Mäisterschwande
| Mäisterschwande | |
|---|---|
 | |
| Basisdate | |
| Staat: | Schwiiz |
| Kanton: | Aargau (AG) |
| Bezirk: | Länzbrg |
| BFS-Nr.: | 4202 |
| Poschtleitzahl: | 5616 |
| UN/LOCODE: | CH MWA |
| Koordinate: | 659784 / 238523 |
| Höchi: | 505 m ü. M. |
| Flächi: | 6.86 km² |
| Iiwohner: | 3266 (31. Dezämber 2022)[1] |
| Website: | www.meisterschwanden.ch |
 Mäisterschwande | |
| Charte | |
 | |
Mäisterschwande (amtlich Meisterschwanden) isch e Gmeind im Bezirk Länzbrg im Kanton Aargau.
Geografy[ändere | Quälltäxt bearbeite]
S Dorf lyt im Seetal am Ostufer vom Hallwilersee. Dr Dorfbach goot durs Hungertaal und s Tobel bis an See abe. Am Ufer vom See sind d Schiffstazione bim Gaschthof Delphyn und bim Gaschthof Seerose, wo au d Badi vo Mäisterschwande isch. S Dorf Tennwyl lyt ei Kilometer nördlech vo Mäisterschwande und ghört sid em Joor 1899 au zu dr Gmeind Mäisterschwande. Z Tennwyl isch s Arbeiterstrandbad.
D Nochbergmeinde vo Mäisterschwande sind Seenge, Faarwange, Beibel, Birrwil und Boniswil.
Gschicht[ändere | Quälltäxt bearbeite]
S erschte Mol isch Mäisterschwande ane 1173 als Meistersvanc gnännt worde. Dozmol isch s grosse Erb vo de Grafe vo Länzbrg verdeilt worde und Mäisterschwande isch zu de Grafe von Kyburg cho.
Ane 1916 isch d Ysebaanstreki vo Woole uf Mäisterschwande ufggange, wo 1997 dur ne Busbetriib vo dr BDWM ersetzt worden isch.
Seekultur[ändere | Quälltäxt bearbeite]
Näbe de andere Badine am Hallwilersee gits au no bi Tennwil s alte «Arbeiterstrandbad» mit em Zältplatz und em Bootshafe. Wo ane 1935 dr Veräin Arbeiterstrandbad gründet worden isch, het das als neue Schritt vo dr Arbeiterbewegig im Aargau gulte. No im glyche Joor het me am See die Badi als Projäkt vo der sozialdemokratische Kultur ygweit. D Arbeiter sind vo wythär am Wuchenändi mid em Welo uf Tennwil ggange zum d Zyt am See z erläbe. Vo Arbeitervereine sind i dr Badi Wettkämpf duregfüert worde. Hüt isch s Strandbad e Stiftig.[2]
D Schifffaartsgsellschaft vom Hallwilersee, wo ane 1888 als Tampfschiffgsellschaft vom Hallwylersee gründet worden isch, het iri Basis mit ere eigene Wärchstatt z Mäisterschwande. Agfange het d Gsellschaft mit Tampfschiff und scho vo 1910 a het si uf Motorschiff gwächslet. Denn het si es Schiff vom Bodesee gchauft, d «Bayern», wo ufem Hallwilersee dr Name «Hallwyl» übercho het.[3] D Schifffaartsgsellschaft het jetz (2023) föif Schiff:[4]
- s Motorschiff Breschtebärg vo 1990
- s Motorschiff Seetaal vo 2010
- s Motorschiff Delphin vo 2018
- s Motorschiff Hallwil vo 1977
- s Motorschiff Seerose vo 1998
Literatur[ändere | Quälltäxt bearbeite]
- Felix Müller: Meisterschwanden In: Historisches Lexikon vo dr Schwiiz..
- Felix Müller: Tennwil. In: Historisches Lexikon vo dr Schwiiz..
Weblink[ändere | Quälltäxt bearbeite]
Commons: Meisterschwanden – Sammlig vo Multimediadateie- Website vo dr Gmeind Mäisterschwande
Fuessnoote[ändere | Quälltäxt bearbeite]
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- ↑ Gschicht vom Arbeiterstrandbad Tennwil. Abgruefen am 22. Dezember 2023.
- ↑ d Gschicht vo de Motorschiff uf luthiger-josef.ch
- ↑ Schifffaartsgsellschaft ufem Hallwilersee: Unsere Schiffe
