Pontfaverger-Moronvilliers

Pontfaverger-Moronvilliers
	Pontfaverger-Moronvilliers (Frankreich) Pontfaverger-Moronvilliers
Region	Grand Est
Département	Marne
Arrondissement	Reims
Kanton	Mourmelon-Vesle et Monts de Champagne
Kommünàlverbànd	Grand Reims
Koordinàte	49° 18′ N, 4° 19′ O49.29754.3202777777778
Heche	89–240 m
Flech	31,52 km2
Iiwohner	1.739 (1. Jänner 2020)
Bevelkerungsdicht	55 Iiw./km2
Code Postal	51490
INSEE-Code	51440

Dialäkt: Mìlhüüserdiitsch

Pontfaverger-Moronvilliers [pɔ̃favɛʁʒe mɔʁɔ̃vilje] ìsch a frànzeescha Gmainda mìt 1.739 Iiwoohner (Schtànd: 1. Januar 2020) ìm Département Marne ìn dr Region Grand Est. D’ Gmainda gheert zem Arrondissement Reims un zem Kàntoon Mourmelon-Vesle et Monts de Champagne. D’ Iiwoohner nänna m’r Pontfabriciennes [pɔ̃fabʁisjɛn] (fìr d’ Fràuija) un [pɔ̃fabʁisjɛ̃] (fìr d’ Manner).

wu ’s lììgt

Pontfaverger-Moronvilliers lììgt äbba 17 Kilomeeter oscht-nordeeschtlig vu Reims àn dr Suippe. Umgaa wìrd Pontfaverger-Moronvilliers vu da Nochbergmainda Aussonce ìm Norda, Bétheniville ìm Oschta, Saint-Hilaire-le-Petit ìm Oschta un Süüdoschta, Saint-Martin-l’Heureux ìm Süüdoschta, Prosnes ìm Süüda, Beine-Nauroy ìm Süüdwäschta so wia Selles ìm Wäschta.

G’schìcht

Moronvilliers ìsch ìm Äärschta Waltkriag vollschtandig zärschteert worra. Ìm Oktoower 1915 hann d’ diitscha Truppa doo Gìftgààs iig’sätzt.

wia d’ Beväälkerung äntwìckelt hàt

Joohr	1962	1968	1975	1982	1990	1999	2006	2018
Iiwoohner	1221	1374	1437	1390	1397	1376	1519	1751
Kwalla: Cassini un INSEE

wàs doo z’ sah ìsch

• d’ reemisch-kàthoolischa Liawafràuikìrìch (église Notre-Dame) z’ Pontfaverger ìsch ìm Schtiil Art déco bàuija worra. D’ 14 Glààsfanschter mìt’m Kriizwaag druff, wo dr Elsasser Jacques Grüber ànna 1924/25 g’moolt hàt, sìnn àls Histoorisch Dankmol vu nàzionààler Bediitung klàssifiziart; Àui dr Tàuifäcka so wia d’ Schtaischtàtüüta vu dr Jumpfra Mària-n-üss’m 16. Joohrhundert sìnn àls Histoorischa Dankmooler vu nàzionààler Bediitung iig’schtuuft. Dr Holzkrüzifix üss’m 16. Joohrhundert ìsch àls Histoorisch Dankmool vu regionààler Bediitung iig’schtuuft.
• a Kriagsdankmool fìr d’ Soldààta vum Diitsch-Frànzeescha Kriag eehra
• a Kriagsdankmool fìr d’ Soldààta vum Äärschta Waltkriag. Uff dr Vorsitta-n-ìsch a Bronzaschtàtüüta vu’ma g’schtoorwana Soldààt, wo vu’ma Laichatüach g’däckt ìsch. D’ Schtàtüüta hàt dr Bìldhàuijer Jules Visseaux üss Carignan g’màcht. S’ Dankmool ìsch àm 19. Àwrìl 1925 iig’wäijt worra.
• a diitscher Soldààtafrììdhoof vum Äärschta Waltkriag. Ar ìsch ànna 1915 ärschtällt worra. Doo sìnn 1613 Soldààta beardigt; bii dana sìnn 121 unbekànnta Soldààta.

• 
  d’ Suippe z’ Pontfaverger-Moronvilliers
• 
  dr Dorfplàtz mìt dr Liawafràuikìrìch un em Roothüüs
• 
  d’ Süüdfàssààda vu dr Liawafràuikìrìch
• 
  s’ Kriagsdankmool vu dr Diitsch-Frànzeescha Kriag
• 
  s’ Kriagsdankmool vum Äärschta Waltkriag
• 
  dr Iigàng vum diitscha Soldààtafrììdhoof
• 
  uff’m diitscha Soldààtafrììdhoof

Lüag àui

• Lischta vu da Gmainda ìm Département Marne

Lìteràtüür

• Gabriel Lhote: Pontfaverger de 1900 à 2006. Hrsg.: Gmaindaverwàltung Pontfaverger-Moronvilliers. 2007, ISBN 978-2-7466-0120-8 (französisch, 134 S., Iigschränkti Vorschau uf books.google.de). 
• Charles Nicol: Étude historique sur Pontfaverger et les communes environnantes. Impr. de l’Indépendant Rémois, 1895, OCLC 249834189 (französisch, 373 S., Iigschränkti Vorschau uf books.google.de). 

Weblìnks

 Commons: Pontfaverger-Moronvilliers – Sammlig vo Multimediadateie

• Offiziälla Websitta vu dr Gmaindaverwàltung (frànzeesch)
• Schtàtistik ìwwer d’ Gmainda Pontfaverger-Moronvilliers biim INSEE (frànzeesch)
• Schtàtistik ìwwer d’ Gmainda Pontfaverger bii data.gouv.fr (frànzeesch)
• Informàzioona ìwwer d’ Gmainda Pontfaverger-Moronvilliers bii LdH/Cassini/INSEE (frànzeesch)