflussriichste Mensche in dr Schwiiz golte. D Dufourspitze im Monte-Rosa-Massiv an dr italiänische Gränze, wo mit 4'634 Meter dr höggsti Punggt in dr Schwiiz isch, isch 1863 noch ihm benennt worde. En anders Indiz für die groossi Bedütig vom Dufour isch d Datsach, ass noch siim Dod im Juli 1875 öbbe 60'000 Lüüt us alle Deil vom Land zu siiner Beärdigung uf em Cimetière des Rois z Gämf cho si. Au hüt no wird dr Dufour als eine vo de wichtigste Lüüt in dr Gschicht vo dr Schwiiz agluegt.
Litratur
[ändere | Quälltäxt bearbeite]- Thomas Bachmann: Guillaume Henri Dufour im Spiegel seiner Schriften. Bibliographisches Handbuch, Bern 2004, in: Schriftenreihe der Eidgenössischen Militärbibliothek, Nr.14.
- Pierre Boissier: History of the International Committee of the Red Cross. Volume I: From Solferino to Tsushima. Henry Dunant Institute, Genf 1985, ISBN 2-88-044012-2
- Caroline Moorehead: Dunant's dream: War, Switzerland and the history of the Red Cross. HarperCollins, London 1998, ISBN 0-00-255141-1 (gebundene Ausgabe); HarperCollins, London 1999, ISBN 0-00-638883-3 (Taschenbuch-Ausgabe)
- Otto Weiss: General Dufour als Heerführer. Ein Beitrag zur Schweizer Geschichte des 19. Jahrhunderts. Bern 1939
- Edouard Chapuisat: General Dufour. 1787-1875. 2. Auflage. Tusculum-Verlag, Dietikon 1950
- Jean-Jacques Langendorf: Guillaume Henri Dufour. General - Kartograph - Humanist. Eine Bildbiographie. Schweizer Verlagshaus, Zürich 1987, ISBN 3-72-636550-8
Weblinks
[ändere | Quälltäxt bearbeite]
Commons: Guillaume Henri Dufour – Sammlig vo Multimediadateie- Red Cross and Red Crescent Movement History - Henri Dufour (engl.)
- Jean-Jacques Langendorf: Dufour, Guillaume-Henri. In: Historisches Lexikon vo dr Schwiiz.
- Schweizer Dufour Museum