Oberrüti

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Rüti
Wappe vo Rüti
Basisdate
Staat: Schwiiz
Kanton: Aargau (AG)
Bezirk: Muriw
BFS-Nr.: 4237i1f3f4
Poschtleitzahl: 5647
Koordinate: 672679 / 22441047.1666668.397223416Koordinaten: 47° 10′ 0″ N, 8° 23′ 50″ O; CH1903: 672679 / 224410
Höchi: 416 m ü. M.
Flächi: 5.37 km²
Iiwohner: 1415 (31. Dezämber 2013)[1]
Website: www.oberrueti.ch
Charte
Charte vo Rüti
ww

Rüti (offiziell: Oberrüti) isch en Iiwohnergmeind im Bezirk Muri im Schwiizer Kanton Aargau. Si ligt im Rüüstal an de Gränze zum Kanton Zug..

Geographii[ändere | Quälltäxt bearbeite]

Zur Gmeind Rüti ghört näbem Dorf sälber au d Wiler Wide, An de Rüss und Beugge und e paar Einzelhöf. De Gmeindsbann het e Flächi vo 537 Hektare, dodervo sind 82 Hektare Wald und 53 Hektare sind überbaut. De höchschti Punkt vo de Gmeind isch uf 495 Meter ü. M., de tüüfschti uf 400 Meter. D Nochbargmeinde sind di Aargauer Gmeinde Seis und Dietel und di Zuger Gmeind Hünebärg.

Gschicht[ändere | Quälltäxt bearbeite]

Rüti isch zum erschte Mol in eme Schutzbrief vom Papscht ans Chloschter Engelbärg us em Johr 1236 in de Form Ruty erwähnt worde. Scho im Johr 1231 isch en Freiherr vo Rüthi erwähnt, wo en Schtifter vom Chloschter Frauethal gsi isch. Di höchi Grichtsbarkeit und dodermit d Landesherrschaft isch bi de Habsburger gläge, wo s Dorf em Amt Meiebärg zuteilt hei. Nach de Eroberig vom Amt Meiebärg durch d Lozärner hei di d Landesherrschaft übernoh, hei si aber ab em 1425i mit allne Eidgnosse müesse teile. S Amt Meiebärg isch zu de Freie Ämter cho, ere gmeie Herrschaft. Im März 1798 sin d Franzose in d Schwiiz iimarschiirt un hei di Helvetisch Republik usgruefe. Rüti het in dere Ziit zum Kanton Bade ghört. In de helvetische Verfassig vo 1802 isch planet gsi, Rüti zum Kanton Zug z schlaa, aber de Napoleon het verfüegt, dass Rüti zum noie Kanton Aargau cho isch, wo im 1803 gründt worde-n-isch..

Literatur[ändere | Quälltäxt bearbeite]

  •  Franz Stöckli, Ulrich Widmer, Einwohnergemeinde Oberrüti (Hrsg.): Dorfgeschichte Oberrüti. Oberrüti 2004.

Weblink[ändere | Quälltäxt bearbeite]

 Allmänd (Commons): Rüti – Sammlig vo witere Multimediadateie

Einzelnochwis[ändere | Quälltäxt bearbeite]

  1. Bevölkerungsbestand per Ende Dezember 2013, Statistisches Amt des Kantons Aargau