Aubérive

Aubérive
	Aubérive (Frankreich) Aubérive
Region	Grand Est
Département	Marne
Arrondissement	Reims
Kanton	Mourmelon-Vesle et Monts de Champagne
Kommünàlverbànd	Grand Reims
Koordinàte	49° 12′ N, 4° 25′ O49.2054.4172222222222
Heche	109–161 m
Flech	27,50 km2
Iiwohner	253 (1. Jänner 2020)
Bevelkerungsdicht	9 Iiw./km2
Code Postal	51600
INSEE-Code	51019

Dialäkt: Mìlhüüserdiitsch

Aubérive [obeʁiv] ìsch a frànzeescha Gmainda mìt 253 Iiwoohner (Schtànd: 1. Januar 2020) ìm Département Marne ìn dr Regioon Grand Est (vor 2016: Champagne-Ardenne). Sa gheert zem Arrondissement Reims un zem Kàntoon Mourmelon-Vesle et Monts de Champagne. D’ Iiwoohner nännt m’r Aubérivoises [obeʁivwaz] (fìr d’ Fràuija) un Aubérivois [obeʁivwa] (fìr d’ Manner).

wu ’s lììgt

Aubérive lììgt ìn dr trockana Champagne, äbba 28 Kilomeeter oscht-süüdeeschtlig vum Schtàdtzäntrum vu Reims àn dr Suippe, unwitt vu dr Granz zem Département Ardennes. Umgaa wìrd Aubérive vu da Nochbergmainda Aussonce ìm Norda un Nordwächta, La Neuville-en-Tourne-à-Fuy ìm Norda un Nordoschta, Hauviné ìm Oschta un Nordoschta, Saint-Clément-à-Arnes ìm Oschta, Saint-Hilaire-le-Petit ìm Süüda un Süüdoschta so wia Pontfaverger-Moronvilliers ìm Wäschta.

wia d’ Beväälkerung äntwìckelt hàt

Joohr	1962	1968	1975	1982	1990	1999	2006	2012	2018
Iiwoohner	205	203	175	156	157	182	194	226	245
KWalla: Cassini un INSEE

wàs doo z’ sah ìsch

• d’ reemisch-kàthoolischa Petruskìrìch. Ìn dr Kìrìch ìsch dr Tàuibäcka-n-üss’m 12. Joohrhundert àls Objakt bii da Histoorischa Dankmooler vu nàzionààler Bediitung klàssifiziart. Üsserdam sìnn d’ Schtaischtàtüüta vum hl. Fiacrius üss’m 18. Joohrhundert un dr Grààbschtai vum Jean Ancelet (1713) bii da Histoorischa Dankmooler vu regionààler Bediitung iitrajt. Zallamols sìnn àui dr Grundschtai vu dr Kìrìch un d’ Glocka-n-üss’m Joohr 1728 àls Histoorischa Dankmooler vu nàzionààler Bediitung klàssifiziart gsìì. Sa sìnn ìm Äärschta Waltkriag ànna 1915 zärschteert worra. Ànna 2022 ìsch d’ Kìrìch ärfrìscht worra.

• 
  d’ Petruskìrìch
• 
  d’ zärschteerta Petruskìrìch ìm Jüüli 1915
• 
  s’ Kìrchaìnnera ìm Jüüli 1915

• dr frànzeescha Nàzionààlfrììdhoof uff äbba 32,5 Hektààra-n-àm Ortsnàmma Le Bois du Puits („Brunnawàld“) ìsch offiziäll ànna 1920 ärschtällt un zwìscha 1923 un 1926 ààglajt worra. Doo sìnn äbba 6.424 frànzeescha Soldààta üss’m Äärschta Waltkriag beardigt, wo bii da Schlàchta ìn dr Champagne ums Laawa kumma sìnn. Ìm Frììdhoof sìnn krìschtliga un mosläämischa Grääwer z’ fìnda; Üsserdam lììga 2.908 Soldààta ìn Gebainerhiiser. Àm 18. Oktoower 2018 ìsch uff’m Nàzionààlfrììdhoof a Dankmool ze’ma Reschimant vu dr Främdalegioon iigwäijt worra, fìr d’ Soldààta-n-eehra, wo ànna 1917 bii dr Befräijung vun Aubérive g’schtoorwa sìnn. Naawa-n-em frànzeescha Nàzionààlfrììdhoof ìsch a Frììdhoof mìt äbba 5.359 Grääwer vu diitscha Soldààta — doo sìnn krìschtliga un jìddischa Grääwer z’ fìnda, wia àui 3.124 Soldààta ìn’ma groossa Gebainerhüüs. Üsserdam gìtt’s àui a frììdhoof mìt da Grääwer vu 129 polnischa Soldààta üss’m Äärschta Waltkriag un 256 Soldààta üss’m Zwaita Waltkriag. Doo ìsch ànna 1954 a Kriagerdankmool ärrìchta worra, fìr d’ polnischa Soldààta vum Äärschta Waltkriag eehra. Jeedsjoohr fìndet àm 11. Nowamber a frànzeescha Zeremonii un ìm Summer a polnischa Zeremonii mìt’ma hailiga Mass schtàtt. Zitter 2023 ìsch dr Frììdhoofkùmpläx biim Waltkültüüräärwa-n-iitrajt, zamma mìt 139 àndra Soldààtafrììdheef ìn Frànkrììch un Belgia.

