Oberbürgermäister

Us der alemannische Wikipedia, der freie Dialäkt-Enzyklopedy

Oberbürgermäister isch e Bezeichnig für e Schef vo de Verwaltige vo gröössere Stedt z Dütschland.

D Situazioon z Dütschland[ändere | Quälltäxt bearbeite]

In vile gröössere Stedt (Groossstedt, kräisfreije Stedt bzw. Stadtkräis, groosse Kräisstedt und groosse sälbständige Stedt, Middelstedt bzw. e Hufe groosse Stedt wo zum ene Kräis ghööre) het dr Schef vo dr Verwaltig d Amtsbezäichnig Oberbürgermäister (bzw. Oberbürgermäistere). Usserdäm git s im Allgemäine äi oder meereri anderi Bürgermäister, wo im Oberbürgermäister undergordnet si, und Dezernänte, wo für spezielli Themene zueständig si. Das cha diräkt mit dr Iiwoonerzaal vo dr Stadt (Baade-Württebärg: vo 20'000 Iiwooner aa., Saarland: vo 30'000 Iiwooner aa) zämmehänge oder au mit ere bsundrige Bezäichnig vo dr Stadt, wo zum Däil historisch begründet isch (Bayre: Groossi Kräisstadt, zum Däil mit weeniger as 20'000 Iiwooner). In Nordrhii-Westfaale git s nume in kräisfreije Stedt Oberbürgermäister, was z. B. drzue füert, ass d Groossstadt Neuss (151'000 Iiwooner.) im Rhii-Kräis Neuss von eme Bürgermäister gläitet wird. Z Lübeck (211'500 Iiwooner) häisst s Stadtoberhaupt dradizionell nit Oberbürgermäister, sondern Bürgermäister. Die Dradizion däilt die Hansestadt mit em wääsentlig chliinere Wismar.

Die und anderi Äinzelhäite – wie öbbe d Froog, wäär dr Oberbürgermäister weelt – si je noch Bundesland underschiidlig und in dr jewiilige Gmäindiornig greeglet.

Wenn dr Oberbürgermäister dr Hauptverwaltigsbeamti vo dr Stadtverwaltig isch, isch au dr Naame vo dr Behörde Stadtverwaltig „Dr Oberbürgermäister“.

Stadtstaate[ändere | Quälltäxt bearbeite]

Z Berlin, Breeme und Hamburg wird dr Ditel Oberbürgermäister nit verwändet. D Läiter vo de Stadtregierige häisse dört „Bürgermäister und Bresidänt vom Senat“ (Breeme), „Erste Bürgermäister“ (Hamburg) und „Regierende Bürgermäister“ (Berlin). Bi iine isch bsundrig, ass si e Dobbelfunkzioon usüebe: Si häi iiri Stellig in dr Kommunalverwaltig und gliichzitig si si d Läiter vo de Landesregierige. Für s Stadtoberhaupt vo Breemerhaave isch s hingeege nid eso; är het d Amtsbezäichnig Oberbürgermäister.

D Situazion usserhalb vo Dütschland[ändere | Quälltäxt bearbeite]

In Europa[ändere | Quälltäxt bearbeite]

  • Z Dänemark git s nume en äinzige Overborgmester, nämlig dä vo dr Landeshauptstadt Kopehaage
  • Im Veräinigte Köönigriich und andere änglischsproochige Länder git s dr Ditel vom Lord Mayor, wenn dr Inhaaber e Sitz und Stimme im Oberhuus het (was mä öbbe mit de Regierigsschef vo de drei dütsche Stadtstaate chönnt vergliiche), im Underschiid zum Mayor, wo s Oberhaupt vo de übrige Stedt isch.
  • Irland isch en Usnaam: dr 'Lord Mayor of Dublin' isch dr Vorsitzend vom 'Dublin City Council'[1] ; der 'Lord Mayor of Cork' ist Vorsitzender des 'Cork City Council'.[2]
  • Z Tschechie häisst dr Oberbürgermäister Primátor und isch s Stadtoberhaupt von ere Statutarstadt.
  • In de Niiderlande ht jeedi Gmäind nume äi Bürgermäister. Oberbürgermäister git s dört nit.
  • Z Schweede git s dr Ditel 'Överborgmästare'
  • Z Finnland bechunnt dr Bürgermäister vo dr Hauptstadt Helsinki vom finnische Bresidänt im Allgemäine dr Ditel ylipormestari über [öbbe: hooche Bürgermäister']. (Dr Begriff kaupunginjohtaja isch dr Naame vo dr Behörde sälber)

In dr übrige Wält[ändere | Quälltäxt bearbeite]

  • Z Australie isch das e politischs Amt. Australischi Stedt mit Lord Mayor si Adelaide, Brisbane, Darwin, Hobart, Melbourne, Newcastle, Parramatta, Perth, Sydney und Wollongong.
  • Z Kanada het d Stadt Niagara-on-the-Lake e Lord Mayor. Das het historischi Gründ: d Stadt isch die ersti Hauptstadt vo Upper Canada gsi, wo vo 1791 bis 1841 e britischi Kolonii gsi isch.

Fuessnoote[ändere | Quälltäxt bearbeite]

  1. www.lordmayorofdublin.ie Archivlink (Memento vom 2. Novämber 2012 im Internet Archive)
  2. www.corkcity.ie. Archiviert vom Original am 1. November 2012; abgruefen am 23. November 2012.
Dä Artikel basiert uff ere fräie Übersetzig vum Artikel „Oberbürgermeister“ vu de dütsche Wikipedia. E Liste vu de Autore un Versione isch do z finde.