D Baasler Theodorskiirche

D Theodorskiirche z Baasel

Dialäkt: Baseldütsch

D Theodorskiirche isch en evangelisch-reformierti Kiirche in dr Stadt Baasel. Die gotischi Kiirche befindet sich im Wettstäi-Kwardier und isch em häilige Theodor gweiht.

D Kiirche stoot uf dr Liste vo de Kulturgüeter z Baasel, wo nazionali Bedütig häi.

Gschicht

D Kiirche isch zum erste Mol 1084 in ere Urkunde erwäänt worde. Am Aafang vom 12. Joorhundert het si zum Dalnekloster ghöört. Si lit rhiiuf vom hütige Chläibaasel im Dorf Niiderbaasel, wo spööter ufgee worde isch. S Gebiet het zu sällere Zit kiircherächtlig zum Bistum Konstanz ghöört, grundrächtlig aber zum Fürstbistum Baasel. Mä het 1947 in dr Kiirche Greeber us em 8. Joorhundert gfunde. Dusse het mä in de Joor 1984 und 1993 Greeber us em 11. Joorhundert entdeggt. Wo im Joor 1225 d Rhiibrugg baut worde isch, het sich e Däil vo dr Gmäind witer unde am Rhii nööcher an dr Brugg niidergloo. Eso häi dr Gmäind jetz Glöibigi gfeelt und vor allem d Kiirchestüüre, wo si zaalt häi. Mä het dorum 1255 d Dochderkapälle St. Niklaus in dr Nööchi vo dr Brugg baut. Us sällere Zit wäiss mä, ass dr St. Theodor dr Namenspatron vo dr Mueterkiirche gsi isch.

Bim Baasler Ärdbeebe im Joor 1356 isch e groosse Däil vo dere Kiirche schweer beschädigt worde. Bricht us em Joor 1402 verzelle: [Die Kirche sei] erschüttert, umgeworfen und aus der Form gebracht worden. Bäidi Kiirchedürm si zum Däil iibroche und dr Altar het au starke Schaade gnoo. Mä het spööter nume dr Norddurm wider ufbaut. Hüte finde gläägentlig Konzärt in dr Kiirche statt.

1984 isch näbed de Chile es Skelett usgrabe worde, wo underem Name Theo der Pfeifenraucher bekannt worde isch.

D Orgle

D Orgle isch vo de Orgelbauer Alfred und Daniel Kern us Stroossburg baut worde. S Instrumänt het 37 Register uf drei Manual und Pedal. D Drakture sin mechanisch.

I Positiv C–g3 Salicional 8’ Bourdon 8’ Prestant 4’ Flûte à chem. 4’ Nazard 22/3’ Doublette 2’ Tierce 13/5’ Fourniture III Cromorne 8’ Tremblant

II Grand Orgue C–g3 Bourdon 16’ Montre 8’ Bourdon 8’ Prestant 4’ Doublette 2’ Cornet V Plein-Jeu V Trompette 8’ Clairon 4’ Voix-Humaine 8’ Tremblant

III Récit expressif C–g3 Gemshorn 8’ Voix-Céleste 8’ Bourdon 8’ Prestant 4’ Flûte en bois 4’ Doublette 2’ Larigot 11/3’ Plein-Jeu IV Chalumeau 8’ Hautbois 8’ Tremblant

Pédale C–f1 Flûte 16’ Soubasse 16’ Flûte 8’ Fourniture V Prestant 4’ Bombarde 16’ Trompette 8’

• Kopple: I/II, III/II, I/P, II/P, III/P

Weblingg

• ERK Basel-Stadt - Kirche St. Theodor
• Theodorskirche, virtueller Rundgang uf altbasel.ch
• Detäi zur Gschicht uf altbasel.ch
• Fotene in dr Bilder-Datebank vom Kanton Basel-Stadt

Fuessnoote

47.5588888888897.5975