Clark W. Thompson

Dr Clark W. Thompson ànna 1965

Dialäkt: Mìlhüüserdiitsch

Dr Clark Wallace Thompson (* 6. Àuigscht 1896 z’ La Crosse, Wisconsin; † 16. Dezamber 1981 z’ Galveston, Texàs) ìsch a àmerikànischer Politiker gsìì. Ar hàt zwaimol dr Bundesschtààt Texàs ìm Represantàntahüüs vu da Verainigta Schtààta vertratta: z’äärscht vu 1933 bis 1935 un drnooh vu 1947 bis 1966.

sii Laawa un Kàrriar

Dr Clark Wallace Thompson ìsch ànna 1896 z’ La Crosse ìm Wäschta vum Bundesschtààt Wisconsin uff d’ Walt kumma. Ànna 1901 hàt siina Fàmìlia uff Cascade Locks ìm Oregon gwàndelt. Därt ìsch dr Thompson ìn d’ äffentliga Schüala gànga. Gschtudiart hàt’r vu 1915 bis 1917 àn dr Üniwärsitäät vum Oregon z’ Eugene. Noh-n-em Üüssbruch vum Äärschta Waltkriag hàt sìch dr Thompson ìn dr US-Seemàcht verpflìchtet. Därt hàt’r zwìscha 1917 bis 1918 diant. Doo druff ìsch’r vu 1918 vu 1940 Resärwìscht ìm Màriinakorps gsìì un hàt naawadràà ìm Versìcherungsgschaft gschàfft.

Àls Demokràt ìsch dr Thompson ìn dr 73. Kongrass gwählt worra, fìr Noohfolger vum gschtoorwana Àbgoordneta Clay Stone Briggs wara. Ìm Represantàntahüüs z’ Washington, D.C. hàt’r àlso dr sìebta Wàhlbezirk vum Texàs vertratta. Siina Àmtszitt ìsch vum 24. Jüüni 1933 bis àm 3. Jüüni 1935 gsìì. Ànna 1934 hàt’r sìch nìt fìr a Wìderwàhl uffgschtällt. Noh-n-em And vu siinera Àmtszitt hàt’r siina Taatigkait àls äffentliger Prassaberooter wìeder uffgnumma. Ànna 1936 ìsch’r àls Delegiart’r ìn dr Demokrààtischa Versàmmlung vum Texàs gwählt worra.

Wu d’ Verainigta bschlossa hann, àm Zwaita Waltkriag mìtz’màcha, hàt dr Thompson wìeder bis 1946 ìm Màriinakorps diant. Noh-n-em Kriag ìsch dr Thompson ìn dr 80. Kongrass gwählt worra, fìr ìm gschtoorwana-n-Àbgoordneta Joseph J. Mansfield noohfolga. Àb’m 23. Àuigscht 1947 hàt’r àlso ìm Represantàntahüüs dr niinta Wàhlbezirk vum Texàs vertratta. Ar ìsch niinmol wìedergwählt worra un ìsch bis züa siim Rucktrìtt àm 30. Dezamber 1966 ìm Kongrass blìewa. Ìn siinera Àmtszitt hàt’r verwaigert, s’ Süüdliga Manifescht z’ unterzaichna, wo sìch geega d’ Ràssa-n-integràzioon àn äffentliga-n-Iirìchtunga-n-üüssgschproocha hàt. Ànna 1966 hàt’r sìch nìt fìr a Wìederwàhl uffgschtällt un hàt witter àls Prassaberooter gschàfft.

Dr Clark Thompson ìsch àm 16. Dezamber 1981 z’ Galveston ìm Süüdoschta vum Texàs gschtoorwa. Beardigt worra-n-ìsch’r uff’m Memorial Park-Frììdhoof z’ Hitchcock bii Galveston. Dr Thompson hàt ànna 1918 d’ Libbie Moody ghiiroota ghàà. Mìt ìhra hàt’r zwai Kìnder ghàà: d’ Libbie un dr Clark Wallace, Jr. Ar ìsch Fräimüürer, Mìtglìed vum Oorda vu da Shriners so wia vu dr Epischopààlkìrìch gsìì.

Lìteràtüür

• Patrick H. Butler III: Thompson, Clark Wallace. In: The Handbook of Texas. Texas State Historical Association, 1. Juli 1995 (amerikanisches Englisch, tshaonline.org [abgerufen am 4. August 2022]). 
• Clark Wallace Thompson. In: Representing Texas. CreateSpace Independent Publishing Platform, 2007, ISBN 978-1-4196-7884-4, S. 149 (amerikanisches Englisch, google.fr [abgerufen am 4. August 2022]). 

Weblìnks

• Clark W. Thompson im Biographical Directory of the United States Congress

• Clark W. Thompson in dr Datebank vu Find a Grave