D Baasler Johanneskiirche

Johanneskiirche

Dialäkt: Baseldütsch

D Johanneskiirche (au Kwardiergmäind St. Johannes) isch e evangelisch-reformierti Kiirche in dr Stadt Baasel. Si befindet sich im Kannefäld-Kwardier im Santihanns. Im Joor 1996 isch si under Dänggmolschutz gstellt worde.

Im Joor 1936 häi dr Karl Egender und dr Ernst Friedrich Burckhardt as Gwünner vom ene Wettbewärb d Johanneskiirche afo baue, wo dennzumol hooch modärn gsi isch, mit em Gmäindidrakt und eme Pfarrhuus. Si isch noch em Apostel Johannes benennt worde. Dr Baukörper vom Kiirchedrakt isch lang und rächteggig und het e flachs Dach. Er orientiert sich zum Kannefäldblatz aane, lit aber hinde uf em Areal und so entstoot e Zesuur zwüschen em Kiirchehoof und em Woonkwardier, wo e chli witer unde lit.

D Archidektuur vo dr Johanneskiirche folgt de klaare Richtlinie, wo existiert häi zu sällere Zit. D Archidektuursprooch vo dr «Nöije Sachligkäit» brägt dr Bau mit Beton, sichtbare Staaldreeger und Glaasbaustäi. Bsundrigs stoot dr Gloggedurm uuse, wo mä vo drei Site cha in en iineluege, und er setzt as räin funktionals Elimänt dr entschäidendi Akzänt in dr Überbaujig. Im Innere demonstriere d Pfiffe co dr Orgle, dr Spiildisch vo dr Orgle, wo vorne stoot, und die schwarze Klappstüel dr innenarchidektonischi Zitgäist vo de 1930er Joor.

D Johanneskiirche mit em Gmäindidrakt, wo drzue ghöört, isch sit denn zuesätzlig zum kirchlige Betriib für alli mööglige Aaläss brucht worde.

Weblingg

• Fotene in dr Bilder-Daatebangg vom Kanton Basel-Stadt

Fuessnoote

Dä Artikel basiert uff ere fräie Übersetzig vum Artikel „Johanneskirche_(Basel)“ vu de dütsche Wikipedia. E Liste vu de Autore un Versione isch do z finde.

47.5658333333337.575