D Baasler Gellertkiirche

Gellerkiirche
Baujoor:	1964
Laag:	613110 / 26654047.5494444444447.6127777777778
Standort:	Basel Basel-Stadt, Schweiz
Zwäck:	evangelisch-reformiert Kiirche
Website:	www.gellertkirche.ch

D Gellertkiirche isch en evangelisch-reformierti Kiirche in dr Stadt Baasel. S Geböid befindet sich im Gellert-Kwartier in dr Dalbe und isch dänggmolgschützt.

Architekduur

D Gellertkiirche isch 1964 vom Kurt Peter Blumer, wo dr Architekduurwettbewärb gwunne het, baut worde und gältet as e hervorragends Bischbil für wie mä in sällere Epoche Kiirche baut het. Si bildet s Zentrum vo dr Überbauig vom Gellertfäld in de 1960er Joor, und isch e beachtligi stedtebauligi Läistig vo dr Baasler Noochkriegsmodärne. Dr Geböidtüp vo dr Kiirche isch abgläitet vom Tipi, em Zält vo de nordamerikanische Indianer. Über eme nüüneggige Grundriss het s e zentrale Ruum, wo d Uffassig vom domoolige Sakralbau widergit. D Material wo am und im Geböid dominiere si Holz, Beton und Glaas. Es isch brägt vom Dach us Kupfer, wo wäge dr Geometrii nit überall gliich stotzig isch, und vo de Liechtgiibel, wo us dr Dachflechi uusestöön. Dr vierzig Meter hoochi Durm stoot frei und setzt e markante Akzänt, wo im Dialog mit em Geböid stoot. Im Bardeer und im Chäller het s e Hufe Nääberüüm wo scho denn vil vo dr Gmäind brucht worde si. Wil d Aasprüch aber no gwaggse si, het mä d Gellertkiirche in de Joor 2007 und 2008 dur e zuesätzlige Gmäindisaal erwiteret.

Weblinggs

• Homepeidsch vo dr Gellertkiirche
• Homepeidsch vo dr Jugendaarbet vo dr Gellertkiirche
• Fotografie in dr Bilder-Datebangg vom Kanton Baasel-Stadt

Fuessnoote

Dä Artikel basiert uff ere fräie Übersetzig vum Artikel „Gellertkirche_(Basel)“ vu de dütsche Wikipedia. E Liste vu de Autore un Versione isch do z finde.