George W. Whitmore

Dialäkt: Mìlhüüserdiitsch

Dr George Washington Whitmore

Dr George Washington Whitmore (* 26. Àuigscht 1824 ìm McMinn County, Tennessee; † 14. Oktober 1876 z Tyler, Texas) ìsch a àmerikànischer Jurischt un Politiker vum Texas gsìì. Vun 1869 bis 1871 hàt’r s’ Texas vertratta ìm Represantàntahüss vu da Verainigta Schtààta. Wahrem Sezessionskriag ìsch ar Unionischt gsìì.

si Lawa un sina Kàrriar

Dr George Washington Whitmore ìsch àm 26. Àuigscht 1824 uf d' Walt kumma ìm McMinn County, ìm Bundesstààt Tennessee. Ar ìsch dr Suhn gsìì vu dr Elizabeth un vum John Whitmore. Ar ìsch ìn d' äffentliga Schüala vu sim Haimetsschtààt gànga. Ànna 1848 hàt ar ìns Harrison County ìm Texas gwàndelt. Ar hàt Racht gschtudiart, un ìsch àm 1. Juli 1850 àls Rachtsànwalt züagloo worra. Dernoh hàt’r àls Rachtsànwalt gschàfft un hàt glichzittlig sina politischa Làuifbàhn ààgfànga. Àn dr Presidantswàhl vu 1852 hàt’r d' Whig Party àktiv unterschtìtzt. Ànna 1852, 1853 un 1858 ìsch’r Mìtglìed gsìì vum Represantàntahüss vun Texas. Àn dr Kongresswàhl vu 1860 hàt’r àn dr Wàhlkampània vum Kàndidàt John Bell vu dr Constitutional Union Party ìm Oschttexas mìtgmàcht. Nohdam àss dr Abraham Lincoln àls àmerikànischer Presidant gwählt worra ìsch, hàt dr George Whitmore ànna 1861 zamma mìt zwelf àndra Texas-Represantànta gega d' Zustìmmung vu dr Sezessionsversàmmlung gwählt.

Wahrem Sezessionskriag hàt dr Whitmore ìns Smith County gwàndelt. Waga sina unionischta Mainunga han ìhn d’ Konfederiarta wahrend fascht a Joohr ohna Prozass iigschpärrt bis ànna 1864, unterànderem àm Camp Ford z’ Tyler. Wahrem Wìderuffbàui vum Texas ìsch dr Whitmore vum Àuigscht 1865 bis ìm Juni 1866 Schtààtsànwàlt gsìì ìm 9. Gerìchtsbezirk vum Texas. Züadam ìsch’r ànna 1867 Konkursverwàlter gsìì. Ànna 1867 ìsch’r àui Mìtglìed vu dr Repüblikànischa Pàrtäi worra.

Dr Whitmore ìsch Mìtglìed gsìì vu dr Verfàssungsversàmmlung vu Texas vu 1868/1869 un ìsch àui dr Vorsìtzenda gsìì vu dara Versàmmlung. Üsserdam ìsch’r ìm Àuigscht 1868 dr Vorsìtzenda gsìì vu dr Versàmmlung vu da Ràdikàla Republikàner.

Àb em 30. März 1870 ìsch dr Whitmore repüblikànischer Mìtglìed gsìì vum àmerikànischa Represantàntahüss fìr dr ärschta Wàhlbezirk vum Texas. Noh sim Nìderlaag àn dr Kongresswàhl vu 1870 gega dr Demokàter William S. Herndon hàt ar s' Repräsantàntahüs àm 3. März 1871 müassa fàraloh. Dernoh hàt ar nochamàl àls Ànwàlt gschàfft un ìsch àktiver Mìtglied vu dr Republikànischa Pàrtäi ìm Texas blìewa.

Dr Whitmore ìsch àm 14. Oktober 1876 z’ Tyler ìn Texas gstorwa. Doo ìsch’r àui beardigt worra.

Literàtür

• Randolph B. Campbell: Whitmore, George Washington (1824–1876). In: Handbook of Texas Online. Texas State Historical Association (englisch, tshaonline.org [abgerufen am 29. November 2020]). 
• Randolph B. Campbell: George W. Whitmore: East Texas Unionist. In: East Texas Historical Journal. Band 28, Nr. 1, 1990, Kap. 6 (englisch, sfasu.edu). 

Externa Links

• George W. Whitmore im Biographical Directory of the United States Congress
• George Whitmore ìm Legislative Reference Library vu Texas

• George W. Whitmore in dr Datebank vu Find a Grave