Warmeriville

Warmeriville
	Warmeriville (Frankreich) Warmeriville
Region	Grand Est
Département	Marne
Arrondissement	Reims
Kanton	Bourgogne-Fresne
Kommünàlverbànd	Grand Reims
Koordinàte	49° 21′ N, 4° 13′ O49.3513888888894.2227777777778
Heche	76–151 m
Flech	23,25 km2
Iiwohner	2.644 (1. Jänner 2020)
Bevelkerungsdicht	114 Iiw./km2
Code Postal	51110
INSEE-Code	51660
Website	warmeriville.fr

Dialäkt: Mìlhüüserdiitsch

Warmeriville [vaʁməʁivil] ìsch a frànzeescha Gmainda mìt 2.644 Iiwoohner (Schtànd: 1. Januar 2020) ìm Département Marne ìn dr Regioon Grand Est. Sa gheert zem Arrondissement Reims un ìsch Mìltglììd vum Gmaindaverbànd Communauté urbaine du Grand Reims. D’ Iiwoohner nännt m’r Warmerivillois [vaʁməʁivilwa] (fìr d’ Manner) un Warmerivilloises [vaʁməʁivilwaz] (fìr d’ Fràuija) uff Frànzeesch.

dr Nàmma

Ìm Làuif vu dr G’schìcht hàt sìch dr Dorfnàmma uff Làtiinisch, Àltfrànzeesch un schpeeter uff Frànzeesch asoo äntwìckelt:

• Warmerii Villa, Villa Warmerena (ìm friahja 11. Joohrhundert)
• Guarmerivilla (ànna 1149)
• Warmerevilla (ànna 1181)
• Garmerivilla (ànna 1189)
• Warmeri Villa (ànna 1190)
• Garmereivilla (ànna 1192)
• Verrewilla (ànna 1205)
• Wameriville (um 1222)
• Warmerivile (ànna 1249)
• Warmereivilla (ànna 1262)
• Varmerivilla (ànna 1346)
• Warmeryville (um 1371)
• Vermeriville (ànna 1384)
• Warmeriville-sur-Suippe (ànna 1526)
• Warmerivil (ànna 1556)
• Vuarmeriville (ànna 1758)

wu ’s lììgt

Warmeriville lììgt äbba 17 Kilomeeter nordeeschtlig vu Reims àm neerdliga Rànd vum Département Marne àn dr Granz zem nochberliga Département Ardennes. Histoorisch hàt s’ Dorf ìm Norda vu dr Prowìnz Champagne g’laaga. D’ Gmainda lììgt ìm Iizuugsgebiat vu dr Seine un wìrd vu dr Suippe duurakweert, wo s’ Gmaindagebiat ìn’ma braita Tààl vu Süüdoscht uff Nordwäscht trännt. S’ Bachla Ruisseau de Vert ätnschprìngt uff’m Gmaindagebiat un mìndet ìn dr Neecha vum Zäntrum ìn d’ Suippe. S’ Zäntrum vu Warmeriville lììgt uff’ra Heecha vun äbba 80 Meeter, s’ Tààl lììgt a bìtsi tiafer.

A Tail vum Gebiat vu Warmeriville gheert züa dr ZNIEFF-Nàtüürzoona „Marais boisé de Vaudetré à Warmeriville“ (Nr. 210008902), wo-n-a Tail vum Suippe-Tààl däckt. 75 Prozant vu dr Gmaindaflächa wìrd fìr d’ Làndwìrtschàft b’nutzt, 12 Prozant fìr d’ Ìndüschtrii un 5 Prozant fìr dr kìnschtliga Bàui. Äbba 4 Prozant sìnn b’wàldert, b’sunderscht äntlàng vu dr Suippe (Schtànd: 2018).

Umgaa wìrd Warmeriville vu da Nochbergmainda Isles-sur-Suippe ìm Wäschta un Norda, Ménil-Lépinois (Ardenna-Département) ìm Nordoschta, Aussonce (Ardenna-Département) ìm Oschta, Heutrégiville ìm Süüdoschta un Süüda so wia Lavannes ìm Süüdwäschta.

G’schìcht

Wahrem Äärschta Waltkriag àm 22. März 1917 hann d’ diitscha Beheerda s’ Dorf loo evàkuiara, fìr’s ìn a Militääriirìchtung umwàndla. Àm 12. Septamber 1914 hann sìch Mìtglììder vum diitscha Genrààlschtààb ìn da Fàmìliahiiser vu da Harmel un da Simonnet nììderg’loo.

