Wikipedia Diskussion:Schreibwettbewerb/2016

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Archiv: 2011 - 2012 - 2013 - 2014 - 2015

Aso …[Quälltäxt bearbeite]

… dëë schmaal Artikel über der Andreas Burri han i, Pakeha, ja äigetli nöd as Wettbiwërbsbytraag tänkt… Da chönd nu schwëërgwichtigeri mithaa… En Gruez, --Freiguet (Diskussion) 19:34, 18. Nov. 2016 (MEZ)

Freiguet, s het bi uns scho ne gwissi Tradition, ass nit nume Artikel zum Schrybwettbewärb nominiert wäre, wu ne ächti Schangs hän, nai, vylmol hämer aifach alli Artikel nominiert, wu in däm Zytrumm zum Thema gschribe wore sin. Bi uns isch des nit wie uf dr dewiki, wu jo nume dissertationsartigi Monografie zum Schrybwettbewärb zuegloo wäre un sälbscht dr «Miniaturewettbewärb» fascht nur umfangrychi Abhandlige umfasst. Vu dohär basst des scho mit em Burri. Aber du hesch jo au no ne schwärgwichtigere Kandiat im Ränne. --Holder (Diskussion) 21:03, 18. Nov. 2016 (MEZ)
Un bi uns goht s jo schließli au nit um Raise uf Montreal as Bryys. --Holder (Diskussion) 21:05, 18. Nov. 2016 (MEZ)
Aber e Räis uf Alagna wëër doch öppis… :-) --Freiguet (Diskussion) 23:32, 18. Nov. 2016 (MEZ)
Des Joor simmer zwar z spoot ùff die Idee cho, aber für de näggscht Schrybwettbewerb chönnt mer doch emool bi Wikimedia CH & Wikimedia DE aafrooge, ob si e Reis zue de Südwalser finanziere...oder eventuell ùff Colonia Tovar? --Terfili (Diskussion) 21:50, 29. Nov. 2016 (MEZ)
Ich haa uf dr WikiCon z Kornweschte mit em Präsident un em Vorstand vu WMDE gschwätzt derwäge. Ne Dräffe vu dr Alemannische Wikipedia z Alagna deete si finanziere. Zmindescht fir alli, wu z Dytschland wohne. WMCH zahlt bstimmt allne us dr Schwyz d Rais un d Ibernachtig un WMFR villicht dr Elsässer, no mien mer is nume ebis uusdänke fir Lyt, wu (grad) in andere Länder wohne :-). --Holder (Diskussion) 21:58, 29. Nov. 2016 (MEZ)
No halt e Reis für alli ùff Alagna, ùn für de Gwinner vùm Schrybwettbewerb näggscht Joor e Reis ùff Colonia Tovar, no besser :-D --Terfili (Diskussion) 06:53, 30. Nov. 2016 (MEZ)

Laufzyt[Quälltäxt bearbeite]

D Nominierigsphase goht jo no bis am Sunntig. Jetz git s do no aagfangeni Artikel un Projäkt. D Frog isch, wäre die fertig bis am Sunntig oder solle mer d Laufzyt verlengere, villicht um e Wuche? Ich due mol alli aapinge, wu bishär Artikel nominiert hän: Al-qamar, Bussakendle, Fideli, Freigut, Henri Berger, MireilleLibmann, Pakeha, Pollux^, Schofför, Terfili. --Holder (Diskussion) 07:27, 2. Dez. 2016 (MEZ)

