Chraftwärch Reckingè

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen


Kraftwerk Reckingen
Chraftwärch Reckingè
Chraftwärch Reckingè
Laag
Kraftwerk Reckingen (Baden-Württemberg)
Kraftwerk Reckingen
Koordinate, (CH) 47° 34′ 14,1″ N, 8° 20′ 17,6″ O (667692 / 269263)47.5705848.338236335.2Koordinaten: 47° 34′ 14,1″ N, 8° 20′ 17,6″ O; CH1903: 667692 / 269263
Land: Dütschland, Schwiz
Ort: Rekingè, Küssabärg
Gwässer: Hochrhy
Höchi Obberwassèr: 335,2 m ü. M.
Kraftwärk
Eigedümer: 50 % EnBW Energy Baddè-Württèbärg AG[1]
30 % AEW Energy AG[1]
20 % Axpo Power AG[1]
Bedriiber: Axpo Power AG
Blaningsaafang: 1928
Bauzit: 1938-1941[1]
Technik
Èngpassleischtig: 38[1] Megawatt
Uusbaudurrèfluss: 560[1] m³/s
Regelarbetsvomögè: 252[1] Millionen kWh
Turbinè: 2 Kaplan-Turbinè[1]
Suschtiges

S Chraftwärch Reckingè isch è Laufwasserchraftwärch am Hochrhy, rund 700 Meter obberhalb vom Baanhof Rekingè. Well s Chraftwärchsgebäude uff dè badischè Sitè bim Ortsdeil Reckingè vo dè Gmeind Küssabärg lyt, wörd d Schrybwys mit ck bruucht un nit d Schrybwys vo dè am aargauerischè Ufer ligendè Gmeind Rekingè. S Chraftwärch isch zwǜschè 1938 un 1941 baut worrè, obwoll d Konzessionè scho 1928 erteilt worrè sin. D Zuèsatzkonzessionè, welli 1938 erdeilt worrè isch, laufed nõ bis 2020. S Gsuèch für d Erneuerig vo dè Konzession isch frischtgrächt gschtellt worrè.[2]

Aafänglich isch s Chraftwärch durch d Lonza z Basèl betribbè worrè, un d Leischtig un diè erzügti Energy gmäss urschprünglichè Vodrääg jewyls zu 50 % uff d Schwiz un s Land Baddè vodeilt worrè. Hüt sin d Eigèdumsvohältnis wiè folgt greglèt: D EnBW Energy Baddè-Württèbärg AG haaltet 50 %, d AEW Engergy AG 30 % un d Axpo Power AG 20 %. D Betrybsfüürig wärd sit 2003 durch d Axpo Power AG wòrgnõ.[1]

Infodaflè bim Chraftwärch uff dè badischè Sitè

S Chraftwärch staut dè Rhy uff è Höchi vo 335,2 m ü. M. un ènèrè Längi vo 11,5 Kilometer, un langèd somit bis i dè Unterwasserberych vom Chraftwärch Eglisau. S Stauweer un s Chraftwärchsgebäude bilded zämmè d Stauschtufè. S Weer hèt è lichti Witi vo 69 Meter sowiè drei Öffnungè vo 20 Meter. D Doppelschütz hèn è Höchi vo 12 Meter un sin als sechs Meter hochi Hackèschütz uusbildet. Im Obberwasser sin für dè Notabschluss drei Dammbalchè vorgsää. A beidè Ufersitè git s è Fischschtägè. D Bootsrampè lyt uff dè schwizerischè Sitè.

S Maschinnèhuus hèt è Grundabmessig vo 64,6 uff 18,5 Meter, s hèt zwei vertikalachsigi Maschinnègruppè dinnè. Selli bschtôn jewyls uss einèrè Kaplanturbinè mit enèrè Schluckfähigkeit vo 280 m³/s, a welli dirèkt èn Drèèschtròmgenerator mit ènèrè Leischtig vo 22'000 kVA kupplèt worrè isch. Sellè erzügt bi 75 Umdrehungè pro Minutè è Spannig vo 11 Kilovolt bi nèrè Frequènz vo 50 Hertz. D Generatorschpannig wörd mit Hǜlf vo Transformatorè bi dè schwizerischè Ableitig uff 50 Kilovolt un bi dè dütschè Ableitig uff 110 Kilovolt brocht.

S Chraftwärch isch vo dè Motor-Columbus AG z Badè blaant worrè. Selli Firma hèt au d Bauleitig gmacht, als örtlichè Bauleiter isch dè Ingenieur Dr. F. Gugler tätig gsi.

Diè rächtsrheinischi (uff dè badischè Sitè) blaanti Schiffsschlüüsè isch nit uusgfüürt worrè.

Literadur[ändere | Quälltäxt bearbeite]

  • Schweizerischer Wasserwirtschaftsverband und Verband Schweizerischer Elektrizitätswerke (Hrsg.): Führer durch die schweizerische Wasser- und Elektrizitätswirtschaft, Band 2, 1949, S. 639-642

Weblingg[ändere | Quälltäxt bearbeite]

 Commons: Kraftwerk Reckingen – Sammlig vo Multimediadateie

Einzelnõchwys[ändere | Quälltäxt bearbeite]

  1. 1,0 1,1 1,2 1,3 1,4 1,5 1,6 1,7 1,8 Historie uf de Website vom Chraftwärch Reckinge
  2. Konzession uf de Website vom Chraftwärch Reckinge


Information icon.svg Dä Artikel basiert uff ere fräie Übersetzig vu dere Version vum Artikel „Kraftwerk_Reckingen“ vu de dütsche Wikipedia.

E Liste vu de Autore un Versione isch do z finde.