Dr Chleibasler Bulverdurm

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Linggs dr Bulverdurm, rächts s Wäisehuus in dr ehemoolige Kartause.
Dialäkt: Baseldütsch
Uschnitt us dr Stadtaasicht vom Matthäus Merian im 17. Joorhundert[1]
Uf dere Aasicht vo 1642 isch dr Bulverdurm zwüschen em Eggedurm (linggs) bi dr Kartause (Nummere 2) und em Oobere Rhiidoor am Ändi vo dr Riechestrooss (rächts oobe).

Dr Bulverdurm isch Deil vo dr Chleibasler Stadtmuure gsi und existiert immer no.

Dr Bulverdurm, mä het em au dr Middleri Durm gsait, stoht e chli meh as fufzig Meter stromabwärts vom Kartüser Eggedurm in dr Nöchi vo dr hütige Wettsteibrugg. Er isch fast achzäh Meter hoch und het e rächteggige Grundriss mit ere Sitelengi vo öbbe zwölf Meter. Siini Umfassigsmuure nähme in de obere Stöck stark ab. Er het Fänster und Schiessscharte in verschiidnige Grösse und Forme und isch mit eme Pultdach überdacht, wo gege s Stadtinnere abfallt.

D Kartüser hai dr Eggedurm und dr Bulverdurm as Chlostergfängnis bruucht, hai aber dr Zuegang zun em nid döfe versperre.

Fuessnoote[ändere | Quälltäxt bearbeite]

  1. Merian Basel 1642.jpgDie ganz Aasicht vo dr Stadt Baasel vom Matthäus Merian vo 1642.



47.5577777777787.5958333333333Koordinaten: 47° 33′ 28″ N, 7° 35′ 45″ O; CH1903: 611833 / 267463