Ìm Janner 2018 ìsch dr ìndiàànischa Schtàmmschäff Almir Narayamoga Surui üss Àmazoonia ìn d’ Grundschüal vu Warmeriville kumma ku ìn da Kìnder ìwwer Umwaltschutz reeda.

Àm 19. Janner 2019 ìsch ìm Dorf d’ näija Mehrzwackhàlla nàmmens „Le Cercle“ iig’wäijt worra.

wia d’ Beveelkerung äntwìckelt hàt

Joohr	1962	1968	1975	1982	1990	1999	2006	2013	2020
Iiwoohner	1345	1375	1240	1517	2151	2156	2147	2255	2644
Kwalla: Cassini un INSEE

wàs doo z’ sah ìsch

• d’ reemisch-kàthoolischa Màrtiinskìrìch (Saint-Martin). Dr àchtäckiga schtainiga Tàuifbäcka üss’m Joohr 1572 ìsch zitter 1908 àls Objakt bii da Histoorischa Dankmooler mìt’ra nàzionààla Bediitung klàssifiziart.
• d’ Schtàtüüta Les Amoureux („d’ Liabschter“) vum Éric Sleziak, wo ànna 2003 ìnschtàlliart worra-n-ìsch.
• d’ Schtàtüüta L’Arbre de vie („s’ Laawesbàuim“) vum Éric Sleziak, wo ìm Nowamber 2016 ìnschtàlliart un ìm Mai 2017 iig’wäijt worra-n-ìsch. Sa ìsch 6 Meeter hooch un 2 Tonna schwaar, un hàt 21.000 Öiro koschta. S’ Wark hàt dr Sleziak ìn siim Warkschtàtt z’ Bogny-sur-Meuse ìm Ardenna-Département harg’schtällt.
• dr Harmel-Pàrk àn dr Schtälla vu dr ehamooliga Fàwrìk vum Léon Harmel. Doo fìndet m’r äbba 3.000 àlljaahrliga Pflànza un äbba 500 Baim. Dr Pàrk, wo greesser àls km² ìsch, ìsch ànna 2017 fìr a G’sàmtkoschta vun 400.000 Öiro ààg’lajt worra. Um àm Pàrk sìnn noch hìtt Trìmmer vun ehamooliga Fàwrìkgebäijer z’ sah, wia zem Biischpììl vu dr ehamooliga Schmììda.
• s’ Kriagerdankmool vum Äärschta Waltkriag üss Kàlkschtai ìsch vum Eugène Bourgouin g’hàuija un ànna 1925 iig’wäijt worra. ’S ìsch ìm Nàzionààla Verzaichniss vu da Histoorischa Dankmooler iitrajt.
• dr diitscha Soldààtafrììdhoof

• 
  d’ Màrtiinskìrìch
• 
  d’ Màrtiinskìrìch uff’ra Ààsìchtskàrta um 1900
• 
  uff’m diitscha Soldààtafrììdhoof
• 
  s’ Bìrgermaischteràmt

wìchtiga Litt üss’m Dorf

• dr kàthoolischa Ìndüschtriäller Léon Harmel (1829–1915), hàt ìn siinera Schpìnnaräi àm Val-des-Bois z’ Warmeriville d’ kàthoolischa Soziààllehr üssprowiart;
• dr Füassbàllschpììler Jean-Paul Gaidoz ìsch ànna 1942 z’ Warmeriville uff d’ Walt kumma un hàt siina Kàrriar biim Klub Stade de Reims ààg’fànga.

G’maindapàrtnerschàft

Mìt dr itàliaanischa Gmainda Arre ìn dr Prowìnz Padua (Veneezia) gìtt’s zitter 1989 a Pàrtnerschàft.

Lüag àui

• Lischta vu da Gmainda ìm Département Marne

Weblìnks

 Commons: Warmeriville – Sammlig vo Multimediadateie

• Websitta vu dr Gmaindaverwàltung (frànzeesch)
• Schtàtistik züa dr Gmainda Warmeriville uff dr Websitta vum INSEE (frànzeesch)
• Schtàtistik züa dr Gmainda Warmeriville, wo düü ufflààda kààsch bii data.gouv.fr (frànzeesch)