Iich ha nüüt me in petto reschp. ich schryybe syt lengerem amenen Artikel, wo nöd under de fraagliche Zäätuusig figuriert und drum nöd in Wettbiwëërb ghöört. Aber ich funds halt scho schöön, wänn d Uuswaal zum prëmiere gröösser wëër. En Täil sind räini Übersetzigen und en Täil räini Flyyssaarbete – bäides völig legityym und richtig und wichtig, aber iich cha nu prëmiere, was e gueti Äigeläischtig isch. Und en Täil isch halt vil z churz, als das es wettbiwëërbsfëëig wëër. En Gruez, --Freiguet (Diskussion) 10:49, 2. Dez. 2016 (MEZ)
Ich bi de glyche Meinig wie de Freiguet. Vo mier isch i dem Wettbewärb bis jetzt kä Eigeleischtig debii, aber ich würd wahrschiinli no eini mache, wenn d Laufzyt um e Wuche verlengert wird. --Pakeha (Diskussion) 12:29, 2. Dez. 2016 (MEZ)
Quätsch: Momoll, s hät scho e paar mit Äigeläischtig, Pakeha, öppe Operedde, Rhyynischs Wöörterbuech und Sutselvisch (und vilicht na mee). Aber äifach z wenig. --Freiguet (Diskussion) 13:51, 2. Dez. 2016 (MEZ)
Jo. Àwer fer d Litt wo dàto wenig Zitt han (aui fer àlles duralasa), schiint dia Lischta scho zìmlig làng. (Trotzdam wott ìch jetz nìt s Spìel verderwa blinzel ) --MireilleLibmann (Diskussion) 12:49, 2. Dez. 2016 (MEZ)
Also ich ha no e paar Ergänzige bi Sutselvisch vor, aber die sin eigetli scho fertig ùffem Computer, nùmme no nit gorndnet. Mit allene 46-Phonologi-Artikel werdi bis Sùnntag gwüss nit fertig, aber wäge däm bruuch mer jetz kei Verlängerig mache. Die Artikel hen jo eh kei so schöpferischi Höchi, ùn die, wo e chly mee aasprùchsvoll sin ùn wommer au en alemannische Bezug sött gee, werde warschynts au bis näggscht Wùch nit alli fertig. Wänn sùnscht öber gärn no Zyt wott ha, stört's mi aber au nit. --Terfili (Diskussion) 14:02, 2. Dez. 2016 (MEZ)
Vorlengra odr et vorlengra? I ko me mit boidem oofreinda! --Henri Berger (Diskussion) 15:10, 2. Dez. 2016 (MEZ)
I ha nünnt me gad so uf Lager, won i no wet för dä Wettbewärb schriibe. Gruess --Schofför (Diskussion) 16:05, 2. Dez. 2016 (MEZ)
Mii Voschlaag (natüürli me e liebe Tatsch, kai brutaali Haui): Artikel wo scho aagfange sind chömed e Verlängerigszitt öber, anderi Artikel wo etz no schnell inechömed ghööred nöme dezue. --al-Qamar (Diskussion) 22:30, 2. Dez. 2016 (MEZ)
Also Lüt, ich wär würklich defür, dass mer de Wettbewerb verlängere. Ich ha zwar nöd so viel Eigeleistig debi und min Artikel isch au nöd unendlich lang. Ich ha aber e ganzi Liste vo Verlinkige wo noni überetzt sind und die hend au nomol alli Verlinkige... Usserdem isch das min erste Artikel überhaupt uf de Wikipedia und ich bin mich no chli am ischaffe ;-) Also ich wär für no en wiiteri Wuche--Pollux^ (Diskussion) 13:32, 4. Dez. 2016 (MEZ)
Guet, no würdi sage, mer mache es wie's de al-Qamar vorgschlo het: alli Artikel, wo bis hüt ùm Mitternacht aaglait worde sin, derf mer bis näggscht Sùntig no ussbaue. --Terfili (Diskussion) 16:31, 4. Dez. 2016 (MEZ)
Ich hätt jo ender gsait, mer mache halt e Wuche lenger fir alli, isch doch glych, no mueß mer jetz nit no luter Ai-Satz-Artikel aafange ... --Holder (Diskussion) 19:16, 4. Dez. 2016 (MEZ)
Chammer vo mir uss au, es het sich jo bis jetz no niemer gäge e Verlengrig ussgsproche. Bis muetig! --Terfili (Diskussion) 22:49, 4. Dez. 2016 (MEZ)
Guet, ich haa dr Wettbewärb um e Wuche verlengeret. --Holder (Diskussion) 06:43, 5. Dez. 2016 (MEZ)

Vorschlag fir s negscht Johr[Quälltäxt bearbeite]

Bim negschte Schrybwettbewärb deet i vorschlaa, ass mer verschideni Kategorie yyfiere, z. B. aigeständige Artikel, Ibersetzig, «Flyssarbet» (wie s dr Freigut gnännt het), mit dr Kategory aigestandige Artikel natyrli as „Königsklasse“. --Holder (Diskussion) 19:20, 4. Dez. 2016 (MEZ)

