Kantoo Appezöll Inneroode
|
Sälle Artikel oder Abschnitt brucht e Iberarbeitig un sott dorum durgluegt werre. Des cha de sprochliche Stil, s Format vum Artikel, oder de Inhalt beträffe. Nächers isch in dr Regel uf dr Diskussionssite agee. Hilf bitte mit, die kritisierte Passasche z verbessere un nimm druffabe die Markierig use. |
| Appezöll Inneroode | |
|---|---|
 | |
| Basisdate | |
| Staat: | Schwiz |
| Abchürzig: | AI |
| Amtssproche: | Dütsch |
| Hauptort: | Appezöll |
| Flächi: | 173 km² (Rang 25) |
| Iwohner: | 15'789 (2011) (Rang 26) |
| Bevölkerigsdichti: | 91 Iw./km² (Rang 20) |
| Bitritt zuem Bund: | 1513 |
| Websyte: | www.AI.ch |
| Lag | |
 | |
| Charte | |
 | |
| Gmeinde | |
 | |
Dä Kantoo Appezöll Innerroode (dytsch Appenzell Innerrhoden, franzöösisch Appenzell Rhodes-Intérieures, italienisch Appenzello Interno, rätoromanisch Appenzell Dadens) ischt en Kantoo im Nordoschte vo da Schwiiz.
Appezöll Innerroode ischt dä Kanto mit dä nidrigschte Yywoonerzahl (rond 15'800) ond de zweitchlinschte Flächi (noch Basel-Stadt).
Geografii
[ändere | Quälltäxt bearbeite]Innerroode gränzt an Kantoo Appezäll Osserroode ond ischt im Übrige vom Kantoo Sangalle omgee.
Dä högscht Bärg ischt dä Sääntis im Alpschtä mit ännere Höchi vo 2'502 m ü. M. Vo dä Schwägalp us fahrt sit 1935 a Säälbaa uf dä Gipfel ufi. Doba häts a Wätterstazioo, än wichtiga Vermässigspunkt, än 123-ahalb Meter hööcha Sändemascht ond zwee Wertshüüser. Dä Sääntis ischt ä beliebts Uusflugsziil för Wanderer ond Turischta wo bi schönem Wätter d’Uusischt vo da Alpachetti bis zom Bodasee gnüüssa wend.
Im Kantoo Appezöll Innerroode gits no a paar wiiteri Säälbaane uf Uusichtspünkt; z. B. Höch Chaschte, Ebänalp und Chroobärg. I däm Kantoo schaffid vill meh Lüüt im Bereich Turismus als i da Landwertschaft. Im gaanze Alpschtää gits a grosses Netz vo guat onderhaaltne Wanderwääg; z. B. zum Seealpsee, Sämtissersee ond Fäälasee.
Gschecht
[ändere | Quälltäxt bearbeite]Bi dä Appezöller Landstäälig im Johr 1597 sönd us em damoliga Kanto Appezöll us konfässionöllä Grönd di beeda Halbkantö Appezöll Osserroode und Appezöll Innerroode entstandä. Di inneri Rood ischt hüt no öberwiegend katholisch ond di össer Rood ehnder reformiert.
Politik und Verwaltig
[ändere | Quälltäxt bearbeite]Appezöll Innerode isch ene vo dene Kantöö, wo e Landsgmeend hond. Die mos all Gsetz bschlüüsse ond all Regierigsrööt ond kantonale Richter wele. Vorbiräite tot die Gsetz de Grooss Root; dää hät föfzg Mitglider. D Regierig hät de Name Standeskommission; die hät sibe Mitglider.
Dä Kantoo hät 5 «Bezirk, wo d Funkzione vo Gmeende öbernämmid. Si sönd 1872 os de ehemoolige Roode entstande.
- Appezöll, 5770 Yywooner (2011)
- Schwendi-Rüüti, 6006 Yywooner (2020)
- Oberegg, 1903 Yywooner (2011)
- Goote, 1461 Yywooner (2011)
- Schlatt-Hasle, 1137 Yywooner (2011)
Besträbige, wo dia Uftälig het söle veäfache, sönd vom Groosse Root as «Strukturreform» uusgschaffet worde. S Volch hät da aber a de Landsgmeend vom 29. Apröl 2012 abgleent.[1]
Bsondrigs
[ändere | Quälltäxt bearbeite]Zo dä Spezialitäta vo Innerroode ghört onder anderem dä wörzig Appezöller Chääs, dä gsond Alpäbetter, dä Appezöller Biber, d Südwooscht, dä Pantli ond da Humor, womer em Appezöller Volch noosäät. Änn wo dä Humor öber s Appezöllerland usi bekannt gmacht hät, isch de Komiker Simon Enzler.
Lueg au
[ändere | Quälltäxt bearbeite]Weblink
[ändere | Quälltäxt bearbeite]
Commons: Kantoo Appezöll Inneroode – Sammlig vo Multimediadateie- Offiziölli Wäbsiite vo Innerroode
- Appezöllerland (Tourismus)
- Josef Küng, Achilles Weishaupt: Appenzell (Innerrhoden). In: Historisches Lexikon vo dr Schwiiz.
- Christoph Landolt: Ausserrhoden, Innerrhoden. I: Wortgeschichten, ug. vo de Redaktion vom Schwiizerische Idiotikon.
Ainzelnoowiis
[ändere | Quälltäxt bearbeite]- ↑ Innerrhoder Landsgemeinde lehnt Bezirksfusion ab uf NZZ Online. Abgrüeft am 29. Apröl 2012.
|
Dä Artikel basiert uff ere fräie Übersetzig vum Artikel „Kanton_Appenzell_Innerrhoden“ vu de dütsche Wikipedia. E Liste vu de Autore un Versione isch do z finde. |