Chraftwärk Birsfälde

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
f1
Kraftwerk Birsfelden
S Chraftwärk Birsfälde - Architekt Hans Hofmann
S Chraftwärk Birsfälde - Architekt Hans Hofmann
Laag
Kraftwerk Birsfelden (Schweiz)
Kraftwerk Birsfelden
Koordinate 614090 / 26777747.5605555555567.6258333333333Koordinate 47° 33′ 38″ N, 7° 37′ 33″ O; CH1903: 614090 / 267777
Land: Schwiz
Coat of arms of Kanton Basel-Landschaft.svg Baselbiät
Wappen Basel-Stadt matt.svg Basel-Stadt
Ort: Baasel, Birsfälde
Gwässer: Rhii
Kraftwärk
Bedriiber: Kraftwerk Birsfelden AG
Blaningsaafang: Ändi vom 19. Joorhundert, konkret 1942
Bauzit: vo 1951 aa
Betrièbaafang: 1954
Technik
Èngpassleischtig: öbbe 100 Megawatt
Suschtiges
Dialäkt: Baseldütsch

S Chraftwärk Birsfälde isch e Niiderdruck-Laufchraftwärk über em Rhii und lit zwüsche Birsfälde und em Chläibaasel. Es wird vo dr Schwizer Akziegsellschaft Kraftwerk Birsfelden AG mit Sitz z Birsfälde im Kanton Basel-Landschaft betriibe. S Chraftwärk liiferet e durchschnittligi Läistig vo öbbe 100 MW.

Gschicht und Bau[ändere | Quälltäxt bearbeite]

Sit em Ändi vom 19. Joorhundert häi sich verschiideni Undernäämergrubbe mit dr Brojektierig vom ene Chraftwärk befasst. Aber erst 1942 häi Basel-Stadt und Basel-Landschaft, wo d Stauaalaag zwüsche iire Rhiiufer hät sölle baut wärde, de zueständige Schwizer und badische Behörde iiri Blään underbräitet. Es isch denn no acht Joor gange, bis s Brojekt d Konzession überchoo het und d Chraftwärkgsellschaft am 16. Septämber 1950 gründet worde isch.

1951 het dr Archidekt Hans Hofmann dr Ufdraag überchoo, d Hoochbaute z blaane, und dr Stadtgärtner R. Arioli isch für die landschaftligi Gstaltig verantwortlig gsi.

D Chraftwärkgsellschaft het sich müesse verpflichte, ass Schiff zu jeder Zit zwüsche Baasel und Augst chönni vercheere und het wäge däm Schlöise müesse iiblaane. Wääred s Weer dr Hauptarm vom Rhii staut, si südlig vo dr Chraftwärkinsle im Nääbenarm zwäi Schlöise baut worde, wo 12 Meter bräit und 180, beziejigswiis 190 Meter lang si.

Über s Weer het mä e Fuessgänger- und Welowääg baut, dr Holzöpfelwääg, wo dr obersti Rhiiübergang z Baasel isch.

Die groossi Matte uf dr Chraftwärkinsle wird vo de Baasler as Noocherhooligsgebiet benützt.

Weblingg[ändere | Quälltäxt bearbeite]

 Commons: Kraftwerk Birsfelden – Sammlig vo Multimediadateie