Muizon
| Muizon | ||
|---|---|---|
| ||
| Region | Grand Est | |
| Département | Marne | |
| Arrondissement | Reims | |
| Kanton | Fismes-Montagne de Reims | |
| Kommünàlverbànd | Grand Reims | |
| Koordinàte | 49° 16′ N, 3° 54′ O | |
| Heche | 67–111 m | |
| Flech | 7,15 km2 | |
| Iiwohner | 2.105 (1. Jänner 2020) | |
| Bevelkerungsdicht | 294 Iiw./km2 | |
| Code Postal | 51140 | |
| INSEE-Code | 51391 | |
| Website | www.communedemuizon.fr | |
| Dialäkt: Mìlhüüserdiitsch |
Muizon 
[mɥizɔ̃](info) ìsch a frànzeescha Gmainda mìt 2105 Iiwoohner (Schtànd 1. Januar 2020) ìm Département Marne ìn dr Regioon Grand Est. Sa g’heert zem Arrondissement Reims un zem Kàntoon Fismes-Montagne de Reims. D’ Iiwoohner nännt m’r Muizonnaises (fìr d’ Fràuija) un Muizonnais uff Frànzeesch.[1]
wu dr Nàmma har ìsch
[ändere | Quälltäxt bearbeite]Noh-n-em Auguste Longnon hàt sìch dr Dorfnàmma asoo uff Làtiinisch un Frànzeesch äntwìckelt:[2]
- Mutalio, Mutationes (um 850)
- Villa que Muisons nominatur (ànna 1216)
- Muison (ànna 1217)
- Mouisons (ànna 1220)
- Muysons (ànna 1221)
- Muyson (ànna 1222)
- Moisons (ànna 1223)
- Maison' (ànna 1240)
- Mussons (ànna 1256)
- Mouison (ànna 1300)
- Moinson (ànna 1354)
- Mouyson (ànna 1451)
- Muyson-sur-Vesle (ànna 1500)
Dr urschprìngliga Nàmma Mutationes schtàmmt vum Làtiinischa mutatio(n), wo „Poschtwacksel“[3] odd’r „Pfardawacksel“ bediitet.[4]
wu ’s lììgt
[ändere | Quälltäxt bearbeite]
D’ Gmainda lììgt äbba zehn Kilomeeter wäschtlig vu Reims àm lìnka süüdliga-n-Uufer vu dr Vesle, àn dr àlta Reemerschtrooss zwìscha Reims un Pàriis. D’ Nochbergmainda sìnn Trigny ìm Norda, Châlons-sur-Vesle ìm Nordoschta, Thillois ìm Oschta, Gueux ìm Süüdoschta, Rosnay ìm Süüdwäschta, Courcelles-Sapicourt ìm Wäschta un Prouilly ìm Nordwäschta.[5]
G’schìcht
[ändere | Quälltäxt bearbeite]Dr Ort ìsch ìm 7. Joohrhundert grìnda worra. Ìm 14. Joohrhundert hann d’ Härra vu Muizon doo a fäscht Hüüs ärrìchta. ’S ìsch ìm Hundertjaahriga Kriag ìm 17. Joohrhundert wììder uffbàuija worra. Ànna 1944 ìsch’s nochamol zärschteert worra, un ’s ìsch nia wììder ärrìchta worra.[5]
Àm 5. Oktoower 1914 ìsch ìn dr Neecha d’ äärschta Luftschlàcht vu dr G’schìcht zwìscha diitscha un frànzeescha Kàmpffliager gsìì.[5] Àm And vum Äärschta Waltkriag ìsch s’ Dorf zärschteert gsìì.[6] Àm 30. Mai 2021 ìsch Muizon mìt’m Kriagskriiz 1914–18 üsszaichent worra.[7]
Ìn Diitschlànd ìsch dr Ort durs Büach Rückkehr nach Reims vum Didier Eribon bekànnt worra.[8]
wia d’ Beveelkerung äntwìckelt hàt
[ändere | Quälltäxt bearbeite]| Joohr | 1962 | 1968 | 1975 | 1982 | 1990 | 1999 | 2009 | 2019 |
| Iiwoohner | 327 | 480 | 1031 | 2243 | 2255 | 2346 | 2215 | 2119 |
| Kwallaː LdH/EHESS/Cassini (bis 1999) un INSEE (zitter 2006) | ||||||||
wàs doo z’ sah ìsch
[ändere | Quälltäxt bearbeite]- d’ reemisch-kàthoolischa Pfàrrkìrìch vum hl. Symphoriàànus (Saint-Symphorien), wo vum 12. Joohrhundert schtàmmt. Dr Glockaturm schtàmmt vun 1870. Ìm Äärschta Waltkriag ìsch d’ Kìrìch vun’ra Grànààta b’schaadigt worra: S’ Dàch un d’ G’wälwer vu da Sittaschìffa sìnn zärschteert worra, un d’ Fàssààda vu dr Nordkàppal ìsch g’schpàlta worra. Noh-n-em Kriag hàt dr Reimser Àrkitäckt Constant Ouvrière zwìscha 1921 un 1923 d’ Kìrìch loo räschtoriara. Àb 1980 ìsch s’ Gotteshüüs nochamol räschtoriart worra.[9]
- s’ Luftschlàcht-Dankmool mìt’ra Panoramatààfla, wo d’ G’chìcht vu dr äärschta Luftschlàcht ärkläärt[10]
-
s’ Bìrgermaischteràmt -
d’ Symphoriàànuskìrìch -
