D Christophoruskiirche z Baasel

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dialäkt: Baseldütsch

D Christophoruskiirche isch e römisch-katholischi Kiirche in dr Schwizer Stadt Baasel. Si befindet sich im Stadtdäil Gläihünige.

Vorgschicht[ändere | Quälltäxt bearbeite]

Wo Gläihünige iigmäindet worde isch und sich dört Industrii aagsiidlet und mä d Haafenaalaag baut het, häi sich im Stadtdäil mee und mee Arbäiter niidergloo und under iine au nid wenig Katholike. Dorum het mä näbe dr evangelisch-reformierte Pfarrkiirche au e katholischi Kiirche brucht. 1935 isch dr Grundstäi für d Christophoruskiirche gläit und 1936 isch si iigweiht worde.

D Kiirche und d Gmäind[ändere | Quälltäxt bearbeite]

Vom häilige Christophorus, wo dr Schutzhäilig vo dr Kiirche isch, stoot e barocki Statue uf eme Mosaik mit öbbe 9000 Stäinli in dr Kiirche und er isch au uf eme Glasfänster daargstellt. S Innere vo dr Kiirche isch ebaar Mol umbaut worde. Am Aafang si d Kiirchgänger vor allem Schiffslüt gsi. Dorum isch vo 1948 aa e niiderländische Schifferkaplan as Seelsorger iigsetzt worde. 1960 het d Christophorusgmäind dur e bischöfligs Dekret en äigeni Pfarrei überchoo. 1974 het mä zum Aadänke e groosse Anker ufgstellt. 1976 isch en Orgle installiert worde. Sit em Joor 2000 si d Pfarreie St. Joseph im Matthäus-Kwardier und St. Christophorus en äinzigi Gmäind.

47.583647.59351Koordinate 47° 35′ 1″ N, 7° 35′ 37″ O; CH1903: 611652 / 270339