George W. Smyth
| Dialäkt: Mìlhüüserdiitsch |
Dr George Washington Smyth (* 16. Mai 1803 ìm North Carolina; † 21. Hornung 1866 z’ Austin, Texas) ìsch a Politiker vum Texas gsìì. Ar ìsch Mìtunterzaichner gsìì vu dr Unàbhangigkaitsärklärung vun Texas, un schpeeter vu 1853 bis 1855 àmerikànischer Represantànt fìr dr Bundesschtààt Texas gsìì.
si Lawa un sina Kàrriar
[ändere | Quälltäxt bearbeite]Dr George Washington Smyth ìsch àm 16. Mai 1803 ìm North Carolina uf d' Walt kumma. Ufgwàchsa ìsch’r ìm Alabama un z’ Murfreesboro ìm Tennessee. Ar hàt ànna 1831 a Hochschüalàbschluss vu dr Princeton University bikumma. Dernoh hàt’r ìn d’ mexikànischa Provìnz Texas gwàndelt, ìns hìttiga Jasper County. Doo ìsch’r Làndwìrt un Investor gsìì.
Ìn sina ärschta Johra ìm Texas ìsch’r vu dr mexikànischa Regiarung unteràndrem àls Faldmasser ernannt worra. Ànna 1835 ìsch’r Biigordneter gsìì àn dr Consultation vum Texas, wo sìch d’ provisorischa Regiarung vum Texas gbìldet hàt. Ànna 1836 ìsch’r Mìtglìed gsìì vu dr Texas-Versàmmlung, wo d’ Unàbhangigkait vum Texas ärklärt hàt. Dr Smyth hàt d’ Verfàssung vu dr Republik Texas unterzaichnet. Ar ìsch Mìtglìed gsìì vu dr texànischa Regiarung, àls Kommissär fìr d’ texànisch-àmerikànischa Granza. Ànna 1844 isch’r Mìtglìed gsìì vum Represantàntahüss vu dr Republik Texas. Doo hàt’r d’ Ànnexion unterschtìtzt. Dernoh hàt’r àm Uffsàtz vu dr näija Verfàssung vum Bundesschtààt Texas tailgnumma.
Àb März 1848 ìsch dr Smyth wahrend viar Johra Beufftràgter vum „General Land Office“ gsìì. Üsserdam hàt’r àls demokràtischer Mìtglìed vum Electoral College àn dr Presidantswàhl vu 1852 fìr dr Franklin Pierce gwählt. Vum 4. März 1853 bis àm 3. März 1855 hàt’r dr ärschta Wàhlbezirk vum Texas vertratta ìm Represantàntahüss vu da Verainigta Stààta, ìm 33. Kongress. Ar hàt àwer àn dr Wàhl vu 1855 nìt mìtgmàcht. Obwhohl ar 28 Sklàva uf sim Làndwìrtschàftsbetriib ghàà hàt, ìsch’r wahrem Sezessionskriag gega d’ Sezession gsìì. Sina Sehna han àwer ìm Konfederiarta Heer gekampft. Noh-n-em Kriag ìsch dr Smyth ànna 1866 Biigordneter gsìì vum texànischa Verfàssungskongress z’ Austin.
Dr George Smyth ìsch wahrend’ra Sìtzung vu dam Kongress gschtorwa, àm 21. Hornung 1866. Beardigt worra ìsch’r uf em Texas State Cemetery z’ Austin.
Dr George Smyth hàt mìt sinera Ehafràui Frances M. Grigsby sewana Kìnder ghàà.
Literàtür
[ändere | Quälltäxt bearbeite]- Joseph L. Price: Smyth, George Washington. In: William S. Powell (Hrsg.): Dictionary of North Carolina Biography. 1994 (englisch, ncpedia.org [abgerufen am 27. November 2020]).
- Robert Wooster: Smyth, George Washington (1803–1866). In: Handbook of Texas. Texas State Historical Association (englisch, tshaonline.org [abgerufen am 27. November 2020]).
Externa Links
[ändere | Quälltäxt bearbeite]- George W. Smyth im Biographical Directory of the United States Congress
- George W. Smyth in dr Datebank vu Find a Grave
- George Washington Smyth, Texas State Cemetery (änglisch)
- George Washington Smyth, Texas State Library (änglisch)