Ich ha eigetli scho welle vorschlo, dass mer näggscht Joor zwei verschidni Wettbewärb mache. Zum eine en Schrybwettbewärb ùn zum andre en Übersetzigswettbewärb. Bi däm chammer de au emool gueti Übersetzige usszeichne, oder au e no en Prys für di meischte übersetzte Bytes oder eifach di meischte übersetzte Artikel, als Motivation für die Lüt, wo Quantität am allergeilschte finde. Es het des Joor eso viil Übersetzige wie no nie (bis jetz über 60% nooch mynre Zäälig; zum Verglych: 2011: 17%, 2012: 0%, 2013: 11%, 2014: 31%, 2015: 15%). En Deil vo dänne Übersetzige sin natürli ùff de dütsche Wikipedia scho guet ùn vollständig, ùn mer muess die jetz nit ums Verrecke nomool andersch schrybe. Für mi goot's bimene Schrybwettbewärb aber irgetwie doch änder ùm di eigni Kreativität, ùn drùm fändi's guet, wemmer de zwei separati Aktione mache. --Terfili (Diskussion) 23:04, 4. Dez. 2016 (MEZ)
Zwee Wettbewärb find i guet, no besser wie myni Idee. blinzel  --Holder (Diskussion) 06:44, 5. Dez. 2016 (MEZ)
I schliaß-me dera Moinong oo! --Henri Berger (Diskussion) 13:46, 5. Dez. 2016 (MEZ)
Ich schlièß mi übberhaupt nit aa. Mir gòt s nit um d Quantidät, wenn i übbersetz, sondern um qualidatyv hochwertigi Artikel, wo im Original ebbè i dè dütschè Wikipedia am ehschte gää isch. Byschpill ? Dè originäre Schluchsee (See) isch im alemannischè Original è glatti Kataschtrophè gsi, dè übbersetzte isch inhaltlich um Klassè besser. S isch halt èso. Bi so nèm Wettbewärb gòt jo woll dõdrum, beschtimmti Mängel z behebbè, z.B. z wènnig Artikel, wènniger fäälendi verlinkti Artikel usw. Sèlli Zyl sött mò im Aug bhaaltè, au wenn s Fliisbüèz bedütet. --fideli (Diskussion) 10:09, 8. Jan. 2017 (MEZ)

Abstimmig[Quälltäxt bearbeite]

Solly liebi Kollege, d Abstimmig für de Schrybwettbewärb goot jetz no öbe e Wùch. Bis jetz sin insgsamt 15 Stimme vo 5 verschidne Benutzer abgee worde, also en neue Rekord für gringi Waalbeteidigung (sùnscht hen 7-10 Lüt mitgmacht bi de Abstimmig, ùn es het 20, 28, 32 oder 45 Stimme gha!). Het's en gwüsse Grùnd, dass d Waalbeteidigung syt em erschte Mool 2011 sinkt ùn sinkt? Isch d Usswaal vo Artikel des Joor deprimierend? Oder isch es eifach nümm intressänt, jetz bim 6. Mool? No lömmer's nämli im Joor 2017 lieber lo bliibe ùn denke üs öbis neus uss. Also, @Al-qamar:, @Schofför:, @Fideli:, @Roland.h.bueb:, @Bussakendle:, @B.A.Enz:, @Pakeha:, @J. 'mach' wust:, @Stephele:, @W-j-s:, @Wettiger Nochrichte:, @Ark001: ùn alli andere neue ùn alte Mitarbeiter, wo ab ùn zue yneluege, bis zum 15. henner no Zyt! --Terfili (Diskussion) 16:47, 7. Jan. 2017 (MEZ)

Danke dr Naafraag. S isch nid Desinträssi, eender Ziit (zum Läse) und Kompetänz, wo fäälid. Abr bis Mitti Jenner sett ä Schtimmabgaab meglich sii. --B.A.Enz (Diskussion) 17:55, 7. Jan. 2017 (MEZ)
Also meng mòl muèn i halt au mòl minèrè Erwèrbsarbèt nõchgò, ergo han i näbbèm Schaffè un dõ schriibè kei Zit mee für so öppis. E bitzeli fäält bi dèrrè Uussaag (odder isch nit Vorwurf besser ?) a dè bosityv Energy, asè kann i nu Olli's Witze im YouTube empfellè. Sèll hilft. --fideli (Diskussion) 10:14, 8. Jan. 2017 (MEZ)
Erfaarigsgmäss bstoot di alemannischi Wikipedia uss eme Huufe vo Individualischte, ùn mer muess halt e weng luut plääre, demit si sich zämmeraufe ùn bi öbis gmeinschaftlichem mitmache... :-D --Terfili (Diskussion) 14:14, 8. Jan. 2017 (MEZ)

Ass d Zahl vu dr Abstimmigsdailnämer all Johr abnimmt stimmt nit.