d’ Symphoriàànuskìrìch -
àm Boulevard du Champ-Jeudi z’ Muizon -
s’ Kriagerdankmool -
s’ Luftschlàcht-Dankmool
Verkeehr
[ändere | Quälltäxt bearbeite]-
àm Bàhnhoof vu Muizon -
àm Bààhnhoof vu Muizon -
d’ Bààhnliina biim Bààhnhoof
Pàrtnerschàfta mìt àndra Orta
[ändere | Quälltäxt bearbeite]Zitter 1981 gìtt’s a Pàrtnerschàft zwìscha Muizon un Klein-Winternheim ìn Hessa (Diitschlànd).[11] Àm 10. Mai 2009, nooh-n-em 59. Grìndungstààg vu dr Öiropääischa Unioon, hann dr Bìrgermaischter vu Muizon, Germain Renard, un d’ Bìrgermaischtera vu Klein-Winternheim, Ute Granold, zamma-n-a Bàuim (Ginkgo) uff dr Allée Jean-Monnet gepflànzt, àls Sìmbool vu dr diitsch-frànzeescha Frìndschàft.[12]
Lüag àui
[ändere | Quälltäxt bearbeite]Lìteràtüür zem Dorf
[ändere | Quälltäxt bearbeite]- Maurice Jonot: L’église Saint-Symphorien de Muizon. In: Entre deux terroirs, pages d'histoire du massif de Saint-Thierry. Nr. 75, März 2013, S. 12–15 (französisch).
- Dominique Charret: Un village autrefois, Muizon 1920-1930. In: Entre deux terroirs, pages d'histoire du massif de Saint-Thierry. Nr. 92, Juli 2017 (französisch).
- Dominique Charret: Histoire : Muizon et ses activités "insalubres" autrefois (première partie). In: Entre Deux Terroirs, pages d'histoire du massif de Saint-Thierry. Nr. 121, Oktober 2024, S. 24–29 (französisch).
Weblìnks
[ändere | Quälltäxt bearbeite]
Commons: Muizon – Sammlig vo Multimediadateie- Websitta vu dr Gmaindaverwàltung (frànzeesch)
- Schtàtistik züa dr Gmainda Muizon biim INSEE (frànzeesch)
- Informàzioona züa dr Gmainda Muizon ìn dr Dààtabànk LdH/EHESS/Cassini
- Muizon uff dr Online-Kàrta Géoportail (frànzeesch)
Ainzelnoohwiisa
[ändere | Quälltäxt bearbeite]- ↑ Muizon. Archiviert vom Original am 5. Dezember 2024; abgruefen am 5. Dezember 2024 (französisch).
- ↑ Auguste Longnon: Dictionnaire topographique du département de la Marne : comprenant les noms de lieu anciens et modernes. Pàriis 1891, S. 196 (französisch, 380 S., bnf.fr [abgerufen am 25. November 2024]).
- ↑ Ernest Nègre: Toponymie générale de la France : formations pré-celtiques, celtiques, romanes. Droz, Gämf 1990, S. 362 (französisch).
- ↑ Stéphane Gendron: La toponymie des voies romaines et médiévales : les mots des routes anciennes. Errance, 2006, S. 102 (französisch).
- ↑ 5,0 5,1 5,2 Dia Informàzioona sìnn üss’m Àrtìkel Muizon ìn dr hoochdiitscha Wikipedia ìwwernumma worra.
- ↑ Carte spéciale des régions dévastées : 34 SO, Reims [Sud-Ouest]. Service géographique de l'armée, 1920 (französisch, bnf.fr [abgerufen am 25. November 2024]).
- ↑ Journal officiel de la République française. 8. Juni 1921, S. 6602 (französisch).
- ↑ Didier Eribon: Rückkehr nach Reims. Frankfurt 2016, S. 9 f.
- ↑ Elisabeth Dandel, Marlène Koll: Église paroissiale Saint-Symphorien de Muizon (Dossier d’œuvre architecture IA51001340). Genrààlverzaichniss vum Kültüüräärwa Grand Est, abgruefen am 5. Dezember 2024 (französisch).
- ↑ Table d'observation de Muizon. Främdaverkeehrsàmt Reims, archiviert vom Original am 18. Mai 2024; abgruefen am 5. Dezember 2024 (französisch).
- ↑ Le jumelage entre Muizon et Klein-Winternheim se porte bien. In: L’Union. 16. Juni 2015, archiviert vom Original am 24. November 2024; abgruefen am 24. November 2024 (französisch).
- ↑ Le comité de jumelage Muizon/Klein-Winternheim prend soin de l’arbre de l’Europe. In: L’Union. 9. Mai 2015, archiviert vom Original am 24. November 2024; abgruefen am 24. November 2024 (französisch).