Pouillon (Marne)

Pouillon
Pouillon (Frankreich) Pouillon
Region	Grand Est
Département	Marne
Arrondissement	Reims
Kanton	Bourgogne-Fresne
Kommünàlverbànd	Grand Reims
Koordinàte	49° 19′ N, 3° 57′ O49.3153.9486111111111
Heche	111–194 m
Flech	7,15 km2
Iiwohner	505 (1. Jänner 2020)
Bevelkerungsdicht	71 Iiw./km2
Code Postal	51220
INSEE-Code	51444
Website	pouillon51.fr

Dialäkt: Mìlhüüserdiitsch

Pouillon [pujɔ̃] ìsch a frànzeescha G’mainda mìt 505 Iiwoohner (Schtànd: 1. Januar 2020) ìm Département Marne ìn dr Regioon Grand Est. Sa g’heert zem Arrondissement Reims un ìsch Mìtglììd ìm G’maindaverbànd Grand Reims. D’ Iiwoohner nännt m’r Pouillonnaises [pujɔ̃nɛz] (fìr d’ Fràuija) un Pouillonnais [pujɔ̃nɛ] (fìr d’ Manner) uff Frànzeesch.

dr Dorfnàmma

Ìm Làuif vu dr G’schìcht hàt sìch dr Dorfnàmma asoo uff Làtiinisch un Àltfrànzeesch äntwìckelt:

• Villa Pullionis (um 850)
• Pullio (ànna 1126)
• Puillio (ànna 1148)
• Puilun (ànna 1150)
• Poillon (ànna 1234)
• Puillon (ànna 1240)
• Pouillonum (ànna 1460)

wu ’s lììgt

Pouillon lììgt äbba 8,5 Kilomeeter nordwäschtlig vu Reims ìm Norda vu dr histoorischa Prowìnz Champagne. Uff’m G’maindagebiat ìsch kää Fluss z’ fìnda. S’ Zäntrum lììgt uff’ra Heecha vun äbba 145 Meeter. Ìm Wäschta ìsch schtaigt s’ G’land bis uff 194 Meeter — doo ìsch zallamols dr ehamooliga Fort Saint-Thierry gsìì.

S’ Gebiat vu Pouillon g’heert zem Tail zem Natura 2000-Schutzgebiat „Marais et pelouses du tertiaire au nord de Reims“ (FR2100274) un züa dr ZNIEFF-Nàtüürzoona „Pelouses du Fort de Saint-Thierry, de Chenay et de Merfy“ (210009861). Äbba 52 % vu dr G’maindaflächa sìnn b’wàlda, b’sunderscht ìm Wäschta vu dr G’mainda. Äbba 40 Prozant waara fìr d’ Làndwìrtschàft b’nutzt, un äbba 9 % sìnn bàuija.

Umgaa wìrd Pouillon vu da Noochberg’mainda Hermonville ìm Noorda un Nordwäschta, Villers-Franqueux ìm Norda, Thil ìm Oschta, Saint-Thierry ìm Oschta un Süüdoschta, Merfy ìm Süüda un Wäschta so wia Chenay ìm Süüdwäschta un Wäschta.

wia d’ Beveelkerung äntwìckelt hàt

Joohr	1962	1968	1975	1982	1990	1999	2006	2013	2020
Iiwoohner	313	305	392	458	446	467	459	489	505
Kwalla: Cassini un INSEE

wàs doo z’ sah ìsch

• d’ reemisch-kàthoolischa Haimsüachungskìrìch (Notre-Dame-de-la-Visitation) üss’m 17. Joohrhundert. Doo drìnn sìnn Relikwia vum hl. Gorgonius vu Rom z’ fìnda. Ìn dr Kìrìch sìnn s’ G’mäld „Mària Hìmmelfàhrt“ vum 18. Joohrhundert so wia dr Relikwiaschriin vum hl. Gorgonius üss vergulda Holz vum 19. Joohrhundert bii da Histoorischa Dankmooler iitrajt, wo-n-a regionààla Bediitung hann.
• d’ Raschtla vum friahjera Fort de Saint-Thierry, wo zwìscha 1877 un 1880 bàuija worra-n-ìsch. Sa waara hìtt vu’ma Verain pflaagt. M’r kààt’na manckmool b’sìchtiga. Ìm Jüüli 2023 hann unbekànnta Litt d’ Schtätta b’schaadigt.
• üsserdam hàt d’ G’mainda ànna 2023 d’ Üsszaichnung „Zwai Bliama“ bikumma, ìm Rààhma vum joohrliga Wättb’warb vu da „Schtädt un Därfer, wo mìt Bliama ziart sìnn“.

