Chaumuzy
| Chaumuzy | ||
|---|---|---|
|
| |
| Region | Grand Est | |
| Département | Marne | |
| Arrondissement | Reims | |
| Kanton | Dormans-Paysages de Champagne | |
| Kommünàlverbànd | Grand Reims | |
| Koordinàte | 49° 11′ N, 3° 52′ O | |
| Heche | 111–264 m | |
| Flech | 19,94 km2 | |
| Iiwohner | 376 (1. Jänner 2020) | |
| Bevelkerungsdicht | 19 Iiw./km2 | |
| Code Postal | 51170 | |
| INSEE-Code | 51140 | |
| Dialäkt: Mìlhüüserdiitsch |
Chaumuzy 
[ʃomyzi](info) ìsch a frànzeescha G’mainda mìt 376 Iiwoohner (Schtànd: 1. Januar 2020) ìm Département Marne ìn dr Regioon Grand Est (vor 2016: Champagne-Ardenne). Sa g’heert zem Arrondissement Reims un zem Kàntoon Dormans-Paysages de Champagne. D’ Iiwoohner nännt m’r Chaumuziennes [ʃomyzjɛn](info) (fìr d’ Fràuija) un Chaumuziens [ʃomyzjɛ̃](info) (fìr d’ Manner).[1]
dr Dorfnàmma
[ändere | Quälltäxt bearbeite]D’ Ortschàft ìsch ìm schpeetera 6. Joohrhundert unter’m làtiinischa Nàmma Calmiciacus ìn’ra Urkunda-n-ärwäähnt worra. Um 1222 ìsch s’ Dorf mìt’m àltfrànzeescha Nàmma Chaumusi g’nännt gsìì.[2]
wu ’s lììgt
[ändere | Quälltäxt bearbeite]
Chaumuzy lììgt äbba 15 Kilomeeter süüdwäschtlig vu Reims àn dr Ardre. Umgaa wìrd Chaumuzy vu da Nochberg’mainda Bligny ìm Norda, Bouilly un Courmas ìm Nordoschta, Marfaux ìm Oschta, Pourcy ìm Oschta un Süüdoschta, Nanteuil-la-Forêt ìm Süüdoschta, Fleury-la-Rivière ìm Süüda, Belval-sous-Châtillon ìm Süüdwäschta, La Neuville-aux-Larris un Champlat-et-Boujacourt ìm Wäschta so wia Romigny ìm Wäschta.[3]
wia d’ Beveelkerung äntwìckelt hàt
[ändere | Quälltäxt bearbeite]| Joohr | 1962 | 1968 | 1975 | 1982 | 1990 | 1999 | 2006 | 2018 |
| Iiwoohner | 352 | 345 | 311 | 332 | 327 | 315 | 314 | 387 |
| Kwalla: Cassini un INSEE | ||||||||
d’ Dorfkìrìch
[ändere | Quälltäxt bearbeite]Z’ Chaumuzy gìtt’s d’ reemisch-kàthoolischa Pfàrrkìrìch Saint-Cancien üss’m 13. Joohrhundert, wo-n-ìhra Müüra mìt Kàlkschtai bàuija sìnn. Sa ìsch ànna 1863 vum Àrkitäckt Pagy vollschtandig räschtoriart worra. Ìm Äärschta Waltkriag ìsch d’ Kìrìch schwaar b’schaadigt worra. Maa hàt sììe d’rnooh àbg’rìssa, fìr sììe wììder uffbàuija — s’ näija Gebäi hàt dr Àrkitäckt J. Audouard ànna 1920 zaichent.[4] Ìn dr Kìrìch sìnn a Hüüfa-n-Objakta bii da Histoorischa Dankmooler klàssifiziart, wo-n-a nàzionààla Bediitung hann: s’ fàrwiga Holzkrüzifix vum 17. Joohrhundert,[5] d’ Schtaischtàtüüta vu dr Màdonna mìt’m Jesüskìnd vum 14. Joohrhundert,[6] d’ Schtaischtàtüüta vum hl. Johànnis em Taifer üss’m 16. Joohrhundert,[7] dr holziga Zelebràntaschtüahl vum 18. Joohrhundert ìm Schtiil vum Keenig Ludwig XV.,[8] a romàànischer Schtairelief vum 12. Joohrhundert[9] so wia s’ G’mäld vum Hailiga-n-Oowa-n-assa üss’m 19. Joohrhundert.[10] Üsserdam ìsch d’ Holzkànzla-n-üss’m 20. Joohrhundert àls Objakt bii da Histoorischa Dankmooler iig’schtuuft, wo-n-a regionààla Bediitung hann.[11] Zallamols ìsch àui d’ Schtaischtàtüüta vu’ma unbekànnta Hailiga bii da Histoorischa Dankmooler mìt’ra nàzionààla Bediitung klàssifiziart gsìì, àwwer sa ìsch ànna 1959 àbg’schtuuft worra.[12]