• 
  Iigàng vum frànzeescha Nàzionààlfrììdhoof — hìnterdràà ìsch dr diitscha Dankmool z’ sah
• 
  àm Iigàng vum frànzeescha Nàzionààlfrììdhoof
• 
  uff’m frànzeescha Nàzionààlfrììdhoof
• 
  a krìschtliga un moslämischa Grààb uff’m frànzeescha Nàzionààlfrììdhoof
• 
  s’ Gebainerhüüs Nr. 1
• 
  s’ Gebainerhüüs Nr. 2
• 
  s’ Gebainerhüüs Nr. 3
• 
  Grääwer uff’m diitscha Frììdhoof
• 
  jìddisch un krìschtliga Grääwer uff’m diitscha Frììdhoof
• 
  s’ diitscha Dankmool
• 
  dr Iigàng vum polnischa Frììdhoof
• 
  polnischa Grääwer
• 
  s’ polnischa Dankmool
• 
  a zwait polnisch Kriagerdankmool

• s’ Dankmol zem 103. Infàntriireschimant lììgt àn dr Iifàhrt vum Dorf un eehrt d’ Soldààta, wo ìm Septamber un Oktoower 1915 s’ Dorf Aubérive b’fäijt hann. ’S wìrd àui „Polignac-Dankmool“ gnännt, fìr dr Kàpitään-Prìnz Henri de Polignac eehra, wo ìn dr Schlàcht ums Laawa kumma-n-ìsch. S’ Dankmol ìsch vum Verain Souvenir Français ärrìchta un àm 25. Septamber 1922 vum Kàrdinààl Louis-Joseph Luçon iigwäjt worra. ’S b’schteht üss Grànit mìt’ma Kriagskriiz druff.
• dr Vauthier-Schtai Nr. 11 àn dr Schtrooss D 21. Ar zaigt d’ ehamooliga Frontliinia vum Äärschta Waltkriag.

• 
  s’ Dankmool zem 103. Infàntriireschimant
• 
  dr Vauthier-Schtai

• dr Grààbschtai àn dr Schtrooss zwìscha Suippes un Reims, fìr d’ Soldààta vum 218. Squadron vu dr britischa Royal Air Force eehra, wo därt ìm Friahjoohr 1940 d’ diitscha Luftwàffa kampft hann. Ar ìsch àm 28. Septamber 2013 iigwäijt worra.
• Jeedsjoohr zitter 2006 fìndet ìm Dorf s’ Müüsikfaschtschpììl La Poule des Champs schtàtt. Ànna 2019 sìnn 6.400 Litt doo àna kumma.
• ìm Dorfzäntrum ìsch s’ tràdizionäll Gàschthüüs Restaurant de la Place, wu amol dr bekànnta Sanger Louis Bertignac un dr frànzeescha Schtààtspresidant Nicolas Sarkozy kumma sìnn.

wìchtiga Litt üss dr Schtàdt

• dr Henri de Polignac, wo z’ Aubérive àls Kàpitään ìm Äärschta Waltkriag ànna 1915 g’schtoorwa-n-ìsch
• dr Fàllschìrmjaager Charles de Raymond-Cahuzac ìsch àm 19. Oktoower 1937 z’ Aubérive g’schtoorwa, wu-n-’r versüacht hàt, dr Waltrekord fìr dr heechschta fräija Fàll (ìwwer 6.000 Meeter) z’ braacha.

Lüag àui

• Lischta vu da Gmainda ìm Département Marne

Weblìnks

 Commons: Aubérive – Sammlig vo Multimediadateie

• Schtàtistik ìwwer d’ Gmainda Aubérive biim INSEE (frànzeesch)