Kanton Baden

Us der alemannische Wikipedia, der freie Dialäkt-Enzyklopedy
Hops zue: Navigation, Suech
S Wappe vo Bade, wo vo dr Grafschaft Bade chunt
Charte vom Kanton Bade und sine Dischtrikt

De Kanton Bade isch e Verwaltigsbezirk vo de Helvetische Republik gsi und het mid däre vom 1798i bis 1803 exischtiert.

Gschicht[ändere | Quälltäxt bearbeite]

Bi de Gründig vo de Helvetische Republik im 1798i isch de Kanton Bade us zwei gmeine Herrschafte, wo d Eidgnosse vo 1415 bis 1798 gha hend, zämegestzt worde. Das sind d Grafschaft Bade im Norde und di Freie Ämter im Süde gsi. D Kantön sind in de Ziit vo de Helvetische Republik nume Verwaltigsbezirk gsi, keini eigeti Länder, und di helvetisch Zentraalregierig hed se vo Regiirigsschtatthalter lo verwalte.

Für e churzi Zyt isch Bade do drmit e Kantoonshauptstadt gsi.

Im 1799 het de Kanton Bade 40'982 Iiwoner gha, wobi d Jude, wo z Lengnau und z Endige gläbt hei, nöd zellt worde sind.

I dr Mediationsziit, wo vo 1803 bis 1813 ggange isch, hend d Kantöön wider vil Suveränität zrugg übercho. De Kanton Bade isch im 1803 ufghobe und sis Biet em Kanton Aargau zudeilt worde.

Hüt bildet de Grossteil vom ehemalige Kanton Bade de öschtlich Teil vom Kanton Aargau mit de Bezirk Bade, Brämgarte, Muri und em Zurzibiet.

Weblink[ändere | Quälltäxt bearbeite]