Kaiser

Us der alemannische Wikipedia, der freie Dialäkt-Enzyklopedy

Der Titel Kaiser bezeichnet die ranghöchste Herrscher, wo no über de König stöhn. In der europäische Gschicht isch dr Kaisertitel in dr Regel nume dene Monarche ge worde, wo über meh as eis Volk gherrscht hai. Verschiideni ussereuropäischi Monarche – wie der osmanisch Sultan, dr Schah vo Persie, dr Negus vo Äthiopie oder dr chinesisch Sohn vom Himmel si de europäische Kaiser gliichgsetzt worde. Dr einzig Monarch, wo hüt no as Kaiser bezeichnet wird, isch der Tennō vo Japan.

[ändere] Etymologii

S althochdütsche keisar wie au s slawische Zar leite sich vom latiinische Personenamen Caesar ab, wo in der Antike „Kaisar“ usgsproche worden isch. Der Wandel vom Cognomen vom Gaius Julius Caesar zum Herrschertitel isch imene e Prozäss bassiert, wo fast 100 Johre duurt het vom Dod vom Julius Caesar 44 v. Chr. bis zum Amtsadritt vom Kaiser Claudius im Jahr 41 n. Chr.

In de romanische Sproche bruucht me drgege Wörter, wo vom latiinische Imperator abstamme, öbbe s italiänische imperatore oder s französische empereur, wo au s änglische emperor druf zrugggoht. Au s albanische Wort mbret für „König“ stammt vo Imperator ab.

In mittelhochdütsche Schrifte wird dr Kaiser meistens as Kayser, Keiser oder Keyser bezeichnet.