Zum Inhalt springen

Maugehard

Us der alemannische Wikipedia, der freie Dialäkt-Enzyklopedy


Maugehard (dt. Maugenhard) isch e Wiler im südliche Markgräflerland (Landchreis Lörrach, Bade-Württeberg, Dütschland) im Izugsgebit vum Grossrüm Basel. Politisch ghört Maugehard zue Mappä un isch mit sinere Gmei anno 1974 in Efrige-Chilche igmeindet worre, wo si sither zämme e Ortsdeil bilde.

Maugehard isch die öschtlichscht Sidlig vu dr Gsamtgmei Efrige-Chilche. Dr Wiler lit uf guet 320 m Höchi uffem südliche Chatzeberg.

Maugehard het bis 1863 noch zue Egrige ghört un isch no nooch eme lange Stritt um Weiderächte mit em gröschte Deil vu sinem Bann an Mappä gfalle.

As e typisch markgräfler Ortschaft zellt Maugehard zum hochalemannische Dialektgebit.