Chraftwärch Eglisau-Glattfäldè

Us der alemannische Wikipedia, der freie Dialäkt-Enzyklopedy
Kraftwerk Eglisau-Glattfelden
Chraftwärch Eglisau-Glattfäldè, (Aasicht vo Südweschtè)
Chraftwärch Eglisau-Glattfäldè, (Aasicht vo Südweschtè)
Chraftwärch Eglisau-Glattfäldè, (Aasicht vo Südweschtè)
Laag
Kraftwerk Eglisau-Glattfelden (Schweiz)
Kraftwerk Eglisau-Glattfelden (Schweiz)
Kraftwerk Eglisau-Glattfelden
Kraftwerk Eglisau-Glattfelden
Koordinate, (CH) 47° 34′ 31″ N, 8° 28′ 22″ O (677811 / 269901)Koordinate: 47° 34′ 31″ N, 8° 28′ 22″ O; CH1903: 677811 / 269901
Land SchweizSchweiz Schwiz
Züri

DeutschlandDeutschland Dytschland

Baden-Württemberg Bade-Wirttebärg
Ort Glattfäldè
Gwässer Rhy
f1
Kraftwärk
Eigedümer Axpo Power AG
Bedriiber Axpo AG
Blaningsaafang 1900
Bauzit 1915–1920
Betribaafang 1920
Denkmõlgschützt sit 1988
Technik
Èngpassleischtig 43,4 Megawatt
Durchschnittliche
Fallhöchi
max. 11 m
Uusbaudurrèfluss 500 m³/s
Turbinè 7 Kaplanturbinè
Suschtiges
Stand 2012-09-27


S Chraftwärch Eglisau-Glattfäldè, mängisch au Chraftwärch Rhysfäldè, isch è Flusschraftwärch am Hochrhy a dè Dütsch-Schwizer Gränz.

S Chraftwärch lyt öppè uff èm halbem Wäg zwǜschè Eglisau un Hoètèngè bi Rhysfäldè (Gmeind Glattfäldè). Dè Rüggschtau gòt zrugg bis zu dè Mündig vo dè Thur. S Chraftwärch bruucht s Gfälle zwǜschè dè Thur- un dè Glattmündig. Well dè Rhy a sellèrè Stell d Gränz zwǜschè Dütschland un dè Schwiz bildet, lyt ein Deil vo dè Aalaagè uff baddischèm un dè ander uff zürcherschem Gebièt, dört lyt au s Härz devò, s Chraftwärchsgebäude.

Èrschti Studiè zum Bau von èm Chraftwärch in sellèrè Gegend hèt es vo 1900 bis 1910 gää. Nõchdèmm d Zürcher un Schaffuuser Elegtrizidätswörch mit Zuèschtimmig vum Grossherzogdum Baddè 1913 d Konzession für 80 Johr erhaaltè ghaa hèn, hèn d Vorarbetè aagfangè. 1914 hèt diè NOK d Konzession übbernõ. D Blään für dè Bau sin vo dè Architegtè Gebrüèder Pfischter erschtellt worrè. 1915 hèt mò dè Büèz am Bau in Aagriff gnõ. Uffgrund vom Uffschtau hèt am Fluss nõch einigi Hüser grumt wörrè muèsè un d Eglisauer Strõssèbrugg hèt neu baut wörrè muèsè. Well s Chraftwärch dirèkt a dè Mündig vo dè Glatt entschtandè isch, isch selli durch èn Stollü i s Unterwasser vum Chraftwärch umgleitet worrè. Selli Stollè sin am 16. Januar 1916 in Bedryb gnõ worrè. S 114,5 Meter lange Stauweer hèt sechs Öffnigè mit je 15,5 Meter lichti Breiti. Am dütschè Ufer isch dè èrschti, 18 Meter langi Bauabschnitt von èrè 12 Meter breitè Schlüüsè für diè dòmòls blaante Rhyschifffaart baut wirrè. S Chraftwörch hèt am 15. April 1920 èrschtmòls Stròm broduzyrt. S maximale Gfälle hèt 11 Meter un d Nutzwassermengi 390 m³/s bedrait. Èntschprèchend dè Uferlängè hèt s Land Baddè 8 % vo dè erzüügtè Energy chriègt, 92 % stôn dè beidè Schwizer Kantön zuè.

S Chraftwärch isch sit 1979 im Inventar vo dè schutzwürdigü Objèkt uffgfüürt. Am 16. Dezembèr 1998 isch è neui Konzession erdeilt worrè, wo sit èm 1. April 2002 in Chraft isch.

Im Raamè von èrè Chraftwärchsrenovation sin alli sibbè Maschinnègruppè uusduuscht worrè. Statt dè Francis- chömmèd ab denn Kaplanturbinè zum Ysatz. Bi nèm Durchfluss vo 500 m³/s leischtèd diè neuè Turbinè zämmè 43,4 MW un broduzyrèd jöhrlich im Mittel 318 GWh Stròm. Diè derzitigi Konzession gòt bis zum 31. Dezembèr 2046.[1]

Weblingg[ändere | Quälltäxt bearbeite]

 Commons: Kraftwerk NOK Eglisau – Rheinsfelden – Sammlig vo Multimediadateie

Einzelnõchwys[ändere | Quälltäxt bearbeite]

  1. Erneuertes Kraftwerk Eglisau eingeweiht. Pressemitteilig. Axpo Holding AG, 27. September 2012, abgruefen am 5. Oktober 2012.


Dä Artikel basiert uff ere fräie Übersetzig vum Artikel „Kraftwerk_Eglisau-Glattfelden“ vu de dütsche Wikipedia. E Liste vu de Autore un Versione isch do z finde.