-
d’ Schààda àn dr Nordfàssààda vu dr Dorfkìrìch ìm Äärschta Waltkriag ànna 1914 -
d’ Kìrìch, wia sa hìtt üsssììht (ànna 2018)
.jpg)
Wìrtschàft
[ändere | Quälltäxt bearbeite]D’ Gmainda Chaumuzy lììgt ìm Wiibàuigebiat Champagne.[13] Ìm G’maindagebiat sìnn ìnsg’sàmt 82,5 ha mìt Raabgàrta gepflànzt, d’runter 75,4 ha mìt dr Raabsorta Pinot Meunier, 3,3 ha mìt dr Sorta Pinot Noir un 3,8 ha mìt Chardonnay (Schtànd: 2024).[14]
wìchtiga Litt üss’m Dorf
[ändere | Quälltäxt bearbeite]- dr Jean Simon Pierre Pinon (1743-1816), frànzeescher Àrmeegenrààl àn dr Zitt vu dr Revolüzioon un vum Kaiser Napoleon I., ìsch z’ Chaumuzy uff d’ Walt kumma un z’ Pàriis g’schtoorwa.[15]
Lüag àui
[ändere | Quälltäxt bearbeite]Weblìnks
[ändere | Quälltäxt bearbeite]
Commons: Chaumuzy – Sammlig vo Multimediadateie- Schtàtistik züa dr Gmainda Chaumuzy biim INSEE (frànzeesch)
Ainzelnoohwiisa
[ändere | Quälltäxt bearbeite]- ↑ Chaumuzy. In: habitants.fr. Patagos, archiviert vom Original am 4. Juni 2023; abgruefen am 2. Januar 2025 (französisch).
- ↑ Ernest Nègre: Toponymie générale de la France : formations pré-celtiques, celtiques, romanes. Droz, Gämf 1990, S. 451 (französisch).
- ↑ Dia Informàzioona sìnn üss’m Àrtìkel Chaumuzy ìn dr hoochdiitscha Wikipedia ìwwernumma worra.
- ↑ Église paroissiale Saint-Cancien de Chaumuzy. Région Grand Est. Service Inventaire et Patrimoines, abgruefen am 2. Januar 2025 (französisch).
- ↑ statue : Christ en croix ìn dr Base Palissy vum frànzeescha Kültüürminìschterium (frànzeesch)
- ↑ statue : Vierge ìn dr Base Palissy vum frànzeescha Kültüürminìschterium (frànzeesch)
- ↑ statue : Saint Jean-Baptiste ìn dr Base Palissy vum frànzeescha Kültüürminìschterium (frànzeesch)
- ↑ fauteuil de célébrant style Louis XV ìn dr Base Palissy vum frànzeescha Kültüürminìschterium (frànzeesch)
- ↑ bas-relief style roman ìn dr Base Palissy vum frànzeescha Kültüürminìschterium (frànzeesch)
- ↑ tableau : la Cène ìn dr Base Palissy vum frànzeescha Kültüürminìschterium (frànzeesch)
- ↑ Chaire à prêcher ìn dr Base Palissy vum frànzeescha Kültüürminìschterium (frànzeesch)
- ↑ statue : Saint ìn dr Base Palissy vum frànzeescha Kültüürminìschterium (frànzeesch)
- ↑ Aire géographique Champagne blanc. In: Guide des vins et des vignes de France. Archiviert vom Original am 8. Dezember 2024; abgruefen am 9. Mai 2024 (französisch).
- ↑ Chaumuzy. Union des Maisons de Champagne, archiviert vom Original am 12. August 2024; abgruefen am 15. Dezember 2024 (französisch).
- ↑ Dia Informàzioona sìnn üss’m Àrtìkel Chaumuzy ìn dr frànzeescha Wikipedia ìwwernumma worra.