Roddeschwyl
| Roddeschwyl | |
|---|---|
 | |
| Basisdate | |
| Staat: | Schwiiz |
| Kanton: | Aargau (AG) |
| Bezirk: | Muri |
| BFS-Nr.: | 4238 |
| Poschtleitzahl: | 8919 |
| Koordinate: | 669818 / 240730 |
| Höchi: | 388 m ü. M. |
| Flächi: | 4.49 km² |
| Iiwohner: | 913 (31. Dezämber 2022)[1] |
| Website: | www.rottenschwil.ch |
 Roddeschwyl | |
| Charte | |
 | |
Roddeschwyl (amtlich Rottenschwil) isch e Gmeind im Bezirk Muri vom Kanton Aargau.
Geografy
[ändere | Quälltäxt bearbeite]S Dorf lyt am weschtleche Rand vom Rüüsstaal. Dr Gmeindbann foot im Weschte ufem Buecheald a und goot im Oschte bis a d Rüüss und zum Flachsee und bim Werderhölzli sogar no uf d Oschtsyte vo der Rüss übere. Bi Roddeschwyl goot e Brugg über d Rüüss.
S Dorf Werd isch ane 1898 zu Roddeschwyl ygmeindet worde.
Dur Roddeschwyl isch früener der alt Houptkanal vo der erschte Entwässerig vo dr Rüüssebeni ggange. Im Biet vo Roddeschwyl ligge grossi Sümpf und Wasserflechene, au der ehemolig Flusslouf vo dr Rüss, wo hüt Stilli Rüüss heisst. Die Deil vo dr Landschaft und psunders dr Flachsee sind die wichtigschte Naturschutzpiet i dr Rüssebeni, wo bim grosse Projäkt vo der Sanierig vom Rüsstaal ygrichtet worde sind.[2]
Z Roddeschwyl isch sider en Drittel vo dr Gmeindflechi de Naturschutzpiet zuedeilt. Bi Roddeschwyl isch s Huus, wo drin d «Stiftig Rüüsstaal» schaffet, wo im Uftrag vom Kanton für d Naturschutzprojäkt i dr Rüüssebeni luegt.[3]
D Nochbergmeinde vo Roddeschwyl sind Underlunkofe, Oberlunkofe, Joone, Aristau, Bäsebüüre und Brämgarte.
Gschicht
[ändere | Quälltäxt bearbeite]S Dorf isch ane 1281 i dr Form Rotolfswile gnännt. Im Habsburger Urbar vo öpe 1306 heisst dr Name Rotoswile.
Weblink
[ändere | Quälltäxt bearbeite]
Commons: Rottenschwil – Sammlig vo Multimediadateie- Website vo dr Gmeind Roddeschwyl
- Anton Wohler: Rottenschwil In: Historisches Lexikon vo dr Schwiiz.
- Anton Wohler: Werd (AG). In: Historisches Lexikon vo dr Schwiiz.
Fuessnoote
[ändere | Quälltäxt bearbeite]- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- ↑ Informazioon Rüüssebeni (Memento vom 8. Juli 2016 im Internet Archive).
- ↑ Stilli Rüüss. Archiviert vom Original am 10. Juli 2016; abgruefen am 18. September 2017..