• 
  d’ Haimsüachungskìrìch mìt’m Kriagerdankmool vornadràà
• 
  ìm Kìrchaschìff
• 
  dr Choor, wia-n-’r hìtt üsssììht (ànna 2016)
• 
  dr Gorgoniusàltààr
• 
  d’ Schtàtüüta vum hl. Gorgonius
• 
  dr Kànzel
• 
  dr Tàuifbäcka
• 
  wàs hìtt vum friahjera Fort de Saint-Thierry z’ sah blibbt
• 
  àm Fort de Saint-Thierry
• 
  àm Fort de Saint-Thierry
• 
  s’ Bìrgermaischteràmt

Wìrtschàft

D’ Gmainda Pouillonlììgt ìm Wiibàuigebiat Champagne.

Verkeehr

A Büsliinia vu dr Transportg’sällschàft Champagne Mobilités verbìndet d’ G’mainda mìt Cormicy un Reims.

wìchtiga Litt üss’m Dorf

• dr Pàter Arthur Haudecoeur ìsch ànna 1914 Pfàrrer z’ Pouillon gsìì. Ar ìsch àm 20. März 1859 z’ Louvergny (Ardenna-Département) uff d’ Walt kumma un ìsch noh dr Bùmbàrdiarung vum Dorf àm 4. Septamber 1915 àm Hoschpiz z’ Avize g’schtoorwa. Fìr em loowa hàt dr Paul Verlet a Gedìcht g’schrììwa, wo Le vieux curé („dr àlta Pfàrrer“) haisst.
• d’ Wälorännfààhrera Pauline Ferrand-Prévot (* 1992) schtàmmt üss Pouillon. Bii da Olìmpischa Schpììler z’ Pàriis ànna 2024 hàt sa a Guldmedààlia bikumma.

Lüag àui

• Lischta vu da Gmainda ìm Département Marne

Lìteràtüür zem Dorf

• Véronique Villié: Les cimetières militaires provisoires de Pouillon pendant la première guerre mondiale. In: Entre Deux Terroirs, pages d’histoire du massif de Saint-Thierry. Nr. 5, September 1999, S. 19–23 (französisch). 
• Maurice Jonot: Le culte de saint Gorgon à Pouillon. In: Entre deux terroirs, pages d'histoire du massif de Saint-Thierry. Nr. 38, März 2005, S. 8–9 (französisch). 
• Marice Jonot: L’église de Pouillon. In: Entre Deux Terroirs, pages d'histoire du massif de Saint-Thierry. Nr. 39, Mai 2005, S. 17–24 (französisch). 
• Dominique Charret: Un village autrefois : Pouillon dans les années 1920-1930. In: Entre deux terroirs, pages d'histoire du massif de Saint-Thierry. Nr. 66, Oktober 2010, S. 24–30 (französisch). 
• Dominique Charret: Le Parc de Pouillon. In: Entre deux terroirs, pages d'histoire du massif de Saint-Thierry. Nr. 95, April 2018, S. 30–36 (französisch). 
• Dominique Charret: Pouillon, un personnage haut en couleur : Jacques Arthur Prévoteau. In: Entre Deux Terroirs, pages d’histoire du massif de Saint-Thierry. Nr. 109, Oktober 2021, S. 33–36 (französisch). 
• William Donato: Le fort de Saint-Thierry et son association. In: Entre Deux Terroirs, pages d'histoire du massif de Saint-Thierry. Nr. 117, Oktober 2023, S. 6–9 (französisch). 

Weblìnks

 Commons: Pouillon (Marne) – Sammlig vo Multimediadateie

• Websitta vu dr G’maindaverwàltung (frànzeesch)
• Schtàtistik züa dr Gmainda Pouillon biim INSEE (frànzeesch)
• Pouillon uff dr Online-Kàrta Géoportail (frànzeesch)