  • 2011: 10
  • 2012: 7
  • 2013: 8
  • 2014: 7
  • 2015: 8

Wäm er mol vum erschte Johr absiit, no isch d Zahl zwische 2012 bis 2015 stabil blibe. In dr erschte baar Johr, vor allem 2011, hämer aber au no massiv Wärbig gmacht, ich haa z. B. villicht 50 Lyt per Mail aagschribe ghaa, alli, wu je uf dr Alemannische Wikipedia en Artikel gschribe hän un d Mailfunktion aktiviert ghaa hän. Derzu haan i 2011 no Lyt uf dr dewiki aagschribe, wu Alemannisch in ihrem Babel aagee hän. Un des Johr haan i fascht gar kai Wärbig me gmacht. --Holder (Diskussion) 10:05, 9. Jan. 2017 (MEZ)

Na jo, 5 Lüt wie bis grad vor zwee Daag isch de aber doch weniger wie 7, 8 oder 10, vorallem wemmer bedenkt, dass in de beide letschte Joor di letschte Stimme ei oder zwei Wùche vor Schlùss abgee worde sin. Ùn ob die Werbig ùnter de nit- oder weniger Aktive eso en Ùnterschid macht? Ich gsee do in de letschte Joor bloss eine oder höggschtens zwei Lüt pro Joor, wo nit scho devor ùn deno aktiv gsi sin. Aber vilycht bringt Werbig natürli die zum mitmache, wo zwar sowiiso scho aktiv sin, aber halt bis jetz no kei Zyt, Lùscht, Muet oder eso gha hen. --Terfili (Diskussion) 12:36, 9. Jan. 2017 (MEZ)
Ach Holder, du bisch halt scho en unermüedlichen Optimischt – und amig au echli en Schöönredner :-) . S schläckt ekä Gäiss ewëgg, das di alemanisch Wikipedia syt zää Jaar nu vo ganz wenig Lüüt abhanget und drum mit mee Glück as Verstand überläbt... --Freiguet (Diskussion) 12:42, 9. Jan. 2017 (MEZ)
@Terfili: ich haa gschribe «2012 bis 2015», ass es 2016 bishär weniger sin, isch natyrli richtig. Aber jetz fählt no ai Person, un derno simer uf em Nivoo wie in dr letschte vier Johr.
@Freigut: Di Alemannisch Wikipedia hangt scho vu Aafang aa vu wenig Lyt ab, des isch nie andersch gsii un des het au nie eber bstritte. --Holder (Diskussion) 13:56, 9. Jan. 2017 (MEZ)
Werum mached mer de Lade dänn nöd äifach zue? --Freiguet (Diskussion) 14:31, 9. Jan. 2017 (MEZ)
Wel mir d Lade uff mache! --Holder (Diskussion) 14:42, 9. Jan. 2017 (MEZ)

Zum Schlùss simmer de mit 11 Lüt, wo abgstùmme hen, sogar no über de Deilnämmerzaal vo 2011 gläge, ún mit 42 nùmme chnapp ùnter em Rekord vo 45 Stimme 2011! Bravo an alli Lüt, wo öbis gschriibe hen (also de @Al-qamar:, de @Bussakendle:, de @Fideli:, de @Freigut:, de @Henri Berger:, de @Holder:, d @MireilleLibmann:, de @Pakeha: ùn de @Schofför:) ùn viile Dank an alli, wo abgstùmme hen! Jetz sött mer mit de Lobbyarbet aafange, demit's bim näggschte Mool würkli als Pryys e Reis ùff Éischeme, Im Land oder d Colonia Tovar git! :-D --Terfili (Diskussion) 08:59, 16. Jan. 2017 (MEZ)

… iez häsch scho wider de Terfili vergässe, Terfili :-) – au a in gaat es Bravo, er hät ja au öppis gschribe … --Freiguet (Diskussion) 11:03, 16. Jan. 2017 (MEZ)